Државниот обвинител Љупчо Коцевски кажа дека одлуката за зголемување на нивниот број за неколкумина е донесена вчера, со цел како што рече, да не дојде до одлагање на постапката по вина на обвинителството.

-Имајќи предвид да не се наруши постапката на другите обвинители што имаат други предмети, можеби не секогаш ќе присуствуваат сите обвинители меѓутоа секогаш ќе има обвинители за да не се одолговлекува постапката и да не се одлага по вина на обвинителството. Максималниот број можеби ќе биде 15 обвинители,- изјави – Љупчо Коцевски – Јавен обвинител на РМ.

Со обвинието опфатени се 34 физички и 3 правни лица, но не и полициските службеници.. За нив истрагата се уште ја води Обвинителството за организиран криминал и корупција, а Коцевски најавува дека ќе заврши до почекот на декември..

-Имаше објективни околности околу сослушување на одредени сведоци и сега тие се сослушуваат со тоа што најверојатно на почеток на следниот месец ќе се донесе и јавнообвинителска одлука,- изјави – Љупчо Коцевски – Јавен обвинител на РМ.

Околу забелешките нотирани за правосудството во Извештајот на ЕК за напредокот на Македонија, Коцевски вели дека се на линија на неговите претходни изјави дека недостасуваат човечки и технички ресурси. Прашан за најавите од власта дека ќе преземе мерки во правосудството по завршувањето на локалните избори, Коцевски рече дека тие повеќе ги цени како политички изјави.

-За да има успех во борбата со криминалот треба да се создадат и услови. Конкретно во јавното обвинителство работиме со јавнообвинителска служба од една третина што значи околу 360 вработени а треба околу 1126, и за лани и за ова од страна на Министерството за финансии не ни се дозволува ниедно вработување.

Дека власта ќе преземе мерки?

Повеќе ги ценам како политички изјави, во однос на платите тоа е регулирано согласно закон, и нашите во споредба со регионот се најниски,- изјави – Љупчо Коцевски – Јавен обвинител на РМ.

По трагедијата во Кочани Владата ја запре постапката за разрешување на државниот обвинител Коцевски, но во јуни владејачкото мнозинство му изгласа недоверба во Собранието.. Сепак, тој оствака не поднесе, па според најавите од власта, постапката за негово разрешува ќе продолжи по завршување на изборниот процес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.