Предизвиците на македонските хероини во руралните средини - Канал 5

Живот

Предизвиците на македонските хероини во руралните средини

Во земјава има официјално 38.000 хероини во македонските села, кои произведуваат храна.

Предизвиците на македонските хероини во руралните средини

Рурална коалиција по повод 15 октомври, Меѓународниот ден на руралната жена почнува едномесечна кампања за жените кои вредно работат земјоделие, сточарство, овоштарство. Емилија Пехчевска е пример дека шансата за добар живот и бизнис ја има пронајдено во Берово. Со нејзиниот сопруг одлучиле животот во Скопје да го напуштат и се враќаат во Берово каде што почнуваат со собирање на шумски плодови и нивна преработка во надалеку прочуените сокови и џемови од Малешевијата. Таа пред објективот на МИА ја раскажа својата приказна.

-Ние сме натурализирани Беровци веќе девет години живееме, егзистираме и работиме во Берово, а инаку сме преселени од Скопје, корените си влечат. Свекорот ми е Беровец, Малешевец отселен уште во млади денови во Скопје. Но, ние секогаш при посета на Берово бевме воодушевени и еден ден одлучивме со семејството да се вратиме и да го продолжиме животот таму, вели Пехчевска.

Емилија има мала семејна компанија, а со нејзиниот сопруг низ живопсната и се уште недопрена природа во Малешевскиот регион собираат капини, малини,шумски јагоди, рибизла, рибизла, аронија од кои прават џемови и сокови, а исто така собираат и билки. Своите производи го прадава преку социјалните мрежи, а страницата и е насловена „Беровски еколошки производи“. Таа не се жали на својата работа, туку со гордост и леснотија ја работи.

-Секоја работа си има своја тежина, не можам да кажам дека е лесно. Физички е напорно, исцрпувачко не е само таа работа, дополнително има и друга работа, не е само собирањето, туку и се она што носи таа работа, преработка, амбалажирање, продажба. Ова почна сосема случајно, кога ние се преселивме и се движевме низ прекрасните предели, собирајќи шумски плодови за наши потреби, за нашите дечиња и така се појави самата иницијатива да еден дел што ќе го собереме да го преработиме, вели Пехчевска.

Меѓу успешните приказни во Рурална коалиција е и на студентката Кристина Тодорова од Неготино. Студира на Земјоделскиот факултет при Универзитетот „Свети Кирил и Методиј“ во Скопје, категорична е дека по студирањето ќе се врати во своето родно место, каде што имаат мал бизнис за производство на печурки.

-Јас секако дека ќе се вратам во мојот роден крај. Ние работиме со производство на печурки и мојот бизнис проект е инкубатор за печурки. Со години се занимаваме со производство и како агроном во оваа криза што се наоѓаме многу е важно да се произведува здрава храна и да биде достапна во маркетите, вели Тодорова.

Кристина со љубов го работи производството на печурки, а нејзината визија е да го прошири производство на повеќе видови на печурки, а кои ќе бидат произведувани од страна на млади невработени лица. Посочи дека мал е интересот за студирање на нејзиниот факултет, но смета дека преку ваквите успешни приказни на младите може да им се даде поттик да се запишат на Земјоделскиот факултет.

Претседателката на Рурална коалиција, вели дека согласно податоците кои ги имаат од Заводот за статистика жените на нива, но и во фармите и бачилата работат рамо до рамо со мажите.

-Имаме над 170.000 земјоделски стопанства кои се регистрирани или евидентирано, во зависност од тоа дали земаат субвенции или не и во речиси во сите од нив жените работат рамноправно со мажите, кога говориме само за жените тогаш говориме за бројка од повеќе од 38.000, коишто се регистрирани како индивидуални земјоделци и какошто ви кажав нивната бројка е поголема, бидејќи не сите се регистрираат во Министерството за земјоделство, шумарство и водостопанство, Тука и беше и нашата цел да ги испромивираме и тие жени, кои се надвор од системот, но произведуваат храна, или прават различни преработки, какошто се џемови слатка, колачи, торти, декорации, традиционални украси, вели Јоноска.

Продажбата на земјоделски производи освен на пазарите, стана хит и на социјалните мрежи

Македонските потрошувачи се враќаат на купување на домашните производи на пазарите, но хит станаа и социјалните мрежи, каде што има платформи и групи кои ги нудат своите производи, од млеко, сирење, урда, печурки, преработка на овошје и на шумски плодови. Јоноска од Рурална коалиција вели дека производителките на храна ги обидинуваат во „Наша тезга“.

-Конкретно ние го отворивме првиот женски рурален е пазар „Наша тезга“, којшто на 3 декември ќе слави една година од своето постоење, ако ви кажам дека почнавме со 40 жени, сега имаме над 150, кој се дел од овој пазар и којшто успешно ги промовираат и исто така ги продаваат и своите производи. Ако можам да кажам дека нешто позитивно се случи од Ковид кризата и од она што во моментот ни се случува, тоа е токму поддршката на овие жени и менувањето на навиките да купуваме исклучиво од пазар. Всушност ние сакавме да направиме еден таков он лјан пазар, каде што секоја од жение си има буквално своја тезга, па може да се запознаете со неа, да ја прочитате нејзината приказна и традиција на производство, да видите нејзините производи и буквално да си изберете производ од која жена ќе го купите, вели Јоноска.

Пехчевска од Берово успешно ја прави продажбата на своите производи, токму преку социјалните мрежи, каде што ги и промовира своите преработки од шумски плодови. Но смета дека во овој простор има нелојална конкуренција.

-Она што е наша определба е да бидеме уникатни во квалитетот, а со тоа се разбира дека и цената треба да биде соодветна. Луѓето не знаат, мислат дека ако најдат за 50 до 100 денари поевтин производ го купиле она вистинското. Значи за тоа е потребно многу време и труд и да се создаде круг на лојални конзументи, со којшто може да се продолжи соработката, вели Пехчевска.

Рурална коалиција промовира 25 жени, кои успешно ја поминаа првата Меѓународна академија за жени-претприемачки од руралните средини. /MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Лидер на секта на Нов Зеланд е осуден за смрт на следбеничка- му ги чувала децата, а телото ѝ го нашле во вреќа (ВИДЕО)

Суд во Нов Зеланд осуди водач на секта на 10 години и 5 месеци затвор поради смртта на постар следбеник кој допатувал од Кина за да живее со своето семејство. 

Лидер на секта на Нов Зеланд е осуден за смрт на следбеничка- му ги чувала децата, а телото ѝ го нашле во вреќа (ВИДЕО)

Каиксиао Лиу беше прогласен за виновен за убиство од небрежност и киднапирање.

Телото на 70-годишниот Шулаи Ванг беше пронајдено во март 2024 година, завиткано во вреќи со ориз, во близина на пристаништето Галф Харбор во Окленд. Беше започната обемна истрага за убиство, која на крајот ја одведе полицијата до Лиу, пишува Би-Би-Си.

Лиу, музичар кој претходно се појави на кинеско шоу за таленти, ги негираше обвинувањата. Тој, исто така, ги отфрли тврдењата дека е водач на култ, велејќи дека привлекувал следбеници исклучиво преку својата музика.

Жртвата ги поминувала своите денови грижејќи се за своите деца

За време на судењето, судот слушна дека Ванг допатувала од кинескиот остров Хаинан во Нов Зеланд во август 2023 година. Заедно со неколку други следбеници, таа се преселила во куќата на Лиу и неговото семејство, која Лиу ја нарекувал „Ковчегот“.

Обвинителите тврдеа дека жените биле во врска на „ропство“ кон Лиу и неговото семејство и дека Лиу строго ги контролирал нивните животи. Тие го нарекувале „Господар“ или „Учител“. Ванг ги поминувала деновите грижејќи се за децата на Лиу, проучувајќи ги светите списи и садејќи зеленчук, според наводите изнесени за време на судењето.

Судот слушна дека Ванг имала тешкотии да ги следи строгите правила, веројатно поради нејзината напредна возраст, и често била казнувана. Во март 2024 година, Ванг се обидела да избега, но била фатена. Ја привеле, ѝ ја одзеле храната и водата и ѝ ја залепиле устата со селотејп за да не вреска. Таа починала.

YouTube video

Рибар го пронашол телото

Лиу, неговото семејство и неговите следбеници го оставиле телото на несреќната жена во близина на пристаништето Галф Харбор. Лиу, исто така, ги повел своите деца на патувањето за да ги искористи како „маска“.

Телото било пронајдено неколку дена подоцна од рибар. Полицијата на крајот утврдила дека вреќите со ориз во кои било завиткано телото на Ванг биле поврзани со Лиу, кој претходно купил невообичаено голема количина од таа конкретна марка ориз.

Покрај Лиу, неговата сопруга Ланјуе Сјао е осудена на 7 години и 11 месеци затвор за киднапирање и убиство од небрежност. Неговата мајка Сјиујун Ли и таткото Џингуи Лиу претходно беа прогласени за виновни за киднапирање и лошо ракување со човечки останки и ќе бидат осудени подоцна оваа година.

На изрекувањето на пресудата, адвокатот на Лиу побара полесна казна, тврдејќи дека неговиот клиент се кае и „не е водач на секта, ниту бара од луѓето да го следат“.

Судијата: Тој не покажува каење. Треба да се срамите од себе

Новозеландските медиуми објавија дека Лиу посетувал воен универзитет во Кина. Во 2011 година, тој учествувал на кинескиот натпревар за таленти „China's Got Talent“. Снимките објавени на интернет го покажуваат како пее на сцена со заврзани очи. Во 2017 година, тој се преселил во Нов Зеланд со Сјао, каде што двајцата добиле статус на постојан жител.

Лиу стекнал следбеници преку кинеските социјални медиуми, каде што објавувал религиозни дискусии, видео дневници и снимки од себе како пее. Тој исто така го започнал проектот Универзален хор, како дел од кој создал оркестарска музика со вселенски теми.

За време на судењето, сведочеше полицаец кој разговарал со еден од следбениците на Лиу. Тој рече дека жената му рекла дека „запознала луѓе преку интернет преку веб-страница за песни“ и дека ги нарекувала жителите на куќата нејзини пријатели.

При изрекувањето на пресудата, судијата Метју Даунс рече дека Лиу покажал „бездушна рамнодушност“ кон Ванг. „Поради тебе, г-ѓа Ванг почина со ужасна смрт. Не покажуваш каење. Треба да се срамиш“, истакна тој.

Тагови: Нов Зеланд секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Торнадо разнесе село во Франција- десетици повредени, оштетени се 300 куќи (ВИДЕО)

Торнадо вчера го зафати селото Пома во југозападна Франција, при што беа повредени 41 лице и оштетени околу 300 домови, соопштија властите. 

Торнадо разнесе село во Франција- десетици повредени, оштетени се 300 куќи (ВИДЕО)

Бурата корнеше покриви од згради, предизвикувајќи прекини во снабдувањето со електрична енергија и сообраќајни нарушувања, принудувајќи ги властите да откажат етапа од велосипедската трка Вуелта а Еспања.

Торнадо го зафати селото во југозападна Франција, при што беа повредени 41 лице и оштетени стотици домови, соопштија властите, објави Франс 24.

Француските власти ставија голем дел од југозападниот дел на земјата под портокалова временска тревога поради бури, при што прекините во снабдувањето со електрична енергија и сообраќаен хаос влијаеја на многу области.

Во департманот Од, властите ја откажаа третата етапа од велосипедската трка Вуелта а Еспања, која се одржуваше во областа, откако градот ги принуди велосипедистите да побараат засолниште.

Торнадото најтешко го погоди селото Пома, кое има население од околу 1.000 жители, оштетувајќи околу 300 домови и одземајќи покриви од некои.

Петнаесет повредени лица се однесени во болница.

Меѓу нив била и бремена жена која била повредена кога нејзината куќа се срушила врз неа, изјавил нејзиниот сопруг за АФП.

Француската метеоролошка служба Метео-Франс соопшти дека ветровите достигнале брзина од 117 километри на час во блиското село Арке-ан-Вал.

Бурите низ јужна Франција ги нарушија транспортните мрежи, предизвикувајќи доцнења на возовите, затворање на патиштата и доцнења и откажувања на летови на аеродромите во Бордо, Марсеј, Ница, Тулуз, па дури и во Париз на север, изјави министерот за транспорт Филип Табаро.

Властите соопштија дека околу 2.800 домови во 10 села останале без електрична енергија.

Франција во просек има неколку десетици торнада годишно.

Според податоците од метеоролошката служба Метео-Франс, влијанието на глобалното затоплување врз нивната фреквенција и интензитет сè уште не е јасно.

Тагови: Торнадо Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Роботски слонови ги заменија вистинските во 40 храмови во Индија- верниците поделени

Иднината пристигна и на религиозните места во Индија: роботизираните слонови почнаа да ги заменуваат живите слонови во некои храмови во обид да се спречи „суровоста кон животните“. 

Роботски слонови ги заменија вистинските во 40 храмови во Индија- верниците поделени

Роботизираните слонови се користат наместо вистински животни, кои обично се дел од религиозните служби, а машините, изградени од инженерот Прашант Пракашан од Керала, ги имитираат движењата на вистинските слонови, иако тие не можат да одат. Храмовите во Индија добија околу 40 роботизирани слонови, а организацијата за заштита на животните ПЕТА Индија ја поздравува оваа одлука.

Вештачките слонови се создадени поради загриженоста на многу организации за заштита на животните за злоупотреба и бројни опасни инциденти со слонови.

Големите машки слонови заземаат важно место во светите ритуали и церемонии во Индија со векови, а многу традиционалисти сè уште веруваат дека роботизираните слонови не припаѓаат во храмовите. Затоа, К. Махеш го изнајмува својот вистински слон за фестивали, околу 45 дена во годината. Тој верува дека слоновите се свети и прашува:

„Ако не верувате дека слоновите се свети, која е поентата на роботизиран слон во храм?“ праша тој.

Додека традиционалистите и сопствениците на слонови велат дека живите животни не можат да се заменат бидејќи тие го претставуваат божественото, активистите за права на животните вршат притисок храмовите да почнат да користат роботски слонови. Кушбу Гупта, потпретседател за политика во PETA Индија, рече дека естетската привлечност на живите слонови не го оправдува нивното врзување, тепање и одвојување од нивните семејства.

„Слоновите под стрес исто така можат да бидат опасни. Девет лица загинаа во 2024 година од повреди здобиени од беснеење слонови на фестивалите во храмовите во Керала“, рече Гупта, според ITV. Слоновите се принудени да стојат со часови на жештината, опкружени со толпи, тапани и огномет, и секој поттик може да ги активира.

Тагови: Индија слонови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер