Потрошила 135.000 долари да изгледа како Барбика , па не може да најде работа (ФОТО)

Жената, чиј поранешен сопруг потрошил над 135.000 долари на естетска хирургија, вели дека не може да добие постојана работа затоа што мажите не знаат како да се однесуваат во друштво на „жешка девојка“ како неа.

22-годишната манекенка Барбара Луна Сипос од Будимпешта вели дека нејзината опсесија со изгледот на Барби започнала уште како дете кога се заљубила во изгледот на куклата, сонувајќи дека еден ден може да изгледа исто.

„Отсекогаш сакав да изгледам како Барби или човечка кукла“, рече Барбара. „Моето прво детско сеќавање е дека играв со кукли Барби, а мојата трансформација во кукла ја започнав на 17 години“.

Нејзината прва козметичка операција била зголемување на градите и веднаш ги засакала резултатите. После тоа, таа била подложена на уште 10 операции.

Барбара сега работи како веб-модел, откако поднесе оставка како рецепционерка затоа што вели дека нејзината аура и харизма ги возбудуваат луѓето. „Сфатив дека работата не е за мене затоа што живеам во општество во кое една привлечна жена нема многу можности да ја задржи својата работа или да добие повисока позиција без да им се даде на мажите, што не сакав да гонаправам“, вели таа.

„Тоа е затоа што живееме во патријархално општество, сакале или не“.

Набргу откако таа поднела отказ во август 2016 година, го запознала нејзиниот поранешен сопруг. Таа вели дека со него имала кратка, но интензивна врска, која траела две години, за време на која тој, наводно, потрошил околу 135.000 од неговите долари на козметички процедури.

Таа вели дека нејзиниот поранешен сопруг го сакал нејзиниот изглед, затоа и платил за операциите. Сепак, тие се развеле во ноември 2019 година, а таа сега бара „сопруг“.

„Мажите го сакаат мојот изглед“, вели таа „Некои затворени луѓе кои не се сигурни не сакаат да излезат со мене, што е совршено добро“.

Таа во последните неколку дена се стекнала со неколку илјади нови следбеници на Инстаграм, но нејзиниот профил исчезнал.

Битолскиот театар на меѓународен фестивал во Рума, Србија

Актерите на НУ Народен театар-Битола, Викторија Степановска Јанкуловска и Никола Стефанов вечер во Рума, Србија на тамошниот меѓународен театарски фестивал ќе ја одиграат претставата „Кислород“ во режија на Иван Јерчиќ.

Фестивалот е со натпреварувачки карактер и освен македонските актери во конкуренција се и актери на театри од Унгарија, Романија, Словенија, Хрватска, Босна и Херцеговина и домаќинот Србија.

Театарската претстава „Кислород“ е фокусирана на проблемите во животот, потребата на човекот да живее, или како што велат битолските актери, да се живее живот полн со љубов, среќа, емпатија и солидарност.

Претставата „Кислород“ почнува во 21 часот и ќе се одигра на сцената на Градски театар во Рума. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

притисни ентер