На регатата која заплови утрово од под Мало Мовче на Вардар во Велес со собир на учесниците и организаторите од Општина Велес, тие по традиција се поклонија и положија свежо цвеќе на Споменикот во чест на Гемиџиите кај Вардар во Велес, а потоа и со фрлен венец по Вардар.

На годинашната регата се вклучени околу 60-тина учесници, најголем дел од Велес, како и гости - учесници од повеќе земји, информира за МИА, Ангелче Гушев старешина на Извидничкиот одред „Димитар Влахов“, организатор на регатата со поддршка на Општина Велес и фирми спонзори.

Тој појасни дека изминатиот месец имале интензивни поправки на препарирање на пловните објекти. Денеска запловија со десет гумени чамци, но големата дрвената Гемија и годинава не може да плови поради преминот кон Грција.

На првата етапа од Велес низводно по Вардар, која е во тек, учесниците вечерва ќе одморат и ноќеваат на воениот полигон Криволак, утре на 20 јуни ќе пловат се’ до Демир Капија каде и ќе ноќеваат. следниот ден се плови до Марвинци, по што се минуваат 6. км по суво, преку граница и се стигнува вечерта и се ноќева во Евзони. Потоа се плови низ Вардар во Грција, на 22 јуни учесниците ќе одморат и преспијат во Акропатомис и последната вечер на 23 јуни се стигнува по Вардар во Солун, а вечерта на плоштадот во Солун, ќе имаат заедничка средба со Солунските скаути, а кои се нивни добри пријатели и соработници. .

- Годинава имам извиднички активности во Евзони, во Поликастро и во Солун. Централната манифестација е на плоштадот во Солун , дружење помеѓу солунските и велешките извидници и нашите гости, најави Гушев.

Тие годинава на Вардарската регата запловија десеттина дена порано додека Вардар е сеуште пловен, а воедно додека ќе пловат ќе добиваат дополнителен дотур на вода од „Електрани на Македонија“, кои им ја даваат нивната поддршката за непречено пловење по Вардар.

Регатата е помогната финансиски од Европскатга скаутска органзиација, а што им овозможи набавка на нови пловила, нови мотори, за пловење низ делтата на Вардар пред Егејско море

Инаку токму со големи дрвени Гемии , велешките трговци пловеле низводно Вардар од крајот н 19 и почетокот на 20 век, носејќи роба од Велес за Солун. По тој пример од фотографија на тогашните Гемии, велешките мајстори пред 15- ттина години направија и копија на Гемија, а која потоа пловеше по Вардар на изминатите Вардарски регати од Велес до Гевгелија.

На покана на министерот за надворешни работи на Италија, Антонио Тајани, министерот за надворешни работи и надворешна трговија, Тимчо Муцунски учествувал и се обратил на министерската конференција по повод одбележувањето на 70-годишнината од Конференцијата во Месина, што се одржа во Таормина, Италија.

Како што напиша на неговиот фејсбук профил, министерот Муцунски во обраќањето истакнал дека членството во Унијата претставува генерациска инвестиција и најамбициозен трансформациски проект за државата, преку кој се зајакнуваат демократијата, економскиот раст и општествената отпорност.

- Ја реафирмирав цврстата посветеност на земјата кон забрзување на евроинтегративниот процес, во согласност со јасно утврдени критериуми и стандарди, нагласувајќи ја потребата од предвидлив, фер и принципиелен пристап, без билатерализација и идентитетски отстапки. Ја подвлеков и важноста од одлучност и европско единство во контекст на актуелните геополитички предизвици, укажувајќи дека за земјите од регионот европската интеграција останува единствениот одржлив пат кон мир, просперитет и демократски напредок, објави Муцунски на ФБ.

Во рамки на дводневната конференција била усвоена и заедничка декларација со која се потврдува стратешката важност на проширувањето на Унијата како инструмент за стабилност, раст и соработка на континентот и во неговото соседство.

По речиси три децении чекање, овој потег конечно ќе добие безбеден, функционален и достоен сообраќаен пристап за жителите на Кисела Вода, Драчево и околните населени места.

Изградбата се одвива на потегот од „Јустинијан Први“ до границата со Општина Студеничани, на делница долга 3.370 метри. Патот се проширува на ширина од околу 6 метри, а за првпат се воведува и тротоар од едната страна, што досега никогаш не постоел на оваа рута. Со тоа, покрај возачите, и пешаците добиваат безбедност, што претставува особено важно подобрување за целокупната мобилност во овој дел од општината.

Покрај асфалтирањето, во рамките на проектот се изведуваат и инфраструктурни зафати кои досега целосно недостасуваа. Се поставуваат ф1000 цевки за третирање на атмосферските води, како и каналетки за нивно безбедно одведување, со што се решава еден од клучните проблеми – поплавувањето на патот при врнежи.

Градоначалникот на Општина Кисела Вода, Орце Ѓорѓиевски, нагласува дека ова не е само инфраструктурен зафат, туку враќање на достоинството на луѓето кои предолго чекале на основна комунална функционалност.

-После 30 години конечно се реконструира патот кон Пеленица! Тридецениската голгота завршува тука, граѓаните ќе се движат по модерен и безбеден пат. Се работи интензивно, на целата делница, со сериозни градежни интервенции кои вклучуваат и изградба на тротоар и решавање на атмосферската канализација. Заедно со Владата на Република Македонија и Премиерот Христијан Мицкоски, ја демонстрираме вистинската смисла на соработка – за реални проекти кои носат квалитетен живот. Продолжуваме со истата сила, бидејќи нашите граѓани го заслужуваат најдоброто- изјави Ѓорѓиевски.