Почина академик Луан Старова

На 80 годишна возраст денеска почина академик Луан Старова, објави вечерва неговото семејство на „Фејсбук".

– Со голема болка ве известуваме дека денеска почина нашиот татко, дедо и сопруг Луан Старова, се наведува во објавата од семејството Старова.

Академик Луан Старова е роден на 14 август 1941 година во Поградец, Албанија, а од 1943 год. со семејството се преселува и живее најнапред во Струга, кратко време во Тетово, а потоа во Скопје од 1945 година.

Основно образование и гимназија завршил во Скопје. Потоа студирал француски јазик и книжевност. За време на студиите работел како новинар, и како главен и одговорен уредник на весникот „Млад борец". По дипломирањето во 1967 година, во Радио Скопје работи како новинар. Во 1968 г. станува главен и одговорен уредник на емисиите на албански јазик на Телевизија Скопје.

Постдипломски студии учел во Загреб, а бил и на специјалистички студии во Париз. Во 1974 година бил избран за асистент на Филолошкиот факултет во Скопје, на групата француски јазик и книжевност.

Во 1979 година бил избран за потпретседател на Републичката комисија за културни врски со странство, бил прв главен и одговорен уредник на македонското издание на Гласникот на УНЕСКО, и член на редакцијата на меѓународното списание „Балкан – Форум". Во 1985 година бил избран за вонреден и ополномоштен амбасадор на СФРЈ во Тунис. Бил именуван за прв амбасадор на СФРЈ во Палестинската држава. Во 1990 година бил избран за редовен професор по предметот француска книжевност на Филолошкиот факултет во Скопје, а подоцна и за шеф на катедрата на романски јазици и книжевности. Во 1994 бил именуван за прв вонреден и ополномоштен амбасадор на Република Македонија во Франција, прв постојан претставник во УНЕСКО, и нерезидентен амбасадор во Шпанија и Португалија.

За редовен член на Македонската академија на науките и уметностите е избран на 27 мај 2003. Бил секретар на Одделението за уметност, а од 1 јануари 2016 е избран за потпретседател на МАНУ. Луан Старова беше и почесен член на Академијата на науките на Албанија, член на Медитеранската Академија во Неапол и на Европската академија на науките во Салцбург.

Автор е на над 200 библиографски единици на разни стручни и научни трудови во земјата и во странство, како и на преводи на дела од Жан-Пол Сартр, Ѓерѓ Лукач, Исмаил Кадаре и други. Автор е на книгата „Француски книжевни идеи на XX век", како и на „Балканска сага", составена од 17 романи. За своите книжевни дела е добитник на повеќе национални и меѓународни признанија и награди.

Академик Луан Старова ќе биде погребан утре на гробиштата во Бутел во 13 часот.

Напаѓачот на Ружди: Ги читав „Сатански стихови“, тоа е навреда за исламот

Напаѓачот на познатиот писател Салман Ружди рече дека го почитува ајатолахот Хомеини, но не сакал да каже дали нападот бил инспириран од фатвата што поранешниот ирански врховен лидер ја издал против писателот.

Во интервју за американски Њујорк пост, објавено денеска, напаѓачот Хади Матар изјави дека „прочитал неколку страници“ од романот на Ружди „Сатански стихови“ и дека идејата за нападот ја добил откако на Твитер видел дека писателот ќе биде гостин во Њујорк.

Токму поради таа книга Хомеини издаде фатва во 1988 година и ги повика муслиманите да го убијат Ружди. Техеран понуди награда од 3 милиони долари за тоа.

Ружди минатиот петок требаше да одржи предавање во местото Чаутауква во државата Њујорк за уметничката слобода, но 24-годишниот Матар го нападна со нож. Иако состојбата на 75-годишниот писател, роден во Индија и понатаму е критична, тој бил изваден од респираторот и почнал да зборува.

„Го почитувам ајатолахот. Мислам дека тој е одлична личност. Ќе кажам само толку за тоа“, ја цитира „Пост“ изјавата на Матар.

„Не ми се допаѓа толку многу“, рече за Ружди.

„Тој е некој што го нападна исламот, ги нападна неговите верувања и религиозниот систем“, нагласил напаѓачот, додавајќи дека гледал видеа од Ружди на Јутјуб. Тој ги отфрлил тврдењата дека бил во контакт со иранската Револуционерна гарда.

Семејството на Матар дошло во САД од Либан, најпрво се населило во Калифорнија, пред неговите родители да се разведат. Таткото се вратил во Либан, а мајката се преселила во Њу Џерси, пишува Њујорк Тајмс.

Мајката на Матар изјавила дека тој се вратил од патувањето на Блискиот Исток во 2018 година како променет човек и дека станал поповлечен и попосветен на исламот. По нападот на Ружди, мајката се одрекла од својот син и рекла дека не разговарала со него од инцидентот.

„Завршив со него“, изјавила таа за Тајмс.

Го сретнал Бруклин Бекам во скап автомобил и го прашал како го заработил,одговорот е хит(ВИДЕО)

Бруклин Бекам стана предмет на потсмев откако тврдел дека неговата кариера како „готвач“ на социјалните мрежи му го овозможила неговиот луксузен спортски автомобил.

ТикТокерот Даниел Мек неодамна го фатил најстариот син на мултимилионерите Дејвид и Викторија Бекам додека крстарел низ Беверли Хилс со неговиот црвен Мекларен П1. Мек, кој е снимен како ги прашува случајните возачи на скапи возила како ги купиле, истото возбудено го прашал и Бруклин, кој често објавува видеа како готви разни јадења дома.

"Еј човеку! Како заработуваш за живот? Твојот автомобил е одличен!" прашал Мек, кој на врвот на клипот напишал дека автомобилот чини неверојатни 1,2 милиони долари и дека се направени само 375 примероци.

„Хм, јас сум готвач“, одговорил Бруклин. „Ти си готвач! Навистина? Дали си најдобриот готвач на светот? Мек го праша, што го поттикна Бруклин да одговори: „Се обидувам да станам“.

"Само следете ја вашата страст. Што и да ве прави среќни, само продолжете да го правите тоа!" Бруклин им даде совет на оние кои сакаат да влезат во кулинарскиот свет. Како тонот на Мек во видеото да не беше доволно исмејувачки, бројни корисници под неговата објава оставиле саркастични коментари за младиот богаташ.

„Како се заработува за живот? „Моите родители се богати, па јас некако живеам“, „Како се живее? „Јас сум роден“, „Никогаш во животот не работел смена во ресторан“, „Роден во мултимилионерско семејство, а сега е оженет со ќерка на милијардер. Но, тој е готвач!“ се само дел од коментарите на видеото на популарниот тиктокер.

@itsdanielmac Bruh What Even Is A “Chef Name 😅💀@brooklynbeckham #mclarenp1 #p1 ♬ original sound - DANIEL MAC

Бруклин моментално има посериозни проблеми отколку саркастичните коментари од корисниците на социјалните мрежи. Имено, синот на познатиот фудбалер моментално е среде студена војна помеѓу неговата мајка и неговата сопруга Никол Пелц.

"Тие не се поднесуваат и не разговараат. Планирањето на венчавката се одвива во страшна атмосфера. Никола не сакала нејзината идна свекрва да има никаква врска со планирањето на свадбата и таа не сакала да ја вклучам во било што. Комуникацијата беше минимална“, изјави неодамна извор за проблемите меѓу мајката и сопругата на Бруклин.

Мисајловски од Маврово Ростуше: Граѓаните во сабота масовно да го поддржат Мевмед Џафери

Потпретседателот на ВМРО-ДПМНЕ Владо Мисајловски денеска беше во Маврово Ростуше, се наведува во партиското соопштение.

Денеска ги посетивме Сретково, Врбен и Маврово.

Четири години беа сосема доволни за граѓаните да видат дека актуелната локална власт предводена од актуелниот кандидат на СДСМ немаат квалитет да го подобрат животот во оваа општина.

Во сабота граѓаните на Маврово Ростуше масовно ќе го поддржат концептот на ВМРО - ДПМНЕ за промени и проекти кој веќе со месеци се имплементира во најголемиот дел од општините во Република Македонија.

На 20-ти август Др. Мевмед Џафери убедливо ќе победи, а од наредниот ден ќе почнеме со многу работа да го средуваме Маврово Ростуше, општина која е национална гордост.

притисни ентер