Македонија

Општина Пехчево ја отфрли иницијативата за изградба на дата-центар

Советот на општина Пехчево ја отфрли иницијативата за изградба на дата центар.

На денешната седница, во тензична атмосфера сите девет советници едногласно се изјаснија против иницијативата според која дата центарот би се правел на пет парцели кои според достапните информации во Агенцијата за катастар се во атарот на селото Панчарево со површина од околу 30 декари и имаат двајца сопственици. Но инвеститорот не е објавен ниту пак други детали околу самиот проект. Да се тргне од дневен ред оваа иницијатива предложи и самиот градоначалник на Пехчево Александар Китаноски како што рече по силни реакции на граѓаните..

-Останувам на моето мислење и покрај тоа што има некои придобивки, можеби има некои штетни влијанија, по консултации ми кажуваат дека уредите ствараат буџава, но не сум запознаен. Моето мислење е, бидејќи поголем дел од граѓаните реагираа , таа иницијатива да се тргне од денецен ред и процедурата и постапката за иницијативата да заврши тука. – Александар Китански – Градоначалник на О. Пехчево

Како точката се најде на дневен ред не е познато, но и петте советници на ВМРО-ДПМНЕ и опозициските предвоени од СДСМ претходно побараа да биде тргната.

Пехчево на денешната седница присуствуваа И жители на кои сакаа и да се вклучат во расправата.

Прашан за случувањата во Пехчево околу иницијативата за иградба на дата центар, премиерот Христијан Мицкоски кажа дека станува збор за пријаватна иницијатива, која Владата генерално ја поддржува, доколку се почитуваат еколошките стандарди.

-Тоа што беше во Општина Пехчево е приватна иницијатива, не е владина политика. Вештачката ителигенција и податоќните центри се замене новата нафта. Ако сега не го препознаеме тој момент и не обезбедиме услови со што нормално ќе биде заштитена и животната средина и грашаните, тогаш не можеме да обезбедиме долгорочен раст на држават и македонската економија. Апсолутно стојам позади тоа дека треба да се градат дата центри, се разбира соодветно на законот, да не настане нарушување на животната средина. Државата има ваква политика, конзистентна и ќе продолжи во таа насока, затоа тие што ја мразат Македонија и кои не скааат да се развива во оваа насока ќе продолжат за нивните грантови да растураат пердува. А наша цел е да продолжиме да се развива државата. И јас сум подготвен ако оваа политика е погрешна да ја платам политичката цена. – Христијан Мицкоски – Претседател на Влада

Лидерот на СДСМ Венко Филипче пак преку видео обраќање повика на национална мобилизација против, како што вели, ставањето на водата и струјата во функција на профити од дата-центри.

-Во Пехчево на мала врата денеска се обидоа да протнат изградба на дата центар. Работат „под радарот“, како што кажаа и јавно. Под притисок на СДСМ, на советниците на СДСМ и на јавноста точката се повлече од дневен ред. Но тоа не значи дека власта се откажала од идејата. Затоа повикувам на национална мобилизација да спречиме водата и струјата да паднат во раце на профитери на грбот на народот. Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити. – Венко Филипче – Претседател на СДСМ

Предлог – одлуката што беше повлечена, превдидуваше прифаќање на иницијатива за отпочнување на постапка за изработка на урбанистички план за формирање на градежна парцела за изградба на објект со намена– Градби за чување и складирање на дигитални податоци... Сопствениците досега во јавноста не објаснија што точно планираат да градат...

Проектот се надоврзува на неодамнешните измени во Законот за градење и Законот за урбанистичко планирање, со кои дата центрите добија статус на градби од национално значење и е воведена забрзана постапка во која стручна ревизија и јавна анкета не се задолжителни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците со дронови го нападнаа Белгород- има загинати (ВИДЕО)

Голем број украински беспилотни летала го нападнаа рускиот пограничен регион Белгород преку ноќ, според информации од локални власти и снимки од очевидци објавени на социјалните медиуми.

Според извештаите од локалните жители, повеќето од беспилотните летала биле насочени кон една област во центарот на Белгород. Според информациите од каналот за следење на настани „Ексиленова-Плус“, целта бил трговскиот и забавен комплекс „МегаГРИНН“, најголемиот таков комплекс во Белгород.

„МегаГРИНН“ опфаќа повеќе од 163.000 квадратни метри и вклучува повеќе од 200 продавници, како и супермаркет, кино и ресторани. Комплексот бил затворен за време на ноќниот напад и во него немало посетители. Локалните жители, исто така, пријавиле пожар во дворот на станбен комплекс во областа.

A massive Ukrainian drone attack hit the Russian border city of Belgorod overnight. A large swarm of drones struck the central MegaGRINN shopping mall, causing heavy fires and explosions. https://t.co/P1f5cyRP9c
— 🇺🇦 paolo (@paolobucci18) October 25, 2026

Итни служби испратени во погодените области

Оперативниот штаб на регионот Белгород потврди „масовен напад со беспилотни летала“ врз градот и објави дека итни служби се испратени во погодените области. Сепак, не беше прецизирано кои локации биле целите на нападот.

Локалните власти објавија дека две лица се убиени, а 13 се повредени во нападот врз Белгород. „Во нападот беа оштетени 30 станбени згради, 35 автомобили, четири куќи, три административни згради, осум деловни простории и три социјални објекти“, изјави гувернерот на Белгородската област, Александар Шуваев. Тој додаде дека уште едно лице загинало во село во близина на градот Шебекин.

👀 Belgorod. Consequences of the work of the air defense. 💥 AFU also hit MegaGRINN shopping mall https://t.co/8vuv7iTSze
— MAKS 26 🇺🇦👀 (@Maks_NAFO_FELLA) October 24, 2026

Видеата објавени од очевидци на социјалните мрежи покажуваат експлозии, пожари и активност на воздушната одбрана над Белгород. Оперативниот штаб ги предупреди жителите да останат во затворен простор додека нападите во Белгородската област продолжуваат.

Поради близината до бојното поле, Белгород е честа цел

Белгород се наоѓа само 34 километри од украинската граница на североисток и околу 70 километри од Харков. Поради близината до фронтовската линија, градот е честа цел на украински напади, а благодарение на зголемените можности за извршување напади со долг дострел, Украина може да ги користи своите беспилотни летала за да навлезе длабоко во внатрешноста на Русија.

Претходните украински напади врз Белгород беа насочени кон енергетска инфраструктура и логистички магацини, вклучувајќи ги и објектите на рускиот малопродажен гигант Озон.

Наводниот масовен напад со беспилотни летала врз Белгород се случи кратко откако Украина вчера потврди дека нејзиниот систем „Старшилд“ е вратен во полна брзина. Ова им овозможи на украинските трупи поефикасно да ги координираат нападите со беспилотни летала врз руски цели.

„Старшилд“, воената верзија на сателитскиот интернет систем „Старлинк“, работи со значително намалена брзина во Украина од 14 октомври. Необјаснетото ограничување ги наруши важните воени операции и ја ослабна способноста на Украина да соборува руски беспилотни летала со млазен погон.

Тагови: Белгород

Шоу биз

Хајди Клум откри детал од најочекуваниот костум за Ноќта на вештерките: Ќе биде крваво (ФОТО)

Една недела пред нејзината традиционална забава за Ноќта на вештерките, Хајди Клум го откри првиот детал од нејзиниот костим за 2026 година и најави уште една застрашувачка трансформација.

Супермоделот сподели фотографија на Инстаграм која дава навестување за тоа што подготвува за забавата што секоја година собира бројни ѕвезди.

„Кој е мојот костим?“ напиша Клум на 24 октомври на Инстаграм. „Уште една недела... #HeidiHalloween“.

Шпекулации за новиот костим

Иако судијката на America's Got Talent не откри многу, таа објави фотографија одблизу на дел од костимот. На него се прикажани шарени протетски парчиња со различни форми и текстури, споени во целина што наликува на корален гребен, додека некои делови изгледаат како човечки органи, како што се мозокот или цревата.

Бидејќи Клум често црпи инспирација од поп-културата, филмовите и природата, обожавателите веднаш почнаа да шпекулираат. Многумина веруваат дека таа ќе биде облечена како Монстро Елисау од хорор филмот од 2024 година „The Substance“, додека други мислат дека тоа ќе биде „Clicker“ од „The Last of Us“. Некои се убедени дека ќе биде водна тема, како Големиот корален гребен.

View this post on Instagram

A post shared by Heidi Klum (@heidiklum)

Враќање кон хоророт

Целосната трансформација на 53-годишната манекенка ќе биде откриена дури на црвениот тепих на нејзината забава на 31 октомври. Сепак, таа потврди дека се враќа во жанрот на хорор оваа година. Во интервју за списанието People на 17 септември, таа рече дека костимот ќе биде „многу, многу крвав“.

„Тоа е суштината на Ноќта на вештерките“, додаде таа. „Ние се стремиме кон бруталното и не се воздржуваме“.

Тагови: Ноќта на вештерките Хајди Клум

Балкан

Зимата стигна пред време- во Херцеговина вее снег како во јануари (ВИДЕО)

Снег падна во областите Блидиње и Чвршница во Херцеговина во саботата навечер, 24 октомври, а снимките покажуваат дека некои планински подрачја веќе добиле зимски изглед.

Иако е само крајот на октомври, студениот бран проследен со врнежи донесе снегулки на планините во Босна и Херцеговина, објави Независне.

Во областа на природниот парк Блидиње, температурата падна на само еден степен Целзиусов во саботата навечер, а камерите регистрираа снег како паѓа под светлата. Тенок бел слој се формираше на околните подрачја, давајќи му на овој дел од Херцеговина накратко вистински зимски изглед.

Според порталот Hercegovina.info, снежни врнежи беа забележани во текот на вечерта, а снимките наскоро се појавија на социјалните мрежи. Снег падна и на Чвршница, планина во Херцеговина, во саботата навечер, каде што беа забележани поинтензивни врнежи на поголеми надморски височини.

Според информациите од порталот Dalmacija Danas, радарските снимки покажаа врнежи над делови од Херцеговина и околните планински подрачја. Поради ниските температури, дождот се претвори во снег во повисоките подрачја, а сцените од планините потсетуваа на зима.

Снежните врнежи кон крајот на октомври не се невообичаени во високите планини, особено кога продирањето на постуден воздух е придружено со зголемена влажност.

Студениот бран ја погоди и соседна Хрватска. На Синџал, највисокиот врв на Динара, кој се наоѓа на хрватската страна од планината, температурата падна на нула степени Целзиусови во саботата навечер.