Според Пренџов, неприфатливо е случајот да биде затворен без одговорност, затоа што, како што вели тој, станува збор за објект набавен и платен од државата во периодот кога министер за здравство беше Венко Филипче.

,,Ако вие имате случај во којшто изгорел еден објект, којшто бил набавен и платен од државата. Ако во тој објект изгореле 14 наши сограѓани, јас никогаш нема да се помирам со фактот дека тој случај може да биде затворен, уште помалку да се извиниме на некој којшто тогаш бил власт и директно одговорен за набавката на таа модуларна болница“, вели Пренџов.

Тој нагласи дека не може да се очекува јавноста да се помири со тоа што нема утврдена одговорност. Пренџов посочи дека и самиот не може да се помири со тоа што случајот е затворен, токму во пресрет на заминувањето на Абази од функцијата и истакна дека очекува неговиот наследник повторно да го разгледа предметот.

,,Мојот светоглед не дозволува да ако Ислам Абази како шеф на ОЈО ГОКК, којшто го затвора овој случај, му завршува мандатот за месец два, оваа есен, да се помириме дека тоа е нормално, дека тоа така треба да биде и дека тие 14 луѓе, загинале од ништо и за тоа никој не бил виновен. Нема да се помириме, се надевам дека следниот којшто ќе си го изберат меѓу себе обвинителите, главен обвинител за организиран криминал и корупција, ќе го отвори овој случај уште еднаш, и ќе ни каже дали навистина е тоа така. Ако вие сте држава, ако вие набавите некој објект, тој објект се запали и во него загинат луѓе, не може никој да не е виновен за ништо“, заклучи Пренџов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Федералната влада наскоро ќе објави кој стои зад обидот за напад со беспилотни летала на аеродромот во Лајпциг, објави германскиот канцелар Фридрих Мерц, предупредувајќи дека одговорните „ќе платат за тоа“. Обидот за напад на 4 август покажува дека Германија е сè повеќе цел на хибридни закани, додаде канцеларот, според „Зидојче цајтунг“.

Мерц: Напаѓачите станаа немилосрдни

Канцеларот Фридрих Мерц изјави во вторник, пред состанокот на кабинетот во Нојхарденберг, дека владата наскоро ќе ги презентира своите наоди за обидот за напад со беспилотни летала во Лајпциг. „Тие ќе платат за тоа“, рече Мерц, но додаде дека Нојхарденберг не е местото каде што треба да се откриваат детали од истрагата.

Според него, инцидентот во Лајпциг покажува дека хибридните напади врз Германија стануваат сè почести. „Напаѓачите станаа целосно немилосрдни и свесно ризикуваат голема материјална штета, па дури и повреди или смртни случаи“, рече Мерц. Тој истакна дека федералната влада се подготвува за вакви закани, првенствено со основање на Центарот за беспилотни летала во Магдебург. Тој го наведе одвраќањето како друга мерка. „Германија испраќа јасна порака – оние што стојат зад хибридните напади ќе сносат сериозни последици“, рече тој.

Во Лајпциг, беспилотно летало со експлозив беше насочено кон украински товарен авион. Според информациите собрани од Зидојче Цајтунг, НДР и ВДР, безбедносните служби веруваат дека напаѓачите користеле вкупно три дронови. Поради германската помош за Украина, Русија е осомничена дека стои зад нападот.

Повици за прекин на „флотата во сенка“

По новиот бран хибридни напади, водечките германски политичари бараат построг одговор на Москва. Себастијан Фидлер (СПД) изјави за Зидојче Цајтунг дека е време Путин да ги почувствува вистинските последици. „Тоа вклучува конечно запирање на неговата „флота во сенка“ што работи покрај нашите брегови“, рече Фидлер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На него се гледаат неколку полицајци како интервенираат против навивач на Барселона кој носел естелада, знаме поврзано со каталонското сепаратистичко движење.

Видеото, кое кружи на социјалните мрежи, покажува како полицајците го земаат знамето од навивачот, по што следува тепачка. Инцидентот продолжува со неколку полицајци кои го опкружуваат навивачот, при што еден од нив користи палка додека навивачот е на земја. Видеото предизвика широки критики, особено од навивачите на Барселона и каталонските политички партии, кои веруваат дека одговорот на полицијата бил прекумерен.

Барселона стои зад навивачот

Барселона издаде соопштение во кое ги осудува постапките на полицијата по инцидентот. Клубот изјави дека верува оти силата била несоодветна и дека ќе го поддржи навивачот и неговото семејство.

„ФК Барселона ја осудува непропорционалната употреба на сила против своите членови и навивачи“, објави клубот, додавајќи дека ќе бара разјаснување на сите околности на инцидентот. Барселона нагласи дека самото прикажување на естеладата не е забрането и дека тоа е симбол што е дозволен во јавен простор.

23.08.2026🇪🇸Elche - Barcelona, 1312 they take the Cataluña flag from a young man, after which they beat him up, click for video here: https://t.co/xIUFbYx4y1

All in one place. Tap to download.
🔗 https://t.co/OD7UtlR4i5 pic.twitter.com/Ys9aoxUsA0

— Hooligans.cz Official (@hooliganscz1999) August 24, 2026

Полицијата тврди дека причината не било знамето

Шпанската полиција презентираше поинаква верзија на настаните. Според нивното објаснување, интервенцијата не била резултат на носењето на каталонското знаме, туку однесувањето на навивачите за време на полициската придружба до стадионот.

Полицијата тврди дека двајца навивачи ги навредиле службените лица, по што еден од нив бил издвоен за идентификација. Според таа верзија, навивачот се спротивставил на постапката и се обидел да го нападне полицаецот, што довело до употреба на сила. Видеото од инцидентот, сепак, го покрена прашањето дали реакцијата на полицајците била пропорционална на ситуацијата.

Покрената е внатрешна истрага

Поради целиот случај, започната е истрага, која треба да ги утврди околностите на интервенцијата и дејствијата на вклучените полицајци. Надлежните органи треба да ги анализираат достапните снимки за да утврдат дали имало злоупотреба на овластувањата.

Случајот предизвика и политички реакции. Каталонските партии побараа објаснувања од Министерството за внатрешни работи на Шпанија, додека критичарите на полициската интервенција го покренаа прашањето за правото на навивачите да прикажуваат легални политички симболи.

Инцидентот во сенка на големата победа на Барселона

Целиот случај се случил пред натпреварот помеѓу Елче и Барселона, кој тимот на Ханси Флик убедливо го доби со 5:0. Сепак, спортскиот резултат брзо падна во втор план поради дебатата за полицискиот третман на навивач кој носеше каталонско знаме.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.