Петков: Во Бугарија нема независно обвинителство! - Канал 5

Балкан

Петков: Во Бугарија нема независно обвинителство!

Во Бугарија нема независно обвинителство. Ова е ставот на владата од Софија, откако синоќа беше ослободен поранешниот премиер Бојко Борисов по 24 часовен притвор.

Петков: Во Бугарија нема независно обвинителство!

Остар судир помеѓу бугарското обвинителство и Министерството за внатрешни работи по апсењето и ослободувањето на екс премиерот Бојко Борисов. По вонредниот брифинг во Советот на министри, премиерот Кирил Петков жестоко го искритикува обвинителството тврдејќи дека информациите добиени од изнудено лице се прикриваат и игнорираат, со цел како што рече, да не се спроведе истрага по закон.

„Во Бугарија независно обвинителство нема. Обвинителството повторно се однесува како адвокат кога се работи за лица обвинети за корупција. Обвинителството има уште еден сериозен проблем а тоа е дека во врска со овој случај во моментов работи и Европското обвинителство. И додека очигледно се сокриваат факти и бугарската јавност не може да определи дали и како тие дејствуваат, сега има паралелна европска структура на која и веруваме многу повеќе.

Борисов беше уапсен поради сомневања за проневера на средства од ЕУ. Министерот за финансии Асен Василев вчера рече дека Борисов се сомничи за земање мито од магнатот со игри на среќа Васил Божков во замена за поврат на данок. Софиското обвинителство доцна синоќа соопшти дека нема доволно докази но и дека полицијата не им доставила уредби со кои бара покренување на обвиненија.

„Во Софиското градско обвинителство не се доставени уредби за утврдување на обвинети лица. Назначените обвинители ќе продолжат да очекуваат постепен прием на други достапни материјали за делото. Врз основа на вака опишаната целина на докази назначените обвинители утврдиле дека евентуално покренување на обвинение во овој момент би претставувало нарушување на законот. Доставените материјали во моментов до Софиското градско обвинителство не содржат доволно докази од кои може да се изведе основано сомнение дека кое и да е од тие три лица – Бојко Борисов, Владислав Горанов и Севдалина Арнаудова извршиле престапи.

Министерот за внатрешни работи Рашков на обвинителството му одговори дека лаже.

„Еве ги уредбите, за тројцата. Еве ги проектите. Тие се содржани во самата преписка и се предадени денес до обвинителството, а таа изјави дека нема. Зошто го кажа тоа да си одговориме сите. Ние сме општество. Дали обвинителството сака да се откријат престапите во нашата земја вклучително и оние кои се извршени од лица поставени на високи функции во блиското минато или не.

Коцкарскиот магнат Васил Божков се наоѓа во Дубаи наводно на Борисов и екс министерот за финансии Горанов, исто така уапсен а потоа ослободен, им исплатил 30 милиони евра добивка од лотарискиот бизнис. Се истражуваат и сомнежи за штета на буџетот од 280 милиони евра, предизвикани од непостапување на Комисијата за коцкање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма на небото над Сплит: Принудно слета патнички Боинг 737-800

Британски авион „Џет2“, кој денес леташе од Самос, Грција, до Манчестер, беше пренасочен поради технички проблеми кон сплитскиот аеродром „Свети Јероним“.

Драма на небото над Сплит: Принудно слета патнички Боинг 737-800

Во авионот имало 165 патници и шест члена на екипажот, и сите се добро, според информациите од аеродромот. Екипажот го активирал меѓународниот код 7700 за општа вонредна состојба, пишува „Далмација Данас“.

Летот бил LS1750 и „Боинг 737-800“ со регистрациски број G-JZBU. Аеродромот „Свети Јероним“ објави дека во 14:20 часот добил известување од хрватската контрола на летање за вонредно слетување поради технички проблеми. Аеродромот започнал целосна постапка за тревога и ги ставил во состојба на тревога сопствените служби и надворешните служби за вонредни ситуации.

Патеката на авионот ја следеле корисниците на платформата „Флајтрадар24“. Боингот направил неколку свртувања над морето во близина на Трогир и Сплит, а во еден момент летал на надморска височина од приближно 700 метри, со брзина од околу 306 километри на час. Откако ја сменил дестинацијата, не го продолжил патувањето кон Обединетото Кралство, туку се упатил кон Сплит.

Кодот 7700 го користат пилотите за да сигнализираат општа вонредна состојба до контролорите на летање. Неговото активирање му обезбедува на авионот посебно внимание од контролата на летање и, доколку е потребно, иницира безбедносни процедури. Самиот код не мора да значи дека авионот е во непосредна опасност од пад. Аеродромот ги потврди техничките проблеми, но не ја откри нивната точна природа.

Според аеродромот Свети Јероним, сите патници и членови на екипажот биле добро. Целосната тревога завршила во 14:42 часот, 22 минути по известувањето за вонредно слетување. Воздушниот сообраќај на аеродромот во Сплит потоа продолжил нормално.

Тагови: Сплит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Цариниците занемеле кога отвориле контејнер- зад содржината се крие морничав масакр

Бразилските власти запленија повеќе од 17 тони перки од ајкула наменети за извоз во Малезија, при што се проценува дека за пратката се убиени 5.700 ајкули, соопштија официјални лица.

Цариниците занемеле кога отвориле контејнер- зад содржината се крие морничав масакр

Запленетиот товар е откриен на 27 октомври во пристаништето Итапоа, во бразилската држава Санта Катарина, откако цариниците се посомневале во содржината на контејнер кој бил деклариран како пратка замрзнати сардини.

Идентификувани се два вида

При пребарување на контејнерот се пронајдени вреќи со перки од ајкула, за кои Бразилската агенција за заштита на животната средина (IBAMA) утврди дека припаѓаат на сината ајкула (Prionace glauca) и краткоперката мако ајкула (Isurus oxyrinchus), кои се загрозени.

IBAMA ја казни компанијата поврзана со нелегалниот обид за извоз со 50 милиони бразилски реали (околу 8,3 милиони евра).

Според агенцијата, цената на перките од ајкула на некои азиски пазари достигнува 3.000 долари за килограм, што укажува на голема побарувачка што придонесува за заканата за популацијата на овие морски предатори.

Важна улога во екосистемот

Запленетата пратка беше откриена откако Бразил во март 2026 година воведе построги прописи што ја регулираат меѓународната трговија со сини ајкули, вклучувајќи го нивниот извоз, увоз и реекспорт.

Ајкулите играат важна улога во одржувањето на рамнотежата на морските екосистеми, но нивните популации низ целиот свет се загрозени од прекумерен риболов и комерцијална експлоатација.

Бразилските власти оценуваат дека заплената претставува значаен чекор во борбата против нелегалната трговија со заштитени морски видови.

Тагови: контејнер цариници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ си го зема знамето на Србија од зградата на Претседателството (ВИДЕО)

Доскорешниот српски претседател Александар Вучиќ, кој ја предводеше листата на СНС на парламентарните избори, го зеде српското знаме од Претседателството и  објави на Инстаграм со свое објаснување.

Вучиќ си го зема знамето на Србија од зградата на Претседателството (ВИДЕО)

„Решив да го понесам со себе знамето на Србија што го носев за време на борбата во Обединетите нации, кога успеавме да ја победиме иницијативата на најмоќните земји во светот да го прогласат нашиот народ за геноциден.

Ќе го вратам знамето на нашите институции кога ќе бидам сигурен дека ќе се однесуваат кон него со почитта што ја заслужува и дека нема да го уништат, како што ги уништуваат муралите на нашите светци низ цела Србија“, напиша Вучиќ на својот Инстаграм профил, објави Телеграф.

Тагови: Александар Вучиќ знаме

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер