МакедонијаМицкоски од Брвеница: Во недела ве повикувам да го заокружите бројот 1На Македонија ѝ требаат нови успеси, резултати и проекти, а не поделби, затоа во недела ве повикувам да го заокружите бројот 1.Почитувани граѓани на Брвеница, драги пријатели, браќа и сестри, почитувани домаќини, Денес сум овде со една едноставна, но силна порака. Една Брвеница за сите. Брвеница заслужува развој, заслужува сигурност, заслужува иднина во која младите ќе остануваат, семејствата ќе напредуваат, а секој човек, без оглед на неговата национална, верска или политичка припадност, ќе чувствува дека ова е неговиот дом, неговата општина и неговата држава. Затоа што силата на една општина не се мери само со бројот на изградени улици, водоводи и училишта. Таа се мери и со довербата меѓу луѓето. Со чувството дека никој не е заборавен, дека никој не е оставен сам и дека институциите постојат за да му служат на граѓанинот, а не граѓанинот да им служи на институциите. И токму затоа денес сакам да зборувам за една Брвеница која не се дели. За Брвеница која ги обединува своите луѓе. За Брвеница во која различностите не се причина за поделби, туку богатство што треба да го чуваме. Драги пријатели, браќа и сестри, Во политиката постојат два вида луѓе. Едните доаѓаат пред граѓаните кога им треба нивниот глас, а другите остануваат со граѓаните и тогаш кога ќе завршат изборите, кога ќе се изгаснат камерите и кога ќе започне вистинската работа. Јас верувам во вторите. Верувам во луѓето што не бараат изговори, туку решенија. Во оние што не ја гледаат функцијата како привилегија, туку како обврска. Во оние што знаат дека зад секоја одлука стои нечиј живот, нечија мака, нечија надеж. И затоа е Брвеница важна. Важна е не само за луѓето кои живеат овде, туку и за цела Македонија. Затоа што овде се покажува карактерот и ставот на народот, неговата решителност и неговата јасна определба за тоа каква иднина сака, каква држава посакува и за каква Македонија сме подготвени да се бориме. А изборот е јасен и појасен не може да биде. Од една страна се оние кои сакаат да нè вратат назад, во времето на поделбите, политичките пазарења и личните интереси, а од другата страна се луѓето кои веруваат дека Македонија мора да оди напред, дека државата им припаѓа на сите нејзини граѓани и дека иднината не смее да биде заложник на ничии политички калкулации. И затоа сакам да ви кажам нешто многу важно. Кога некој постојано продава етнички магли, кога отвора национални прашања секогаш кога нема што да понуди, кога поважно му е нечие име или презиме отколку неговиот карактер, кога етничката припадност ја става пред трудот, чесноста, енергијата и љубовта кон Македонија, тогаш имате сериозна причина да се запрашате какви се неговите вистински намери. Затоа што патриотизмот не се докажува со националистички пароли, туку со дела. Со чесна работа, со одговорност и со човечко почитување. А оние што најгласно зборуваат за национални интереси, многу често најмногу мислат на сопствените лични интереси. Колку повеќе зборуваат за народот, толку повеќе треба да ги гледаме нивните дела. И колку повеќе се кријат зад национализмот, толку повнимателно треба да се прашаме дали зад него стои вистинската грижа за граѓаните или само желба за власт и привилегии. Овде, во Брвеница, политички се соочуваме со коалицијата којашто ја предводи ДУИ. А нив добро ги познавате. Ги знаете како буквар. Тоа се истите оние политичари кои со години ја имаа власта повеќе од две децении, и наместо да се занимаваат со проблемите на граѓаните, јавноста ги гледаше како играат фудбалчиња и кошаркарски партии во кабинетите. Оние чие владеење го одбележаа бројни прашања за тендери, привилегии и блискоста со одредени бизнис-кругови. Оние кои постојано зборуваа за правата на Албанците, а денес треба да одговараат што конкретно направиле за подобар живот на обичниот Албанец, на обичниот Македонец или на било кое друго семејство коешто живее во оваа држава. Затоа што сиромаштијата нема националност. Корупцијата не прашува на кој јазик зборувате. А кога политичарите работат за себе наместо за народот, штетата тогаш ја плаќаат сите. И токму затоа е време да се стави крај на политиката која ги дели луѓето за да може полесно да владее со нив. Драги пријатели, браќа и сестри, за да успееме во тоа, мораме да бидеме обединети. Не обединети против некого, туку обединети за нешто поголемо од сите нас. Обединети за подобар живот, за посилна Брвеница, за Македонија во која ќе има место и можности за секој човек. Брвеница има вредни луѓе, земјоделци кои секое утро стануваат пред сонцето, стопанственици кои создаваат работни места, наставници кои ја градат иднината на нашите деца, лекари, работници, пензионери, млади луѓе со идеи и амбиции, семејства кои со чесна работа и многу откажувања создавале домови и иднина. Тие луѓе не бараат невозможни работи. Бараат пристојни услови за живот. Бараат патишта по кои безбедно ќе се движат, чиста вода во своите домови, уредени училишта, функционални јавни услуги и институции кои ќе им служат. И тоа не е луксуз. Тоа е право на секој граѓанин. Драги пријатели, Сакам посебно да им се обратам на младите луѓе од Брвеница. Знам дека многумина од вас размислуваат за заминување. Знам дека има и такви коишто гледаат кон Германија, Швајцарија, Австрија и некои други западноевропски земји, барајќи подобра плата, повеќе можности и поголема сигурност. И никого нема да осудувам поради тоа. Секој човек има право да бара подобар живот. Но како претседател на Владата имам обврска да работам за Македонија, да се борам за Македонија да стане земја во која заминувањето нема да биде нужност, туку избор. Земја во која млад човек ќе може да успее со сопствениот труд. Земја во која вреди да се формира семејство, да се инвестира, создава и да се остане. Затоа е важно да се обединиме. И затоа денес ве повикувам сите заедно, жителите на Брвеница да го поддржиме Стојанче Радичевски нашиот Цоки. Тој е кандидатот на сите граѓани. Тој е изборот кој може да донесе подобар живот, живот за сите. За членовите и симпатизерите на ВМРО-ДПМНЕ, на нашата коалиција, на СДСМ, на ВРЕДИ, на ДУИ, за политички определените и неопределените, за секој човек кој ја сака Брвеница и кој сака Брвеница да оди напред. Изборот овде е јасен: иднина или назадување. Да покажеме дека можеме да бидеме различни, а сепак обединети. Дека можеме да имаме различни ставови, а сепак да ја сакаме нашата заедничка татковина Македонија. Дека можеме да се натпреваруваме во политиката, а да бидеме заедно кога се работи за иднината на нашите деца. Сакам овде да испратам и една многу важна порака којашто мислам дека е добро да се каже денеска на овој последен и завршен митинг. Кажав веќе во мојот говор, во моето излагање дека Стојанче Радичевски нашиот Цоки е човекот којшто очекувам жителите на оваа преубава општина Брвеница да го поддржат и тоа без разлика на етничката, политичка, и верска припадност. Имав многу пати можност да поминам време овде во оваа општина во различни населени места, последниот пат за мене беше исклучително впечатлив кога поминавме неколку населени места коишто во суштина се мултиетнички и повеќе конфенсионални. Во едно населено место во Теново едно прекрасно, убаво место една до друг беа и џамијата и црквата. Еден човек од луѓето коишто беа присутни тука ми повлече за раката и ми рече: Дојди да ти кажам нешто. Се повлеков неколку чекори заедно со него, ми вели ја гледаш џамијата, да велам ја гледам, ја гледаш црквата? Да, велам ја гледам, е ние овде се поздравуваме, се молиме на ист Бог во различни верски храмови. Муслиманите влегуваат во џамијата, а христијаните православни влегуваат во црквата. И така е со години, така е со децении и така е со векови. И така ќе биде со децении, со векови, но има политичари коишто изминативе денови па и денес се обидуваат да ве делат. Се обидуваат да ве делат и по етничка и по верска и по било каква линија. Тоа се луѓе коишто во својот скромен политички опус нема да останат по ништо запознати освен по поделбите. По ништо нема да ги запомниме, само по поделбите. Треба да знаете дека ќе помине 1 Ноември, ќе дојде 2 Ноември, тие ќе заминат и прашање е дали некогаш повторно ќе се вратат овде. А, вие и во Теново и во Радиовце и во Брвеница и во Седларце и во Милетино и во Челопек и во сите други населени места ќе продолжите да живеете еден покрај друг. Ќе си бидете поддршка еден на друг. И кога вашите најмили поради тоа што некој одлучил да ве дели ќе одлучат да заминат некаде, вашите деца, вашите внуци, без разлика каде дали тоа ќе биде миграција внатрешна или ќе заминат надвор тогаш подеднакво ќе боли солзата на мајката Албанка и на мајката Македонка, подеднакво ќе боли солзата на старата мајка Албанка и на старата мајка Македонка. Сетете се ова што ви го зборувам, тие нема да бидат тука со вас, повторно ќе бидеме ние, оваа Влада предводена од ВМРО-ДПМНЕ и Коалицијата. Зошто ова го зборувам? Затоа што тие беа причината илјадници млади луѓе да заминат, и сега без трошка каење, без трошка срам, ги молат да се вратат и повторно да ги делат, без притоа да понудат ниту малку иднина и проекти. Тие не зборуваат за проекти, тие не го знаат тој речник, имаше градоначалници и градоначалници. Имаше влада во којашто беа повеќе од 2 децении, колку проекти направија за Брвеница? Нула, нула проекти. Сакате проекти? Нула. Сакате по тоа да се мериме? Денеска се прават спортски сали, училишта се реновираат, спортски игралишта, патни делници се асфалтираат. Тоа е разликата меѓу оваа Влада на ВМРО-ДПМНЕ и владата во којашто повеќе од две децении беше Демократската унија за интеграција. Освен поделби, ништо. Сакате за правда да збориме? Ајде да збориме за правда. Сетете се на модуларната болница, сетете се како луѓе живи гореа и сетете се на одлуката на врховниот суд, видете ги судиите коишто ја донесоа таа одлука на 22 октомври, овој месец, кога ги ослободија тие луѓе. Истите тие луѓе. Зашто? Затоа што се блиски до раководството на ДУИ. Сакаме ли таква правда? Тоа ли е иднината на Македонија? Тоа ли е нашата заедничка иднина и на Македонците, и на Албанците и на останатите заедници коишто живееме едни покрај други со векови. Затоа ве повикувам масовно да излеземе и да го заокружиме бројот 1. Да заокружиме за Стојанчо. Да ги поразиме овие политичари на минатиот век. Овие луѓе не се политичари на иднината. Затоа што на Македонија не и се потребни нови поделби, и се потребни успеси. Не и се потребни изговори, потребни се резултати. Не и се потребни политичари кои ќе кажуваат зошто нешто не може да се направи, туку луѓе кои ќе најдат начин тоа да се направи. И таа наша обврска, таа наша борба е борба од која не смееме да се откажеме. Една Брвеница за сите, една иднина што ќе ја градиме заедно. Една Македонија што ќе оди напред. Одиме на убедлива победа. Нека ни е жива Брвеница. Бог да ни ја благослови Македонија, рече претседателот на ВМРО-ДПМНЕ, Христијан Мицкоски на завршниот митинг во Брвеница. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПротестен марш во Охрид против насилството врз жените по случајот со 26-годишната Сара 15:00Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33МВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08
Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33
Нови пријави за сексуално насилство врз деца: Дали казните и законските рокови ги штитат жртвите?15:08
Шоу бизФото: Сидни Свини никогаш по провокативна Жежок спектакл со една од најубавите жани во Холивуд, актерката Сидни Свини.Русокосата убавица се појави во десега најпровокативното издание. Сидни Свини ја пречекува празничната сезона во мошне провокативно издание, кое повторно е дел од нејзината најнова колекција. Актерката Сидни Свини позира облечена само во бела чипкана долна облека за новата кампања на нејзиниот бренд „Syrn“. Фотографиите, инспирирани од зимската магија, беа објавени како дел од серија фотографии на Инстаграм-профилот на нејзиниот бренд. Сидни позираше пред снежна позадина, седејќи на црвен сатенски огртач со крзнени детали. Таа носи градник со прерамки околу вратот и соодветни гаќички со низок струк и исечоциа. Ова не е прва празнична колекција, но Сидни не сака да губи време. „Првите снегулки во сезоната-заводничка“, стои во описот на објавата.Тагови: Сидни Свини Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПротестен марш во Охрид против насилството врз жените по случајот со 26-годишната Сара 15:00Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33МВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08
Обвинителен предлог за 24-годишникот кој избега од полициска станица во Битола,обвинетиот ја удирал девојката по лицето со тупаници и шамари11:33
Нови пријави за сексуално насилство врз деца: Дали казните и законските рокови ги штитат жртвите?15:08
ЗабаваФото: Фатална српска пејачка во теретана: Утринско растегнување!!Најфаталната Србинка го запали интернетот! Се појави „жежок“ материјал од атрактивната пејачка Теодора Џеферовиќ – неверојатно е што прави оваа жена во теретана.Сексапилната пејачка Теодора Џехверовиќ покажа како го започнува својот ден, а сцената од теретаната го привлече вниманието на нејзините следбеници. Теодора очигледно не ги пропушта тренинзите, дури и кога станува збор за раните утрински часови. На својот профил на Инстаграм таа објави видео од теретаната, на кое се гледа како напорно работи на својата форма и се посветува на вежбањето. Таа носеше кафеав спортски комплет, составен од краток топ и тесен шорц, а вежбите ги изведуваше боса, во бели чорапи, со помош на спортски подлоги. Покрај објавата, таа накратко напиша „Утринско растегнување“, придружено со емотикон на жена која медитира. Пејачката уште еднаш покажа дека физичката активност е важен дел од нејзиното секојдневие, а судејќи според видеото, таа го започнува денот со вежбање и грижа за својот изглед и физичка подготвеност. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ТехнологијаВселенско летало по осум години стигна до Меркур Вселенското летало „БепиКоломбо“ (BepiColombo) – заедничка европско-јапонска вселенска мисија – пристигна кај Меркур по патување кое траеше повеќе од осум години и сега е подготвено да влезе во неговата орбита, пренесува „Гардијан“. Мисијата „БепиКоломбо“ ќе стане втората во историјата што ќе орбитира околу оваа планета – најмалата во Сончевиот Систем – при што се планира мапирање на нејзината површина и проучување на нејзината внатрешност. Целта на оваа мисија, вредна 1,6 милијарди евра, е да се утврди како Меркур се формирал толку блиску до Сонцето, зошто поседува магнетно поле, како и каков е составот на мразот скриен во кратерите на планетата кои се постојано во сенка. Професорката Ема Банс од Универзитетот во Лестер, која работи на проектот веќе 20 години и е главен истражувач за инструментот „Спектрометар за рендгенско снимање на Меркур“ (MIXS) – дизајниран за анализа на геохемискиот состав на површината на планетата – ја опиша мисијата како „многу сложена и предизвикувачка“, на чија реализација се чекало долго време. По влегувањето во орбитата на Меркур, MIXS ќе го анализира геохемискиот состав на површината на планетата; сепак, се очекува да поминат неколку месеци пред научниците да можат да започнат со набљудување на Меркур. На почетокот на декември, вселенското летало ќе се раздели на две орбитални единици – една европска и една јапонска – кои ќе маневрираат во посебни поларни орбити околу планетата. Научните операции се планирани да започнат во април следната година. Европската сонда, „Орбитер за планетата Меркур“ (MPO), ќе ја мапира површината и составот на планетата во висока резолуција, истовремено проучувајќи ја внатрешноста на Меркур за да фрли светлина врз неговото необично големо јадро. Нејзиниот јапонски пандан ќе го мери магнетното поле на планетата и нејзината натриумова егзосфера – исклучително тенок слој од гас и атоми што ја опкружува планетата. Иако Меркур е само 50 проценти поголем од Месечината, тој има четири пати поголема маса; едно од прашањата што мисијата ќе ги истражува е потеклото на оваа извонредно висока густина. Се очекува вселенските летала да кружат околу Меркур приближно три години, по што ќе останат без гориво, ќе изгубат височина и на крајот ќе удрат во површината.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter