Македонија

Пендаровски:Знаењето на бизнис заедницата да се искористи во претстојниот преговарачки процес

Историски битен факт за нашата земја е тоа што сме на самиот праг да се зачлениме во НАТО алијансата.

Бизнис заедницата целосно да се вклучи и да се искористи нејзиното знаење и капацитет во претстојниот преговарачки процес со ЕУ, повика денеска претседателот на државата Стево Пендаровски на работна средба со претседателот на Стопанската комора на Македонија, Бранко Азески и со потпретседателите и членовите на Управниот одбор на Комората.

– Историски битен факт за нашата земја е тоа што сме на самиот праг да се зачлениме во НАТО алијансата. За разлика од многумина кои мислат дека станува збор само за организација што се грижи за безбедноста и без какви било последици во останатите области, јас не се согласувам. Не постои ниту една држава во светот која има добра економија, која не е асоцирана во поголемите организации од овој тип, особено не во Европа. И оние земји кои не се формално членки од ЕУ, како што е Швајцарија, тие се дел со серија потпишани договори децении наназад се дел од европскиот заеднички пазар, сметајте како да се членки на ЕУ, рече Пендаровски.

НАТО, како што рече, е значаен и очекуваме до крајот на годинава, а ако не најдоцна во првиот месец од следната година да го заокружиме членството и да бидеме полноправна членка.

– На повеќе од половина пат сме во однос на потребните ратификации од сите 29 земји членки. Тоа оди со одлично темпо. Имаме ветување од една група пријатели во рамки на Алијансата дека тоа ќе се заврши до крајот на годината, ако нешто непредвидено не излезе, рече Пендаровски. Додаде дека не очекува да има политички проблеми.

Посочи дека нема да дозволи да биде ставен пред свршен чин и да служи само за потпишување на закони, туку ќе се труди да нема подготовка на закон што се однесува на стопанството без да биде вклучена бизнис заедницата.

– Прашајте ја Хрватска. Единствени проблеми од поглавајата има само во деловите од преговарачкиот процес во кои не била вклучена бизнис заедницата, изјави Пендаровски.

Најави дека наскоро ќе биде пополнето советничкото место во неговиот Кабинет, како и дека ќе работи на искористување на дипломатско-конзуларните претставништва со цел подобра промоција на бизнис потенцијалот на нашта држава во странство.

Ова е прва посета на претседателот Пендаровски на Стопанската комора. Пред Пендаровски беше претставена работата, структурата и активностите на Комората. Пендаровски најави дека ќе се сретне и со претставници и на другите комори во државата.

Стопанствениците од Пендаровски побараа поголема стабилност во постапката на носење закони, поголема промоција во странство и нивно вклучување во процесот, поголема промоција на бизнис заедницата во странство, но и вклучување во процесот на одликувања за остварени придионеси во општеството.

Македонија

Бојмацалиев: Нашите бранители -херои од 2001 никогаш нема да бидат заборавени

Нашата татковина е создадена и опстојува благодарение на храброста, непокорот и пожртвуваноста на нашите бранители-херои, порача  дополнителниот заменик министер за внатрешни работи Митко Бојмацалиев.

Нашата татковина е создадена и опстојува благодарение на храброста, непокорот и пожртвуваноста на нашите бранители-херои, порача дополнителниот заменик министер за внатрешни работи Митко Бојмацалиев на настанот во Битола организиран од ,,Здружението на членовите на фамилиите на загинатите припадници на вооружените сили на Македонија -Херои на Македонија 2001-2015“ по повод чествување во сеќавање на загинатите бранители во настаните ,,Вејце “ и ,,Шипковица“ во 2001 година.

За мирот и спокојот што денеска го имаме, додаде, ним им должиме и им се поклонуваме. Тие се великаните кои ја променија историјата и оставија светол пример за идните генерации.

-Нивните имиња остануваат вечно врежани во колективната меморијата на македонскиот народ. Нивниот ведар дух, посветеност и професионалност нивните херојски дела оставија траен белег врз нашите животи, за што денеска и секогаш со гордост и пиетет зборуваме и се сеќаваме. Како син на воено лице во пензија, кое во 2001 учествуваше на овие настани, сега како претставник на Министерството за внатрешни работи дозволете ми да им оддадам уште една признание и да им кажам на фамилиите дека никогаш нема да бидат заборавени, а Македонија ќе биде вечна, потенцираше Бојмацалиев.

Свет

Објавено видео на кое двајца израелски заложници во Газа бараат од Нетанјаху да ги ослободи

Објавено видео на кое двајца израелски заложници во Газа бараат од Нетанјаху да најде начин да ги ослободи.

Бригадите Ал-Касам, вооруженото крило на Хамас, објавија видео на кое се гледаат двајца заложници заробени на 7 октомври, кои бараат од израелската влада предводена од Бенјамин Нетанјаху да најде начин да ги ослободи.

Видеото содржи разговор со Кит Сегал (64) и Омри Миран (47), кои зборуваат за тешките услови што ги доживеале при израелското бомбардирање во Појасот Газа, пренесува Анадолија.

Објавена и изјавата на израелскиот премиер Нетанјаху, кој рече: Само континуираниот воен притисок ќе доведе до ослободување на сите заложници.

Цитирана е и изјавата на министерот за одбрана Јоав Галант, кој изјави: Колку повеќе се зголемува воениот притисок, толку се поголеми шансите да дојдеме до вашите најблиски.

Бригадите Ал-Касам во видеото велат дека воениот притисок што го изврши Израел доведе до смрт на десетици заложници во Газа, а останатите ги лиши од прославата на еврејската Пасха со нивните семејства. „Вашите нацистички водачи не се грижат за судбината на вашите заробени синови и нивните чувства. Сфатете го ова пред да биде предоцна“, се заканија припадниците на Хамас, организација која е прогласена за терористичка во ЕУ и во САД.

Македонија

Приведени двајца крадци од Србија за седум кривични дела

Приведени двајца крадци од Србија поради извршени шест тешки кражби и украдени велосипеди на подрачјето на општина Аеродром.

- Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р. Србија. Тие се сомничат дека во изминатиот период извршиле шест кривични дела „тешка кражба“ и едно кривично дело „кражба“ на велосипеди на подрачјето на општина Аеродром, информираат од МВР.

Двете лица се лишени од слобода, а украдените велосипеди се пронајдени кај пријавените и вратени на сопствениците.

притисни ентер