Пејачката повторно ги поместува границите на уметноста! - Канал 5

Шоу биз

Пејачката повторно ги поместува границите на уметноста!

Дали ја препознавате?

Пејачката повторно ги поместува границите на уметноста!

Планетарно познатата ѕвезда чија кариера во ‘80-тите и ‘90-тите „ја красеа“ запалени крстови и необични градници кои во тоа време се сметаа за апокалиптични, со своите оригинални видеа сега ги запрепастува луѓето ширум светот.

Кралицата на попот Мадона и Бипл снимија три NFT видеа со наслов „Мајка на креирањето“, „Мајка на технологијата“ и „Мајка на еволуцијата“.

„Mother of Creation“ е NFT колекција или анимирани видеа кои ја прикажуваат Мадона гола како раѓа пеперутки, дрвја и метални инсекти.

Снимките предизвикаа шок во различни делови на светот, но тоа за легендарната пејачка беше само неделна афера, во текот на својата кариера таа имаше безброј вакви напади.

Експлицитни NFT содржини беа понудени на аукција на 11-ти мај, а добиените пари ќе бидат уплатени во три непрофитни организации чија цел е поддршка за жените и децата ширум светот.

Во првото видео, дигитализираната верзија на Мадона седи гола на метална операциона маса во празна лабораторија. Од неа почнуваат да излегуваат млади гранки, а потоа никнува цело дрво, кое на крајот цвета.

- Како жена, низ животот поминувам слично како дрвото. Почнувам од мало семе и се спротивставувам на отпорот на земјата, на бескрајната гравитација - вели Мадона во видеото кое трае една минута.

- Топлина, дожд, немилосрдни ветрови. Си реков, ќе бидам пристојна и нема да се скршам, додека предаторите ги берат моите плодови, ја гребат мојата кора и ми ги виткаат гранките, ме сечат, ме палат до темел. Никогаш нема да ја уништат мојата суштина, ниту да ми ја одземат славата или да ми ја згаснат душата – додава уметницата.

Во второто видео, „Мајка на еволуцијата“, дигитализираната верзија на Мадона е повторно гола на зарѓан стар камион. Овој пат, од нејзиното меѓуножје излегуваат пеперутки, додека таа го рецитира текстот од нејзината песна „Justify My Love“.

-Ова видео ја претставува метаморфозата на пеперутката, едно од најубавите суштества во природата и симболот на надежта - стои во описот на видеото.

Во последното видео „Мајка на технологијата“, Мадона е гола во шумата додека од неа излегуваат метални стоногалки, а таа рецитира поезија од поетот Руми.

- Технологијата продолжува да се развива во физичкиот, природниот и реалниот свет. Можеме да правиме што сакаме, но тоа има свои последици. Природата ќе победи на крајот – стои во описот на видеото.

-Ова беше едно неверојатно патување од идеја до емотивна приказна и раѓање на уметноста. Сакав да го истражам концептот на создавање, не само преку тоа како се раѓа детето, туку и како уметникот ја раѓа креативноста – го објаснила Мадона својот проект.

Не беше мал бројот на негативни коментари на овие изданија на светската ѕвезда, но таа на сите им одговори дека „го правела она што го прават жените од самиот почеток на времето“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Разрешениот министер Љутков стана национален координатор за култура

Екс-министерто за култура Зоран Љутков нема да се врати во Драмскиот театар, туку ќе продолжи да биде дел од владиот кабинет, потврдуваат од владата.

Разрешениот министер Љутков стана национален координатор за култура

Неговата нова позиција е национален координатор за култура.

-Неговото докажано искуство, пред се како докажан актер е предност и додадена вредност во владиниот кабинет – велат од владата за Канал 5.

Љутков беше минстер од формирањето на владата во 2024 година, а функцијата ја напушти во рамки на реконструкцијата на владиниот состав кога на негово место беше избран дотогашниот заменик-министер Седат Сулејмани.

Тагови: Зоран Љутков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: До 13 часот регистрирани 10 пожари, од нив пет се активни, два се под контрола, а три изгаснати

Пет пожари се активни до 13 часот, два се ставени под контрола, а три се изгаснати, информираше ЦУК.  

ЦУК: До 13 часот регистрирани 10 пожари, од нив пет се активни, два се под контрола, а три изгаснати

Активни пожари има во општина Студеничани кај селата Моране, Вртекица и Рамни Габер каде гори мешана шума, во општина Македонски Брод кај селата Драгов Дол и Локвица, опожарена е ниска вегетација, нискостеблеста шума и грмушки. Во општините Велес кај село С’лп и селата Добрино и Тисовица во општина Зелениково, каде гори ниска вегетација, дабова и габерова шума и квалитетна дабова шума.

Мешана шума гори на просторот меѓу општините Јегуновце, Желино и Сарај, а во општина Штип во населба Балканска каде гори ниска вегетација.

YouTube video

Тагови: ЦУК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжи судењето за „Пулс: Објектот имал прегради и врати кои ја попречиле евакуацијата

Со изведување на градежното вештачење и распит на вештите лица кои го изработиле, денеска во судницата во затворот „Идризово“ продолжи судењето за пожарот во кочанската дискотека „Пулс“.

Продолжи судењето за „Пулс: Објектот имал прегради и врати кои ја попречиле евакуацијата

Во судницата наодите поврзани со урбанистичките и градежните аспекти на објектот ги презентираа вештите лица Душица Трпчевска Ангелковиќ и Маријана Лазаревска.

Во вештачењето е констатирано дека во објектот биле поставени прегради од гипс-картон и врати кои претставувале пречка за безбедна евакуација. Лазаревска покажа фотографии од изведбата на челични греди и столбови во приземјето на објектот, направени во 2012 година во рамки на пренамената од магацин за теписи и теписони во угостителски објект.

Лазаревска претходно посочи дека на објектот биле изведени надворешни скали и настрешница, како и преградни ѕидови од гипс-картон со кои бил оформен влез со двокрилна двонасочна врата. Според неа, ваквото решение било недозволено од безбедносен аспект, особено при евакуација.

Со изведувањето на градежното вештачење, кое го изработил тим од градежниот факултет при УКИМ, се очекува да заврши доказната постапка предложена од обвинителството.

Тагови: Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер