Педофил испи течност за време на изрекување на пресудата и набргу почина - Канал 5

Живот

Педофил испи течност за време на изрекување на пресудата и набргу почина

Маж од Тексас, обвинет за сексуално злоставување деца, на изрекувањето на пресудата испил шише со непозната течност и починал неколку часа подоцна, пренесува news.yahoo.

Педофил испи течност за време на изрекување на пресудата и набргу почина

Откако била прочитана првата од петте точки за кои Едвард Леклер бил прогласен за виновен, осудениот 57-годишник почнал да пие од пластично шише.

– Забележав дека пие – рекол адвокатот Мајк Хауард и продолжил да опишува дека „му се тресе раката“.

- Во тоа време мислев дека се тресе поради пресудата, а потоа продолжи да пие - раскажал адвокатот Хауард.

Помошникот окружен обвинител Џејми Бек изјавил за Denton Record-Chronicle дека течноста изгледала „матна“, но и тој не бил сигурен што има во шишето на Леклер.

Леклер, поранешен механичар на морнарицата и корпоративен регрутер, бил обвинет пред две години по пет точки од обвинението за сексуален напад на деца на возраст меѓу 14 и 17 години и останал на слобода и покрај обвиненијата.

Пресудата дошла по триипол часовно размислување на поротата, а Леклер се соочил со можна казна која се движи од условна до 100 години затвор, рече Хауард.

– Со ваквите обвинувања, доколку обвинетиот биде прогласен за виновен, секако е можна многу тешка казна – објаснил Хауард.

Леклер бил на слобода со кауција за време на судењето. Тој испил поголем дел од она што било во шишето пред да биде ставен во ќелија за да ја чека пресудата. Хауард накратко разговарал со својот клиент додека чекал таму.

Неколку минути подоцна, во судницата, извршителот рекол дека Леклер повраќа. Поротата била испратена дома, а Леклер бил однесен во болница.

- 45-тина минути откако почнаа проблемите, од болницата ме известија дека е констатирана смрт - изјавил неговиот адвокат.

Поротниците се вратиле и биле информирани за смртта на Леклер.

Канцеларијата на медицинскиот истражител од округот Тарант ќе ја утврди причината за смртта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна авион „Су-30“ (ВИДЕО)

Воениот авион „Су-30“ се урна денес во Калининградската област за време на тренажен лет.

Се урна авион „Су-30“ (ВИДЕО)

Екипажот се катапултирал, а животите на пилотите не се во опасност, соопшти руското Министерство за одбрана.

„Денес, на 21 октомври, авион ’Су-30‘ се урна за време на планиран тренажен лет во Калининградската област“, ​​се наведува во соопштението на Министерството, пренесено од агенцијата „РИА Новости“.

Од агенцијата посочуваат дека екипажот се катапултирал и веќе е пронајден од копнен тим за потрага и спасување.

Наведено е дека животите на пилотите не се загрозени.

„Авионот се урна во ненаселена област. Летот се одвиваше без муниција“, се додава во соопштението.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дизел утре тргнува за Америка- „Танкерот има капацитет од 40.000 тони“

Русија утре треба да ја испрати првата пратка дизел во Соединетите Држави, во рамките на спорниот договор меѓу американскиот претседател Доналд Трамп и рускиот претседател Владимир Путин. 

Руски дизел утре тргнува за Америка- „Танкерот има капацитет од 40.000 тони“

Рускиот вицепремиер Александар Новак изјави дека танкерот ќе има капацитет од 40.000 тони, пренесува Интерфакс. Се очекуваат и дополнителни пратки.

Новак не ја исклучи можноста за извоз на дизел и во други земји, но напомена дека тоа ќе зависи од капацитетите на руските рафинерии во текот на наредните месеци.

На почетокот на октомври, Трамп и Путин се договорија за продолжување на испораките на руски дизел за САД. Вашингтон привремено ги суспендираше постојните санкции против Русија за да овозможи реализација на овие пратки. Договорот наиде на остри критики од Украина, Европската Унија, па дури и од некои републикански членови на американскиот Конгрес, додека Москва го поздрави договорот.

Руските рафинерии за нафта често се цел на украински беспилотни летала со голем дострел, а оштетувањата и поправките го ограничуваат производниот капацитет на земјата.

Москва одговори со воведување забрана за извоз на бензин и дизел. Трамп ги критикуваше украинските напади, обвинувајќи го Киев за порастот на цените на горивата во пресрет на ноемвриските избори за Конгресот на САД, на кои се очекува републиканците да остварат слаб резултат.

Киев, пак, тврди дека нафтените постројки се легитимни воени цели, бидејќи обезбедуваат гориво и финансиски средства за војната на Путин. Од февруари 2022 година, Украина се брани од целосна руска инвазија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување со моторно возило“, седум возеле без положен возачки испит

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување со моторно возило“ по член 297-а од Кривичниот законик.

Лишени од слобода 10 возачи за „безобѕирно управување со моторно возило“, седум возеле без положен возачки испит

Од нив, седум управувале возило без положен возачки испит и тоа: Д.А.(41), Ш.Џ.(23), 20-годишната Е.Љ. и 16-годишник, сите од Скопје, Ф.И.(45) и С.К.(56), двајцата од скопско и С.Х.(44) од Тетово. Со активна мерка - забрана за управување на возило возеле Б.Д.(45) од Велес и С.Б.(25) од Гостивар. Додека, пак, под дејство на алкохол возел Т.Н.(37) од Гостивар. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер