Патник го изгубил телефонот среде лет- авионот се вратил од над Атлантикот и принудно слетал - Канал 5

Свет

Патник го изгубил телефонот среде лет- авионот се вратил од над Атлантикот и принудно слетал

Пренасочувањето и враќањето на авионите на аеродромот на поаѓање не е невообичаено во воздухопловството, но причината зошто авионот на Ер Франс од Париз до Поента-а-Питр на Карибите денеска се врати е крајно невообичаена - изгубен мобилен телефон.

Патник го изгубил телефонот среде лет- авионот се вратил од над Атлантикот и принудно слетал

Боингот 777-300ER, кој полетал од аеродромот Шарл де Гол во 11:51 часот со вкупно 375 патници и 12 членови на екипажот, бил принуден да се врати и да слета на аеродромот Орли, откако екипажот не успеал да го лоцира телефонот на еден од патниците. И покрај темелното пребарување на кабината, тие не успеале да го најдат, што претставува потенцијална опасност за безбедноста на летот поради можноста уредот да се прегрее или да се заглави во недостапни делови од кабината.

Авионот кружел во воздух околу еден час на височина од 31.000 стапки во близина на брегот на Франција, пред екипажот да донесе одлука да се врати на аеродромот. Летот AF750 безбедно слетал на пистата 06 на аеродромот Орли во 14:06 часот, нешто повеќе од два часа по полетувањето.

Техничките тимови на „Ер Франс“ моментално работат на лоцирање на исчезнатиот телефон за авионот што поскоро да полета назад до својата дестинација, објави Индипендент.

Иако ваквите ситуации не се вообичаени, мерките на претпазливост бараат строги правила, особено кога станува збор за електронски уреди кои можат да ја загрозат безбедноста на летот.

Шоу биз

Мадона сними „TikTok“ видео со своето момче: Го покажува лицето без шминка

Мадона објави видео на „TikTok“ со нејзиното момче Аким Морис.

Мадона сними „TikTok“ видео со своето момче: Го покажува лицето без шминка

Во видеото, пејачката и нејзиното момче го рекреираат танцот од серијата Принцот од Бел-Ер додека свири песната „Anxiety“ од раперот Доечи. Во ова видео Мадона нема шминка на лицето.

@madonna 👀 #fyp ♬ Anxiety - Doechii

Таа е лежерно облечена во широки панталони, преголема кошула и јакна, додека Аким е во спортски костим.

Овој танцов тренд започна минатиот месец кога Вил Смит рекреираше сцена од серијата со поранешната колешка Татјана Али.

@willsmith Waited 35 years for this dance to trend. Ib: @Mimii ♬ Anxiety - Doechii

Аким, поранешен колеџ фудбалер, ја запозна Мадона во август 2022 година, иако ја потврдија романсата две години подоцна. Мадона ја објави нивната врска во јули минатата година кога објави фотографии од нив на социјалните мрежи. Тие, наводно, се разделиле во октомври 2024 година, но брзо се помириле.

Двојката неодамна беше фотографирана на покривот на лондонскиот хотел „Бродвик Сохо“. Пејачката и нејзиното момче биле облечени лежерно и се држеле за рака. На Мадона во еден момент и пречеа фотографите, на кои им го покажа средниот прст.

Извор: Индекс.хр

Тагови: Вил Смит Мадона Тик Ток

Тенис

Алкараз трет полуфиналист во Барселона

Вториот тенисер во светот, Шпанецот Карлос Алкараз, се пласираше во полуфиналето на турнирот во Барселона, откако попладнево во два сета го совлада Австралиецот Алекс Де Минор со 7: 5, 6:3.

EPA-EFE/ENRIC FONTCUBERTA

Алкараз до триумфот над седмиот играч на АТП листата дојде по еден час и 39 минути.

Шпанскиот тенисер освои четири гемови на сервисот на противникот, дозволувајќи му на Де Минор два брејка.

Алкараз во полуфиналето ќе игра против подобриот од дуелот Циципас-Фис.

Првата полуфинална двојка ја сочинуваат Хачанов и Руне.

Фото: ЕПА

Свет

Американската влада објави околу 10.000 страници документи за атентатот на Роберт Кенеди

 Американската влада објави околу 10.000 страници документи поврзани со атентатот на сенаторот Роберт Ф. Кенеди во 1968 година, продолжувајќи со објавувањето на доверливите документи во согласност со наредбата на претседателот Доналд Трамп.

Американската влада објави околу 10.000 страници документи за атентатот на Роберт Кенеди

Директорката на Националното разузнавање Тулси Габард рече дека објавувањето на документите поврзани со атентатот на Роберт Кенеди „ќе го впери долгоочекуваното светло на вистината“.

- Речиси 60 години по трагичниот атентат на сенаторот Роберт Кенеди, американскиот народ за прв пат ќе има можност да ја разгледа истрагата на федералната влада благодарение на раководството на претседателот Трамп, напиша Габард.

Управата за национална архива и документација на САД објави околу 229 датотеки што ги содржат тие страници на својата веб-страница.

Американскиот претседател Доналд Трамп во јануари потпиша извршна наредба за декласификација на преостанатите федерални документи поврзани со атентатите на претседателот Џон Кенеди, сенаторот Роберт Ф. Кенеди и Мартин Лутер Кинг помладиот.

Во средината на март, американската влада почна да ги објавува преостанатите доверливи документи за атентатот на претседателот Џон Ф. Кенеди во 1963 година во Далас./МИА

Тагови: САД Роберт Кенеди
притисни ентер