Слично како и Соединетите Држави, Кина го проширува своето присуство на Антарктикот и на Арктикот, со цел истражување на поларните ресурси. Според „Ројтерс“, официјалната цел на законот е да ги поттикне кинеските научни истражувања, истовремено штитејќи ја безбедноста на националните операции, имотот и другите интереси на Кина на Антарктикот.

Законот наложува за време на кинеските операции да се заштитат флората и фауната, отпадот соодветно да се отстранува, а загадувањето на морето да се спречува. Исто така, се бара избегнување или ублажување на штетните влијанија врз животната средина. Издавањето дозволи за кинески истражувања, туризам, пловидба и други активности ќе зависи од исполнувањето на низа критериуми поврзани со животната средина, безбедноста и други аспекти.

Станица за следење на атмосферата

Во изминатите две години, Кина управува со станица за следење на атмосферата на Антарктикот. Овој објект служи за следење на промените во животната средина и дава придонес кон глобалниот одговор на климатските промени.

Кина е потписничка на Договорот за Антарктикот, со кој континентот е дефиниран како научен резерват отворен за истражувања, при што се забранети воени активности. Таа е исто така страна потписничка на Протоколот за заштита на животната средина од 1991 година, со кој се воведува 50-годишна забрана за рударство и истражување на нафта.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ уште пред една година предупреди за Алта банка, дека е про-режимска банка создадена од криминалните кланови и перланица на пари на Вучиќ.

Сега народот пати и не може да дојде до своите пари. А овие во владата лажат, си ја префрлаат одговорноста за да се спасат и пробуваат да го заташкаат скандалот.

Трајко Славевски вели имало консултации Кочовска вели немало и не била информирана.

Штом зинат лажат.

Еве го записникот од седница на Владата од 23 септември 2025 година.

На предлог на Кочовска Владата на Мицкоски носела Заклучоци за преземање акции од страна на Алта Банка АД Белград на 16 јавни институции.

Мицкоски и Славевски ја внесоа Алта банка во Македонија, со сомнителен капитал, која сега е под стечеј, без лиценца и под истрага за криминал.

А Владата на Мицкоски, на истиот Давор Мацура му овозможила да се стекне со поголем пакет акции на сметка на државата.

Внимавајте, акции од државни претпријатија се нудени во интерес на Мацура и Алта банка!

Денеска луѓето не можат да си дојдат до своите пари. Редици, гужви, нервозни граѓани, неизвесност.

За ова мора да има одговорност!

Сега тие што ги носеа штетните одлуки, што овозможија влез на Алта банка најавуваат продажба на нов сопственик. Целта е да се заташка работата, да не се открие криминалот.

Кој би сакал да земе банка со ваква репутација и банка која е под и под сомнеж за потеклото на капиталот?

Власта врши притисок врз потенцијални купувачи, на една странска а од пред некој ден и на една домашна банка.

Бараме, ОЈО да не чека и да не се правда дека има време.

Нема време, се касни 11 месеци.

Веднаш да отвори истрага и за Мицкоски, Славевски и за Кочовска. Да се вклучи и Европското обвинителство за да се провери текот на сите пари за Алта банка.

Сите вмешани во скандалот со Алта банка да одговараат.

Прес конференција на СДСМ, Богданка Кузеска – портпаролка и членка на Извршниот одбор

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во операцијата „Џавелин“ (Javelin) биле уапсени 13 лица, а претреси се спроведени во пет европски земји, меѓу кои и Хрватска.

Како што соопшти Европското јавно обвинителство, вчера, во рамките на опсежна истрага, биле спроведени претреси во Австрија, Хрватска, Чешка, Германија и Полска, во кои учествувале повеќе од 900 даночни службеници и полицајци. Во Германија и Австрија се уапсени 13 лица, а истрагата се води против повеќе од 50 осомничени. Истовремено, беа извршени налози за одземање имот во вредност од дури 26 милиони евра.

Во Берлин се одземени два имота, меѓу кои и еден во кој се наоѓа хостел, а во Хрватска биле одземени седум имоти.

Исто така, се замрзнати банкарски сметки и одземени десетици автомобили, вклучително и скапи луксузни возила, како и готовина, криптовалути, оружје со муниција и неколку луксузни часовници.

Според доказите собрани досега, оваа сложена шема била организирана од петмина осомничени предводници и двајца даночни советници, а интегрираниот систем функционирал најмалку од 2016 година. Тие ги искористиле правилата на Европската унија, според кои прекуграничните трансакции меѓу земјите-членки се ослободени од ДДВ. Компании од неколку земји на ЕУ, вклучувајќи ги Австрија и Чешка, пријавиле продажба на луксузни автомобили на компании во Берлин, кои ја имале улогата на таканаречени „исчезнати трговци“.

Според прописите на ЕУ, германските компании ги купувале автомобилите по нето-цена, без ДДВ, но при нивната препродажба на купувачи во Германија, тие биле должни да пресметаат ДДВ и да го уплатат кај даночните органи. Наместо тоа, како што се сомнева, тие го наплаќале ДДВ-то, а потоа исчезнувале или престанувале со работа, без да платат даноци кон државата.

Автомобилите потоа биле препродавани преку посреднички компании, таканаречени „тампон-компании“ (buffers), чија задача била да ја прикријат измамата и да им дадат изглед на легитимност на трансакциите.

На крајот, возилата биле продавани во друга земја од ЕУ, а последниот купувач во Германија можел да побара поврат на ДДВ-то платено на добавувачот, иако тој данок никогаш не бил уплатен во државниот буџет.

На овој начин, според обвинителството, осомничените се стекнале со незаконска добивка проценета на 100 милиони евра, која потоа ја испрале со цел да го прикријат нејзиното вистинско потекло.

Оваа акција беше спроведена под надзор на Европското јавно обвинителство (EPPO) од страна на органите за спроведување на законот во пет земји. Во Хрватска учествуваше PNUSKOK, со поддршка од полициските управи во Загреб и Задар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.