Отворена манифестацијата „Звуците на чаршијата“ - Канал 5

Култура

Отворена манифестацијата „Звуците на чаршијата“

Манифестацијата „Звуците на чаршијата“ е отворена денеска на плоштадот „Скендербег“, а се одржува на неколку локации во Старата скопска чаршија.

Отворена манифестацијата „Звуците на чаршијата“
Организаторот на манифестацијата, директорот на Културно-информативниот центар-Скопје, Сермине Пурини изјави дека „Звуците на чаршијата“ веќе станаа симбол на традиционалните обичаи кои отсекогаш биле во чаршијата.

Целта е продолжување на заживувањето на чаршијата, во чии улички ќе има по некој перформанс.

- Ќе настапат симфонискиот оркестар „Ода на радоста“, кој заедно со хорот „ПроАрс“ под диригенство на Сашо Татарчев ќе ја изведат „Ода на радоста“. Целиот настан ќе биде спонтано собирање на музичарите и на хорот. Од Прима денс ќе настапат осум танчери кои ќе играат самба, латино музика, од Флеш моб-Анпи „Емин Дураку“ нема да настапат со народна носија како што сме навикнати, туку ќе изведат модеред танц. Ќе се одржи и ликовна колонија. Ќе настапат и музичката група „Артан&Oли“ и Златна труба - Левис, рече Пурини.

Попладне во Чаршиската книжарница ќе биде прикажан документарен филм за Старата Чаршија, а вечер во Куршумли Ан концерт ќе одржат Албанска софра, Еди Фура со оркестар и Синан Власалиу. Манифестацијата ќе заврши на полноќ.

Градоначалникот на општина Чаир, Изет Меџити рече дека културата е добар придонес кон заживување на Старата скопска чаршија.

- Ова се прави не само кај нас, туку и во други општини во Европа, во други поразвиени земји. Културата е таа која што ги зближува луѓето, која дава друг сјај на чаршијата. И понатаму ќе биде наша тенденција преку вакви манифестации, посебно преку културата, да ги вратиме луѓето во чаршијата, додаде Меџити.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран се закани со ново оружје

Иран развил ново оружје со, како што тврдат тамошните претставници, изненадувачки можности, кое би можело да биде употребено во случај на нов воен судир.

Иран се закани со ново оружје

Ова го соопшти Сејед Зијаедин Агаџанпур, раководител на Организацијата за идеолошки и политички прашања при иранското Министерство за одбрана, испраќајќи директна порака до американскиот претседател Доналд Трамп.

Агаџанпур нагласи дека Иран нема намера да попушти пред притисоците од Вашингтон, ниту да прифати каква било форма на принуда од САД.

-Никогаш нема да им се покориме на вашите обиди за заплашување, порача иранскиот претставник.

Тој оцени дека главната цел на американската администрација е иранскиот народ да биде принуден да ги прифати барањата на Вашингтон и да капитулира. Сепак, според него, Техеран нема да отстапи од своите позиции, ниту ќе ги прифати, како што ги нарече, нелегитимните барања на противниците.

Тагови: Иран оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Модриќ: Ќе играм додека чувствувам страст

Дури и на 41-годишна возраст, Лука Модриќ останува еден од клучните играчи на Милан под водство на Рубен Аморим. 

Модриќ: Ќе играм додека чувствувам страст

Неговиот квалитет и физичка подготвеност сè уште му овозможуваат да биде одлучувачки на највисоко ниво, што го покажа во неодамнешната победа од 3:1 против Интер. По градското дерби, неделниот рубрика на „Ла Газета дело Спорт“, „Спортвик“, му ја посвети својата насловна страница и ги објави неговите изјави за амбициите на клубот и продолжувањето на договорот.

Дерби и амбиции за титулата

По победата во дербито, Модриќ испрати јасна порака за целите на тимот.

„Беше фантастична победа, мислам дека беше нашата најдобра игра во сезоната. Ги заслуживме тие три бода, беа неопходни за нашиот морал и самодоверба. Растеме како тим и ако успееме да ги намалиме падовите во играта, кои се неизбежни во текот на сезоната, ќе имаме можност да се бориме за титулата. Тоа останува наша цел. Подобро ги спроведуваме идеите на тренерот и одиме во вистинската насока, а стадионот нè поддржува. Навивачите на Милан се неверојатни“, рече Модриќ.

Продолжување на договорот и планови за иднината

Тој се осврна и на летното продолжување на договорот со Милан и неговата иднина.

„Се чувствувам добро, сè уште имам страст, амбиција и сила. Додека се чувствувам така, сакам да играм. Ме сакаат во Милан, а јас сè уште го сакам фудбалот. Немав никакви сомнежи ова лето откако разговарав со Аморим и луѓето од клубот. Тие сакаа да останам и беше важно само да чувствувам дека сум посакуван. Милан е мојот тим и сакам да им помогнам на помладите играчи да се развиваат.“

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вооружен напад во Гватемала: Пратеник им подлегна на повредите, убиени се и тројца полицајци

Гватемалски пратеник и тројца полицајци беа убиени во вооружен напад во источниот град Рио Хондо, изјави во понеделник претседателот на Гватемала, Бернардо Аревало.

Вооружен напад во Гватемала: Пратеник им подлегна на повредите, убиени се и тројца полицајци

Тој го осуди насилството и им нареди на безбедносните сили да помогнат во идентификувањето на одговорните, објави Ројтерс. Пратеникот Хулио Сезар Портиљо Паз беше нападнат во петокот во градот Рио Хондо и првично беше однесен во болница со сериозни повреди.

Неговата партија Национално единство на надежта (UNE) подоцна соопшти дека тој починал.

Убиствата се случија околу три недели откако поранешниот антикорупциски обвинител на Гватемала, Хуан Франциско Солорзано Фопа, беше застрелан во Гватемала Сити.

Властите сè уште не утврдиле врска помеѓу двата напада.

Тагови: Гватемала напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер