Живот

Откриена имамата на ,,бремената жена на пожарникар” (ВИДЕО)

Американка е осудена на шест месеци затвор , зашто ги лажела луѓето дека е бремена жена пожарникар , кој херојски ги гасел пожарите во Калифорнија и затоа треба да и се даде парична помош.

Ешли Бемис (28) била уапсена откако на Фејсбук објавила дека нејзиниот партнер Шејн Гудман се бори со огнената стихија. Полицијата ја проверила жената и утврдила дека таа лажирала најмалку три бремености , дека воопшто не е мажена за пожарникар и дека пожарникарот Шејн Гудман не постои. Таа признала пред судот дека 24 пати извршила проневери.

Нејзината фотографија од Фејсбук со фотошоп од некој пожарникар ја забележал шефот на локалните пожарникари и ја пријавил жената во полиција. Бемис со донации заработила над 2 000 долари , а ги собирала така што им кажувала на наивните дека тие пари се наменети за пожарникарите.

Од луѓето барала и други предмети , што наводно би им помогнале на пожарникарите.

Таа уште во 2012 лажирала бременост , ги собрала подароците од забавата што за неа ја организирале сопружници , кои мислеле дека и помагаат . Но Ешли ги собрала подароците и ги продала.

За да биде измамата целосна , таа на двајцата хумани луѓе им праќала пораки како да е во болница , каде го изгубила бебето , кое воопшто не постоело , зашто носела лажен труднички стомак.

Забава

Екипата од Туминец повторно најуспешна на велигденскиот фудбалски турнир на Општина Пустец

Фудбалската екипа од село Туминец е победник на годинaшниот турнир одржан во Долна Горица, општина Пустец. Младите фудбалери од Туминец беа подобри во финалето против екипата на Горна Горица.

Фудбалскиот турнир организиран од Општина Пустец, традиционално се одржува по повод големиот празник Христовото воскресение - Велигден, кога Македонците, кои живеат и работат во други земји, главно во соседните, се враќаат во родните села.

На турнирот, што годинава беше посветен на Васил Јанкула, кој почина на трети минатиот месец, учествуваa екипи од сите села на општината.

Градоначалникот Пали Колефски ѝ го врачи пехарот на фудбалската екипа на Туминец, предводена од капитенот Драган Вурмо, која повеќе години по ред е победник на велигденскиот фудбалски турнир.

- Најпрво ви го честитам големиот празник, Христовото Воскресение - Велигден, со желби за здравје и благосостојба. Честитки за победата, а и на сите учесници за фер однесувањето на натпреварите. Моја порака и голема желба, е, да продолжиме со оваа убава традиција, посака Колефски.

Сите екипи, учесници, како и досега, соодветно беа наградени од општината.

Македонија

Мицковски го посети централниот штаб на Вреди

Лидерот на ВМРО-ДПМНЕ во штабот на ВРЕДИ се сретна со еден од лидерите на албанската опозиција, Арбен Таравари.

Претседателот на ВМРО-ДПМНЕ, Христијан Мицкоски денеска го посети централниот штаб на Вреди на плоштадот „Скендербег“ во Скопје, јавува ТВ21.

Лидерот на ВМРО-ДПМНЕ во штабот на ВРЕДИ се сретна со еден од лидерите на албанската опозиција, Арбен Таравари.

Свет

Фон дер Лајен: ЕУ смета дека Кина ќе изврши притисок врз Русија да ја прекине војната

 Претседателката на Европската комисија, Урсула фон дер Лајен денеска изјави дека Европската унија смета дека Кина ќе изврши притисок врз Русија да ја прекине војната против Украина.

„Сметаме на Кина да го искористи сето свое влијание врз Русија за да стави крај на руската агресивна војна против Украина“, рече фон дер Лајен по средбата со кинескиот претседател Кси Џингпинг и францускиот претседател Емануел Макрон во Елисејската палата.

„Претседателот Си одигра важна улога во деескалацијата на неодговорните нуклеарни закани на Русија и уверена сум дека ќе продолжи да го прави тоа во контекст на тековните нуклеарни закани на Русија“, додаде Фон дер Лајен.

притисни ентер