Македонија

Осум дена притвот за сопственикот на Доказ - М

Маријан Стаменковски, сопственик на порталот „Доказ М“ заврши во истражниот затвот Шутка .

Осум дена притвор определи скопскиот кривичен суд за за сопственикот на ДоказМ, Марјан Стаменковски. Обвинителството бараше притвор поради опасност од бегство и повторување на делото. Тој синоќа беше приведен во полиција по извршениот претрес во станот во населбата Влае каде што живеел. Стаменковски е осомничен за неколку кривични дела – уцена, ширење на расистички и ксенофобичен материјал по пат на компјутерски систем, пиратерија на аудиовизуелно дело и злоупотреба на лични податоци. Постапката е отворена по пријави од телевизија, свештеници, новинарки, вработен во обвинителството и истражители.

„Осомничениот се служел со сопствениот интернет портал, знаејќи дека е достапен на неограничен круг лица, како средство за ефективен притисок врз жртвите, притоа предизвикувајќи лавина општествени последици со несогледива штета во форма на религиска омраза и ксенофобични идеи. Дополнителна околност во таа насока е потребата да се заштитат жртвите, кои биле подложени на изразен говор на омраза и закани преку компјутерски систем и преку интернет порталот на осомничениот. – стои во образложието на обвинтиелството за побараниот притвор..

Од таму велат дека Стаменквоски во објавите ги поврзувал свештениците со домашни и странски тајни служби, со цел да се предизвика револт и омраза кон нив, а во текстовите се упатувале и заканувачки зборови со кои се поттикнува народот да дојде да ги избрка свештениците од манастирот во кој служат.

Новинарките го пријавиле бидејќи минатата година на порталот објавувал навредливи текстови со нивни фотографии со намера да ги заплаши, а вработениот во скопското обвинителство го повикувал на средба за да го уценува дека ќе објави приватни фотографии и информации за него.

Во перидодот додека се водела постапката, како што наведуваат од обвинителството, Стаменковски искористил познанство со поранешна истражителка во скопското обвинителство, од која преку вибер комуникација се обидел да дознае деталите за повеќе превдмети, вклучително и неговиот, а без согласност искористил и објавил лични податоци и фотографии на четворица истражители во ОЈО Скопје. Против екс истражителката, вработена во МВР, со која контактирал Стаменковски, веќе е започната постапката во Одделот за внатрешна контрола.

При претресот во станот каде престојувал покрај документација и компјутерска опрема, била пронајдена и одземена поголема сума на пари, според неофицијални информации над 90.000 евра за кои сомнежите се дека потекнуваат од други кривични дела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Започнува изградбата на ветерен парк во Штип

За три години треба да биде готов ветерниот парк на компанијата „Алказар“ во Штип.

Ќе содржи вкупно 54 ветерни електрани и ќе биде најголем во регионот. Според најавите ветерниот парк ќе обезбедува енергија за 148.000 домаќинства и ќе донесе околку 300 нови вработувања. Целата инвестиција за неговата изградба изнесува 500 милиони евра..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Прославата за независноста не ги чинела граѓаните ниту денар, финанисрана е од општествено одговорни компании -тврди Мицкоски

Нула денари од државниот буџет за големите музички спектакли за 35 годишнината од незваисноста ова лето – тврди премиерот Христијан Мицкоски.

Според него, сите настани, вклучително и вчерашниот настап на светскиот диџеј Дејвид Гета, биле организирани од општествено одговорни компании, без да се одвојуваат буџетски средства.

„Имам лоша вест за сите кои лиферуваа лажни информации. Тоа е дека буџетот овие настани го чинеа нула денари. Може да проверите. Сè е организирано од општествено одговорни компании. Секој денар буџетски пари се троши на транспарентен начин.“ – Христијан Мицкоски – претседател на Влада

Кулминацијата на прославата на 8 септември беше синоќа на преполниот стадион „Тоше Проески“. Неколку десетии илјади луѓе два часа уживаа во импресивното шоу на Гета, кој допатува директно од Ибица. Спектаклот не беше само музички – Гета на сцената приреди вистинско аудиовизуелно шоу со ласери, пиротехника, светлосни и видеоефекти.

По шоуто со светските хитови на Гета, вечерта заврши со македонска музика и традиционални ора. Дел од публиката го продолжи славењето и пред стадионот каде ечеше „Бисер балкански“.

Од МВР информираа дека за време на концертот биле регистрирани две нарушувања на јавниот ред и мир, по што биле приведени пет лица. Сепак, од МВР оценуваат дека настанот поминал исклучително мирно од безбедносен аспект.

Со вчерашниот спектакл се заокружи прославата на 35 години независност. Претходно, караванот „Силно светнал ден“ помина низ повеќе градови, а на градскиот плоштад во Скопје настапи и светската оперска ѕвезда Хозе Карерас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторно под просекот - ПИСА со аларм за македонските ученици

Екстремно лоши резултати и назадување на македонските ученици. Најновите податоци од меѓународното оценување ПИСА 2025 повторно го вклучуваат алармот за состојбата во образованието.

Министерката Весна Јаневска причините ги лоцира во реформите и образовните политики од претходниот период. Посочи дека најдобри резултати македонските ученици постигнале во 2018 година, во периодот на „Кембриџ“ реформата, по што следувало назадување.

,, За жал резултатите повторно се многу лоши но сакам да потенцирам дека ова се резултати од реформите кои се претходно направени.,,

Но, реформите не се единствениот фактор. Според Јаневска, значајно влијание врз резултатите има и технологијата. Не може да се тврди дека вештачката интелигенција е главната причина, вели таа, посочувајќи дека можеби многу поголемо влијание имаат социјалните мрежи и неконтролираната употреба на мобилните телефони.

-Децата мора да се вратат и на основните навики – да се учат да читаат и пишуваат на традиционален начин. Но, технологијата не треба да се исклучи од образованието.

Истражувањето на ПИСА, покажа дека само третина од 15-годишниците во земјава имаат основни познавања за математика, читање и наука, што е значително помалку во однос на развиените земји.

Наодите покажале дека само 26 отсто од учениците во Македонија го достигнуваат ниво 2 или повисоко по читање, а просекот во земјите на ОЕЦД изнесува 69 отсто. По математика, основното ниво го достигнуваат 32 отсто од учениците, наспроти 65 отсто просек во ОЕЦД, а по природни науки 36 отсто, во споредба со 74 отсто во ОЕЦД.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.