Објавена голема студија: Во САД има сè повеќе масовни пукања и сè повеќе убиени - Канал 5

Живот

Објавена голема студија: Во САД има сè повеќе масовни пукања и сè повеќе убиени

 Истражувачки проект финансиран од американската влада покажува нагорен тренд на масовните пукања во САД, посочувајќи дека се зголемува и бројот на 

Објавена голема студија: Во САД има сè повеќе масовни пукања и сè повеќе убиени

Истражувачки проект финансиран од американската влада покажува нагорен тренд на масовните пукања во САД, посочувајќи дека се зголемува и бројот на жртви, а повеќето луѓе кои вршат такво насилство претходно доживеале траума или се во кризна животна ситуација.

„Проектот насилство" (The Violence Project), финансиран од Националниот институт за правда на Министерството за правда на САД, проучуваше 52 случаи на масовни пукања – дефинирани како убиство на четири или повеќе луѓе – во текот на повеќе од 50 години.

Истражувањето, објавено вчера, покажа дека од сите инциденти со масовно пукање од 1966 до 2019 година, повеќе од половина од случаите се случиле од 2000 година наваму, од кои 20 отсто се случиле од 2010 до 2019 година. Во последните пет години, просечно 51 лице годишно беа убиени во масовни пукања, додека во 1970-тите беа убиени во просек по осум луѓе секоја година.

Министерството за правда објави некои од главните моменти од студијата еден ден откако американскиот претседател Џо Бајден и државниот обвинител Мерик Гарланд се сретнаа со градоначалникот на Њујорк за да повикаат на поголеми инвестиции во локалната полиција за борба против неодамнешниот пораст на вооруженото насилство.

– Оваа студија – една од најсеопфатните проценки на масовното насилство досега – покажува длабоко вознемирувачки тренд: повеќе Американци умираат од масовни пукања од кога било досега во поновата историја, рече Ејми Соломон, главен заменик-помошник на јавниот обвинител во Канцеларијата за правосудни програми.

Студијата ги анализирала податоците за масовните пукања користејќи јавно достапна база на податоци, а се работи за отворени извори, како весници или социјални мрежи.

Анализата на некои истражувачки податоци од Националниот институт за правда покажа дека самоубиствените намери се „силен индикатор" за сторителите на масовни пукања. Исто така, 31 отсто од сторителите доживеале траума во детството, а 80 отсто од нив се „во криза".

Голем процент од сторителите, 48 проценти, ги споделиле своите планови со членовите на семејството, пријателите, полицијата или непознати лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Болсонаро избега на Флорида по изборниот пораз, ќе бара политички азил од САД

Сенаторот од крајната десница Флавио Болсонаро наводно го напуштил Бразил за САД, откако загуби од левичарскиот претседател Луиз Инасио Лула да Силва на претседателските избори во недела.

Болсонаро избега на Флорида по изборниот пораз, ќе бара политички азил од САД

Според новинскиот портал „Метрополс“, повикувајќи се на извори блиски до семејството на политичарот, Болсонаро бил на пат кон САД.

„Авионот е во лет“, објави порталот, без да прецизира од каде полетал авионот.

Сојузниците на Болсонаро му рекле на „Метрополс“ дека тој треба да слета во Флорида во вторник попладне и дека планира да побара политички азил.

„Администрацијата на Трамп е информирана“, се додава во извештајот.

Неговите сојузници потврдија за весникот „Фолха де С. Паоло“ дека тој е на пат кон САД, велејќи дека планот за неговото заминување бил „организиран и олеснет од адвокат близок до семејството Болсонаро“.

CNN Brasil објави дека Болсонаро избегал во САД рано во вторник со сопругата и двете ќерки.

Болсонаро не е виден од понеделник и го пропуштил рокот во 11 часот наутро во вторник за да го предаде пасошот на федералната полиција. Тоа ги поттикна шпекулациите дека тој избегал од Бразил по поразот на изборите во недела.

Според бразилскиот весник „О Глобо“, за време на состанокот со пријатели и адвокати во понеделник, поразениот кандидат изгледал „опседнат“ и јасно ставил до знаење дека се плаши од апсење.

Судија на Врховниот суд му го одзеде пасошот на Болсонаро неколку минути по објавувањето на резултатите од изборите, како дел од случајот против сенаторот. Тој имаше рок до 11 часот наутро да го предаде документот на федералната полиција, но не се појави.

Тагови: Болсонаро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: Разговарав со Макрон, верувам дека се враќаме на власт по две години

Лидерот на листата „Обединета Србија“, Александар Вучиќ, разговараше за ТВ Информер по парламентарните избори во Србија.

Вучиќ: Разговарав со Макрон, верувам дека се враќаме на власт по две години

Вучиќ изрази загриженост за синоќешниот упад во ТВ Информер:

„За 14 години не сме забраниле ниту една телевизиска станица, иако тие кажаа сто пати полоши работи отколку што кажавте вие ​​за нив.“

Потоа откри дека разговарал со многу високи европски функционери, меѓу кои Виктор Орбан, Емануел Макрон, Ѓорѓа Мелони и Антонио Коста, а потоа најави средба со Виктор Орбан, објави Телеграф.

„Верувам дека ќе го видам Виктор Орбан во наредните денови во Белград, бидејќи ќе се бориме заедно.“

Вучиќ се осврна и на постапките на полицијата.

„Ако полицијата не сака да ги заштити, денес ситуацијата е нешто поповолна во овој поглед отколку вчера. Ќе се организираме, ќе можеме да ги заштитиме луѓето“, рече Вучиќ, додавајќи дека очекува СНС да се врати на власт за две години.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Илија Срдановиќ разговарал со претседателот на Европскиот совет: на Србија местото ѝ е во ЕУ

Претседателот на Европскиот совет, Антонио Коста, денеска разговараше со лидерот на листата Студентска листа - Студентите победуваат, Илија Срдановиќ, на кого му ја честиташе победата на листата на парламентарните избори во Србија.

Илија Срдановиќ разговарал со претседателот на Европскиот совет: на Србија местото ѝ е во ЕУ

„Приоритет сега е да се конституира парламент и да се формира нова влада без одложување, преку мирна транзиција и со целосно почитување на резултатите од изборите. Србија има место во Европската унија“, напиша Коста на мрежата X, наведувајќи дека имал добар разговор со Срдановиќ, додавајќи:

„Подготвени сме да го поддржиме нејзиниот европски пат, со јасен фокус на реформите што ги побара српскиот народ: владеење на правото, борба против корупцијата и слобода на медиумите.“

На парламентарните избори одржани во неделата во Србија, листата Студентска листа - Студентите победуваат освои 141 место со 53 проценти од гласовите, додека листата Александар Вучиќ - Обединета Србија беше втора со 38,8 проценти од гласовите, или 103 места.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер