Обама чека гласање на конгресот за Сирија, Камерон го поддржува, Оланд чека на САД

Американскиот претседател Барак Обама изјави дека ќе побара гласање во конгресот за воена акција во Сирија.

Во соопштението од  Белата куќа стои дека Обама одобрил употреба на воена сила со цел да се казни Сирија за нападот со хемиско оружје на 21 август, во кој според американски претставници загинале 1 429 лица. Тој рекол дека војската е спремна да изврши воени удари на Сирија.

Но. американскиот претседател ќе почека на гласање во конгресот за воената акција во Сирија.

Британскиот премиер Камерон по оваа изјава на Обама на Твитер напиша дека го разбира и го поддржува.

 Пред да ја соопшти одлуката дека ќе побара гласање од конгресот, Обама за тоа телефонски го известил францускиот претседател Оланд -соопштија високи француски извори, пренесе АП.

Намерата на Камерон да се придружи на евентуалната воена интервенција во Сирија беше осуетена од британскиот парламент кој гласаше против, а на францускиот претседател не му треба одобрување од парламентот да нареди воена акција - наведува АП. Оланд и Обама во телефонскиот разговор „ја потврдиле заедничката волја да дејствуваат и имаат апсолутно уверување дека режимот на Асад стои зад нападот со хемиско оружје“.

Поделени се реакциите во Конгресот по најавата на претседателот Обама за напад на Сирија. Дел од нив изразуваат поддршка и веднаш се враќаат во Вашингтон од колективниот годишен одмор на кој се до 9 септември, други веќе најавија дека ќе гласаат против барањето, јавува дописникот на МИА.

Откако спикерот на Сенатот Хери Рид од Демократската партија најави дека ќе го свика Сенатот откако ќе се врати порано од одмор, и претседавачот со Комисијата на Сенатот за надворешни прашања Боб Менендез порача дека за барањето на претседателот Обама ќе се разговара уште во вторник.

Републиканските сенатори Џон Мекејн и Линдзи Греем, кои се меѓу водечките сенатори во областа на надворешната политика и безбедноста, оценија дека не можат да го поддржат барањето на Обама за напад врз Сирија доколку со него не се направи обид за уривање на Асад.

Анализата на примероците што од Сирија ги земаа инспекторите на ОН за нападот со хемиско оружје, пак,  би можела да трае „до три недели“, соопштила Организацијата за забрана за хемиско оружје ( (ОИАЦ) во Хаг.
притисни ентер