Новороденче во Турција случајно било вакцинирано против корона, почнува истрага

Новороденче старо еден месец од Турција било погрешно вакцинирано против ковид-19, но тоа е добро, со што стана првиот познат случај на вакцинацинирано доенче во светот.

„Едномесечно бебе беше погрешно вакцинирано против „Ковид-19 “наместо против хепатитис во јули“, рече Зафер Куругол, педијатриски инфектолог на Егејскиот универзитет, кој го придружувал бебето, за АФП.

Куругол рекол дека здравствениот работник кој ја давал вакцината во околината на Измир, веднаш ја видел грешката и ги известил властите.

Детето веднаш било пренесено во Универзитетската болница, каде што било прегледано и му биле следени отчукувањата на срцето.

Лекарите го следеле една недела и не нашле негативни последици.

"Тој ја напушти болницата потполно здрав, како што дојде Дури и ги немаше несаканите ефекти што понекогаш ги имаат возрасните, како што е треска. Мајка му продолжи да го дои", вели Куругол.

Бебето, кое денес има 4 месеци, е здраво и лекарите редовно го прегледуваат.

Тестовите покажале дека тој развил антитела на Ковид-19, додаде инфектологот кој одбил да каже со која вакцина е вакцинирано детето.

Во моментов во Турција се користат две вакцини, BioNTech-Pfizer и CoronaVac.

На барање на Франс Прес, Светската здравствена организација (СЗО) соопшттила дека тестовите се уште траат, но дека „се потребни повеќе докази за краткорочните и долгорочните ефекти на инфекцијата САРС КоВ-2 кај децата и и ризиците од вакцинирање на млади луѓе “.

Pfizer објави оваа недела дека клиничките испитувања што ги спроведува во моментов вклучуваат и деца од шест месеци и постари.

Единствените податоци што ги објавил Pfizer досега се однесуваат на вакцинирање деца на возраст од 5 до 12 години против ковид.

Куругол рекол на телевизија дека „голем број“ доенчиња биле погрешно вакцинирани против ковид во здравствените установи и дека наскоро ќе биде објавена студијата за тие случаи.

Турското Министерство за здравство најавило административна истрага.

На Британец му извадиле бубрези, тешки рекордни 35 килограми: Можам да дишам (ВИДЕО)

Ворен Хигс, 54, од Виндзор, Велика Британија, страда од полицистична бубрежна болест.

Тоа е наследна болест која предизвикува раст на цисти во бубрезите и може да доведе до откажување на бубрезите. Зафаќа едно лице од 1.000 и нема лек.Хигс бил опериран пред неколку месеци, а хирурзите велат дека неговите бубрези биле рекордно големи.

Имено, тежеле вкупно 35 килограми, а хирурзите му ги отстраниле двата бубрега.Се верувало дека стариот рекорд изнесувал 7,4 килограми, а тој бубрег е изваден од пациент во Индија.

Хигс се вратил во релативно нормален живот три месеци по операцијата и вели дека се чувствува многу подобро.

„Можам да дишам, можам да јадам“, вели тој, но сепак се бори со рамнотежата.

Сепак, тој редовно оди во теретана и тренира и планира да истрча 10 милји дневно.

Во Романија нема места на ооделите за интензивна нега, пациентите лежат на душеци на подот

Рекорден број на нови смртни случаи од коронавирус денеска се регистрирани во Романија, а болничкиот систем достигнал точка што нема повеќе слободни кревети на одделите за интензивна нега.

Во последните 24 часа, пријавени се повеќе од 18.800 нови инфекции со „Ковид-19“, а 574 луѓе починале. Романија е втората земја во Европа со најниска стапка на вакцинација, пишува Ројтерс.

Видеата од болниците во Букурешт покажуваат пациенти како лежат на душеци на подот или држат резервоари за кислород на преполните клупи во ходниците. Мртовечниците работат со полн капацитет.

"Нема доволно простор за сите случаи. Ако стапката на вакцинација беше 70 до 80%, сега ќе имавме десет пати помалку смртни случаи", рече Клаудио Русу, доктор во единицата за интензивна нега.

Во Романија, само 36% од возрасната популација е целосно вакцинирана, а просекот на Европската унија е 74%. Досега во октомври, едно лице на секои пет минути починува во земјата од последиците од инфекција со ковид.

Условите за избор на Мис на Франција ги шокираа кандидатките, подготвија тужба

Француските активистки за правата на жените поднесоа тужба против организаторите на изборот Мис Франција за дискриминација, пренесува порталот Франс инфо.

Групата Osez le féminisme (Осмели се за феминизмот) со три одбиени кандидатки ја обвинија Мис Франција и Ендемол за дискриминација на работа. Тие тврдат дека е неприфатливо условот за избор да е висината над 170 сантиметри, кандидатките да не се во брак и да се „претставнички на убавината“.

„Според францускиот закон, забранет е секаков вид дискриминација врз основа на возраста, моралот, физичкиот изглед и семејниот статус“, изјавила за АФП Виолан Де Филипис-Абате, адвокат на групата „Осез ле феминисме“.

Но, прашање е дали француските натпреварувачки можат да се третираат како вработени. Имено, тие потпишуваат договор, но тоа не е договор за вработување. Француските медиуми пишуваат дека тужителите сега се повикуваат на судската одлука од 2013 година, кога поранешниот кандидат за г -дин Франција ги тужел организаторите од слични причини.

притисни ентер