Новиот скап проект на Френсис Форд Копола добива негативни критики - Канал 5

Шоу биз

Новиот скап проект на Френсис Форд Копола добива негативни критики

Филмот официјално е опишан како „римски еп и бајка сместена во замислена модерна Америка“ со алтенативна историја и сегашност.

Новиот скап проект на Френсис Форд Копола добива негативни критики

Самофинансираната научно-фантастична сага на Френсис Форд Копола, „Мегалополис“ имаше премиера на Канскиот филмски фестивал оваа недела, па избрана група новинари и критичари од повеќе краишта на светот имаа можност меѓу првите да го погледнат проектот којшто легендарниот режисер помина речиси половина век во изработка.

Филмот официјално е опишан како „римски еп и бајка сместена во замислена модерна Америка“ со алтенативна историја и сегашност. Во него глумат Адам Драјвер, Обри Плаза, Шаја Лабјуф, Џон Војт, Лоренс Фишбурн, како и внуката на Копола - Роми Марс, ќерка на режисерката Софија Копола. По прикажувањето, „Мегалополис“ доби 52 отсто позитивни критики на „Ротен томатос“ од врз основа на оценки од 42 критичари, што значи вкупна негативна оценка засега (за да добие позитивна оценка, повеќе од 60 отсто од критиките треба да бидат позитивни).

„'Мегалополис' е тврд, сериозен, претерано управуван со ефекти и целосно хаотичен“, напиша Естер Цукерман во својата рецензија за филмот за „Дејли Бист”.

Критичарот на „Гардијан“, Питер Бредшо, пак, го нарече филмот - „мега-надуен и мега-досаден“, а критичарката Џесика Кијанг го опиша на „X“ како „лудост толку голема, што се чувствувате како да го гледате вистинскиот пад на Рим“.

Режисерот верува дека филмот „не игра според сегашните холивудски правила“, како што тој изјави за „Ер мејл“.

- Ако го погледнете секој ваков негативен или мешан напис, тоа е секогаш нешто што доаѓа од непознат извор. Навистина чувствувам дека е неоправдано да се напаѓа филм затоа што тој не игра според сегашните холивудски правила, повикувајќи се на неименувани извори кои веројатно не биле на проекцијата или можеби не постојат. Тоа е бесмислена работа. Ќе си речете, зошто некој би сакал да не навива за ‘Мегалополис’? против режисер кој ги користи сопствените пари за да финансира амбициозен филм? Е па, има многу такви луѓе, изјави Копола.

Сепак, некои критичари го пофалија филмот. Меѓу нив се Дејвид Џенкинс од „Литл вајт Лајс“ и Дејмон Вајс од „Дедлајн“.

Режисерот на „Кум“ вложил 120 милиони долари свои парични средства во новиот филм.

Неколку дена пред премиерата на филмот, „Гардијан“ објави дека на снимањето на филмот, наводно според неколку членови на екипата, имало несоодветното однесување на Копола - жени кои седат во неговиот скут, статисти без соодветна горна облека итн. Како одговор на обвинувањата, Дарен Деметр - извршен копродуцент на филмот, рече дека „никогаш не слушнал за какви било поплаки за вознемирување или недолично однесување“ за време на проектот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нови американски напади врз Иран

Американската војска објави дека утрово започнала нов бран напади врз Иран.

Нови американски напади врз Иран

Нападите започнале во среда во 6 часот наутро по источно време.

„Целта на нападот е дополнително да се ослабат воените капацитети што иранските сили ги користат за напад врз трговски бродови во Ормускиот теснец“, објави Централната команда на САД на платформата „X“.

За потсетување, американската војска утрово објави дека започнала нов бран напади врз Иран. Централната команда на САД (CENTCOM) објави дека нападите биле насочени кон десетици воени цели во близина на Ормускиот теснец и иранските крајбрежни области, објаснувајќи дека целта е дополнително да се ослабат воените капацитети што Иран ги користи за напад врз трговски бродови.

Иранската државна новинска агенција Фарс, повикувајќи се на војската, објави дека 13 американски ракети погодиле касарна на копнените сили во градот Бампур во јужен Иран во текот на ноќта. Според извештајот, седум ирански воени лица биле убиени, а неколку други биле повредени. Иранската војска соопшти дека ќе одговори „решително“ на нападот.

Портпаролот на иранската влада изјави дека повеќе од 30 лица се убиени во американските напади во текот на изминатите неколку дена. Американската војска го напаѓа Иран четири ноќи по ред и шест од последните осум ноќи.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Две кумановки измамиле 19 лица и во нивно име земале брзи кредити, поднесена кривична пријава

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава .

Две кумановки измамиле 19 лица и во нивно име земале брзи кредити, поднесена кривична пријава

Полициски службеници од СВР Куманово денеска (15.07.2026) ги лишија од слобода А.С.Д. (22) и М.В. (34), двете од Куманово, и против нив СВР Куманово поднесе кривична пријава и тоа, против А.С.Д. поради постоење основи на сомнение за сторени две кривични дела „измама“ по чл.247 ст.4 од КЗ и „злоупотреба на лични податоци“ по чл. 149 ст.1 од КЗ и против М.В. поради постоење основи на сомнение за сторено кривично дело „помагање“ по чл.24 од КЗ.

Првопријавената А.С.Д., со директна умисла и однапред создаден план, со намера за себе и за второпријавената М.В. да прибави противправна имотна корист, во период од јануари до јули 2026 година во вкупно 19 наврати, со лажно прикажување и свесно прикривање на вистинските факти, довела и одржувала во заблуда 19 лица, така што без нивна согласност и овластувања, злоупотребувајќи и користејќи ги нивните лични податоци, во нивно име аплицирала за брзи потрошувачки кредити, а по одобрувањето и исплатата на парите, тие биле противправно присвојувани од страна на А.С.Д. и М.В.. Второпријавената М.В., постапувајќи по претходен договор, и помогнала на А.С.Д. во извршувањето на кривичното дело преку преземање на дејствија што овозможиле реализација на измамата. При тоа, се стекнале со противправна имотна корист од 10.820.000 денари, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистено убиството на лекарот Трповски, уапсени сопружници од Скопје, соопшти Обвинителството

По повеќе од две години истрага, Основното јавно обвинителство Скопје и Министерството за внатрешни работи го расчистија убиството на Ацо Трповски, извршено во март 2024 година.

Расчистено убиството на лекарот Трповски, уапсени сопружници од Скопје, соопшти Обвинителството

Уапсени се сопружници од Скопје, при што 65-годишен маж е осомничен за убиство, а неговата 59-годишна сопруга за помагање при извршување на кривичното дело.

Според обвинителството, злосторството се случило на 21 март 2024 година на паркинг во населбата Автокоманда. Осомничената претходно договорила средба со трповски и влегла во неговиот автомобил. Набргу потоа пристигнал нејзиниот сопруг, кој, според сомнежите, по кратка расправија го нападнал трповски со нож, нанесувајќи му девет убодни рани во градите и телото, од кои починал. Автомобилот заедно со телото потоа го одвезле на паркингот кај поликлиниката железара. Обвинителството и за двајцата сопружници бара притвор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер