Нов случај на врсничко насилство: Повеќе девојчиња малтретираат друго девојче, присутните само снимаат - Канал 5

Македонија

Нов случај на врсничко насилство: Повеќе девојчиња малтретираат друго девојче, присутните само снимаат

Нов случај на врсничко насилство ја вознемири јавноста. 

Нов случај на врсничко насилство: Повеќе девојчиња малтретираат друго девојче, присутните само снимаат

На видеото кое кружи по социјалните мрежи, може да се забележи како група од околу 20тина малолетни деца, не само што се неми набљудувачи, туку воедно снимаат и охрабруваат две насилнички да се изживуваат врз своја врсничка.

„Ќутете да слушнеме како пука“ – „уште еднаш“ - „со бокс“ – се слуша меѓу насобраната група малолетници додека едно од девјчињата го држи за коса, а другото му удира шлаканици на беспомошното девојче. На снимката се гледа и дека девојчето жртва е приморано да клечи на колена и јавно да се извинува за навреди кои наводно ги кажала за една од насилничките.

За социјалозите последниот настан, кој според објавите се случил во скопски Аеродром, е само уште една потврда за недостатокот на емпатија и чувството кај дел од младите да се поттикнува, наместо да се превенира насилство. Универзитетската професорка Татјана Стојаноска Иванова за Канал 5 вели не треба само декларативно да зборуваме туку и во пракса како држава да делуваме. Според неа потребна е целосна ресоцијализација не само на жртвите, туку и на насилниците.

„Мора да се работи и родителите да бидат по надзор. Она што е прво тука се центрите за социјални грижи и сите оние кои се задолжени за тој апекст да се работи на ресоцијализација, да се работи на проблемот, на вредноста на иградба. Изградба на центри каде што ќе може да се самите насилници да се одведат за да може да се работи на нивна ресоцијализација. Една е казната од апсект парична казна но на крајот ние имаме можност и за одземање на родителско право.“-Татјана Стојаноска Иванова – социолог

Од МВР за Канал 5 велат дека засега по случајот кај нив нема пријава, но се превземаат мерки по допрен глас.

„ СВР Скопје презема мерки по допрен глас за утврдување на идентитетот на лицата и за целосно расчистување на случајот. Се повикуваат сите осомничени во врска со предметниот настан, а веќе е извршен разговор со жртвата во присуство на родител и известен е јавен обвинител“

Инаку според податоците на МВР претходната учебна година евидентирани се 93 пријави на насилства во 64 училишта. Надлежните пред половина месец започнаа обуки за училишните психолози, педагози и социјални работници во основното образование, со цел да се препознаат децата кои се жртви на насилство за правовремено да им се помогне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кратко и интензивно невреме во Скопје – предизвикана материјална штета

Кратко, но многу интезивно невреме го зафати Скопје попладнево.

Кратко и интензивно невреме во Скопје – предизвикана материјална штета

За само 10 минути направи вистински хаос, а предизвика и материјална штета. Одиме со слика во Карпош, таму е Михајло Видимлиски.. Михајло како е на терен?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Се враќа Смарт во веќе препознатливата форма, премиерата е закажана наесен во Париз

Електричниот мал Смарт #2 моментално е во процес на обемна глобална програма за тестирање пред неговата светска премиера на Саемот за автомобили во Париз во октомври 2026 година. 

Се враќа Смарт во веќе препознатливата форма, премиерата е закажана наесен во Париз

Возилото е тестирано на пат во црно-бела камуфлажа, а тестовите вклучуваат агилност, стабилност, безбедност и нивоа на бучава и вибрации во кабината.

Тешки услови на патот

Инженерите го подложија возилото на тешки урбани сценарија, од ненадејни пречки и итни промени на лентите до лизгави влажни патишта. Суспензијата, управувањето и цврстината на шасијата постојано се подобруваат, така што автомобилот останува послушен и агилен во секојдневното градско возење.

Посебно внимание се посветува на тишината во кабината. Тестовите се спроведени во аеродинамичен тунел, акустична комора и на јавни патишта, со цел да се намали бучавата од ветерот, погонскиот склоп и површината. Различни видови гуми беа тестирани и со цел да се пронајде оптималниот сооднос помеѓу опсегот и нивото на бучава.

Дизајн и безбедност

Смарт #2 наследува препознатлив дизајн со тркала лоцирани на самите рабови на каросеријата, што обезбедува исклучителна агилност во тесни урбани простори. Новата генерација на познатата безбедносна ќелија tridion одржува компактни димензии со високо ниво на заштита на патниците.

Официјалната светска премиера на моделот smart #2 се очекува на Саемот за автомобили во Париз во октомври 2026 година.

Тагови: Смарт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Демократски Сојуз: Дополнителни мерки и одговорност, без политички влијанија

Демократскиот сојуз смета дека е од исклучителна важност за надминување на состојбите со загадениот водовод во Гостивар со прогласување на кризна состојба во Гостивар.

Демократски Сојуз: Дополнителни мерки и одговорност, без политички влијанија

Очекуваме координирани и ефектни мерки за заштита на здравјето на граѓаните и нормализирање на водоснабдувањето, како и дополнителни мерки за спречување на ширење на инфекцијата преку консумирање на храна во рестораните и други објекти кои произведуваат леб, пијалаци и друго.

Демократски сојуз смета дека треба да се направат и други превентивни мерки, меѓу кои и лабораториски анализи на:

1. Водата што се користи за наводнување,

2. Земјоделските производи, посебно зеленчукот (марула, зелка, пиперки, патлиџани и др), и

3. Почвата.

Врз основа на резултатите да се донесат и соодветни одлуки и насоки за постапување.

Инаку, оваа епидемиолошка состојба и прекинот на снабдувањето со вода на граѓаните во Гостивар е резултат на партизацијата, политичкото мешање при носење на стручни работи, јавашлукот и неодговорноста на неспособните партиски кадри.

Во услови на прогласена кризна состојба, неопходно е брзо дејствување од сите локални и државни институции.

Одговорност мора да има за сите што придонеле за оваа скандалозна состојба, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер