Заради пожарот биле мобилизирани голем број пожарникари за да ги заштитат куќите пред пожарот да го промени правецот и се рашири кон шумата, јавува грчката агенција „АНА“.
„Ангажирани се многу луѓе, мислам дека ситуацијата е под контрола“, вели грчкиот министер за внатрешни работи Такис Теодорикакос кој го посети опожареното место.
Пожарот избил околу два часа по полноќ во близина на летувалиштето Неа Макри во областа околу Атина каде во последните десет дена се случија седум пожари.
Околу 138 пожарникари, 44 возија, пет хеликоптери и четири авиони учествувале во гаснењето на овој пожар, кој најпрвин се доближувал кон куќите но го променил правецот и почнал да се шири кон шумата.
Властите се сомневаат дека пожарот е подметнат затоа што друг пожар избил неколку минути подоцна во Агиа Марини недалеку од првиот.
Грција во последните месеци ја зафатија низа пожари предизвикани од топлото и суво време и силните ветрови.