Неверојатна глетка: Снимено е најреткото морско животно (ВИДЕО)

Само неколку луѓе досега имале можност да го видат октоподот Тремоктопус, наречен уште и „октопод со покривка“, едно од најретките морски животни.

Но, морскиот биолог Џасинта Шеклтон успеала минатата недела да го сними крај брегот на островот Лејди Елиот во близина на Големиот корален гребен.

"Кога го видов, помислив дека можеби е риба со долги перки. Но, кога се приближив, сфатив дека се работи за женски октопод Тремоктопус и бев обземена од радост и возбуда", рекла биологот за Гардијан. „Бев толку возбудена што ми беше тешко да го задржам здивот за да нурнам и да го снимам“, признава таа.

Овие животни се исклучително ретки. Др. Џулијан Фин, експерт за морски безрбетници во Музејот Викторија, и неговите колеги првпат виделе жив мажјак пред 21 година северно од Големиот корален гребен.

Фин потоа напишал во Journal of Marine and Freshwater Research дека најекстремниот пример за разликата во големината помеѓу мажјаците и женките може да се види кај ова животно. Додека женките растат до 2 метри, мажјаците растат само до околу 2,5 см.

Мажјаците дури и не развиваат „прекривка“ поради што овој вид понекогаш се нарекува „октопод со прекривка“ и што го прави толку необичен. Женките кои ја развиваат ова „прекривка“ може да ја отфрлат кога ќе почувствуваат дека се во опасност.

Биологот Шеклтон смета дека само три такви октоподи биле видени во областа пред овој. Тие обично го поминуваат својот животен циклус на отворен океан, па затоа е уште понеобично да се видат толку блиску до гребенот.

Косовски автобус слета од автопат во Бугарија, најмалку 29 повредени (ВИДЕО)

Во сообраќајна несреќа во Бугарија повредени се 29 патници од Косово, од кои шест деца, кога автобусот се судрил со камион во градот Ќустендил и слетал од патот.

Според приштинските медиуми, несреќата се случила околу 4.30 часот, кога патнички автобус од Косово удрил во запрен камион кој превезувал дрва.

Возачот на камионот наводно се обидел да им укаже на другите во сообраќајот дека паднало дрво на коловозот. Автобусот удрил во камионот и излетал од патот.

Возачот на автобусот се здобил со полесни повреди и бил пренесен во локалната болница. Увид на лице место извршила полиција, а поради сообраќајната незгода е поведена постапка и за истата е известен обвинител.

Петков ја предаде апликацијата ,,dDnevnik" на Ковачевски за превенција и лекување дијабет

Бугарскиот премиер Кирил Петков на претседателот на Владата ,Димитар Ковачевски му ја предаде апликацијата „dDnevnik" која ќе им го олесни животот на болните од дијабетес во нашата земја.

Софтверското решение „dDnevnik" го изготвија врвните таленти на компанијата „Скеил Фокус", која како најголема странска инвестиција од Бугарија во ИТ секторот работи во нашата земја од 2019 година.

Станува збор за Проект подржан од Министерството за надворешни работи на Бугарија, преку оперативната Програма за развој, во кој компанијата „Скеил Фокус" е партнер заедно со Фондацијата Метаморфозис од Скопје, која има за мисија да ги доближи дигиталните технологии до сите граѓани.

Идејата за развој на ваков вид апликација е поддржана и прифатена и од Министерството за здравство на Република Северна Македонија.

Тимот на Скеил Фокус за време на реализацијата на Проектот ја развиваше апликацијата „dDnevnik", консултирајќи се со лекари, ендокринолози и секако со здруженијата на пациентите со дијабетес.

Корисниците на оваа апликација ќе имаат можност бесплатно да ја користат на македонски и албански јазик и ќе биде достапна за корисниците од февруари годинава. За неколку месеци, оваа апликација ќе стане активна и на бугарски јазик во Република Бугарија, за тамошните пациенти. Оваа мобилна апликација е достапна на двете платформи за IOS и за Android.

Претседателот на Бордот на директори на Скеил Фокус, Пламен Цеков пред присутните порача дека преку апликацијата „dDnevnik" дијабетичарите успешно ќе можат да се справат со предизвиците што ги носи дијабетесот и ќе им помогне во превенцијата и за поефикасно лекување.

„„dDnevnik" овозможува пациентите да ги запишуваат измерените вредности за нивото на шеќер во крвта на нивните мобилни телефони, наместо на хартија. Добиените анализи за одреден временски период, апликацијата овозможува да бидат споделени со лекарите или други блиски членови од семејството, преку однапред дефинирани правила од страна на корисникот", истакна Цеков.

Генералната менаџерка на „Скеил Фокус" за Македонија, Софче Јовановска порача дека голема е професионалната сатисфакција на целиот тим на компанијата од креирањето на ваков тип на апликација, која ќе им го олесни животот на болните од дијабетес, а на лекарите ќе им овозможи полесен пристап до аналитички податоци за здравјето на пациентите.

Ова е само еден од над 500 светски проекти, кои „Скеил Фокус" ги има испорачано за повеќе од 300 клиенти низ светот, во Америка, Европа и Азија. Токму годинава, „Скеил Фокус" слави 10 годишен јубилеј, 10 години забрзан раст и развој, препознаен и од реномираните Форбс и Фајненшл Тајмс кои што изминативе години ја вброија компанијата и во најбрзо растечките компании во Европа, се наведува во соопштението од Владата.

Во Скопје компанијата започна да работи со 10 вработени, а денеска бројката надминува 130 луѓе. Бизнис планот на „Скеил Фокус" е да ги мотивира и задржи младите ИТ кадри да останат во земјата.

Средба на претседателот Пендаровски со бугарскиот премиер Петков

Претседателот Стево Пендаровски го прими претседателот на Владата на Бугарија, Кирил Петков, кој престојува во официјална посета на Македонија, се наведува во соопштението на кабинетот на претседателот. 

На средбата се разговараше за можностите за унапредување на билатералната соработка во повеќе сфери од заеднички интерес, со оглед на тоа дека Македонија и Бугарија се блиски соседи и сојузници во НАТО. Во таа насока претседателот изрази поддршка за започнатиот дијалог меѓу двете влади, изнесените конкретни предлози, како и намерите за интензивирање на разговорите во наредниот период со цел постигнување мерливи резултати во интерес на граѓаните.

Во однос на отворените прашања меѓу двете земји, претседателот посочи дека е потребно враќање на довербата меѓу двете влади, што ќе придонесе за засилување на добрососедските односи и политичкиот дијалог за почувствителните прашања. Надминувањето на меѓусебните недоразбирања е важно за напречено одвивање на македонските евроинтеграциски процеси, како и за неутрализирање на растечкиот евроскептицизам и негативните тенденции во регионот.

Претседателот Пендаровски истакна дека Македонија во духот на добрососедството и почитување на принципот на еднаквост меѓу двете страни, има силна политичка волја да го продолжи дијалогот, со цел изнаоѓање на компромисно решение за отворените прашања.

Тој додаде дека отпочнувањето на пристапните преговори на Македонија со Европската Унија ќе претставува придобивка за просперитетот и стабилноста на целиот регион. Тоа дополнително ќе влијае на унапредување на соработката во економијата, трговската размена, инфраструктурното поврзување како и соработката во областите на образованието, здравството и културата.

притисни ентер