НАСА има нов, амбициозен план за откривање жив свет на далечните планети - Канал 5

Технологија

НАСА има нов, амбициозен план за откривање жив свет на далечните планети

Институтот на американската вселенска агенција НАСА, Институт за напредни концепти (NIAC), е познат по својата поддршка на необични идеи во областа на астрономијата и вселенското истражување.

НАСА има нов, амбициозен план за откривање жив свет на далечните планети

Од нејзиното повторно воспоставување во 2011 година, поддржа голем број проекти како дел од програмата.

Но, досега само три проекти добиле средства за третата фаза. И еден од нив штотуку објави извештај во кој се опишува создавањето на телескоп кој ефикасно би можел да види биопотписи на блиските егзопланети. За тоа би користеле чудна процедура – ​​гравитационата леќа на Сонцето.

Третата фаза од проектот е финансирана со 2 милиони американски долари. Физичарот Слава Туришев, главниот водач на првите две фази од проектот, се здружил со The Aerospace Corporation за да го напише извештајот. Извештајот на Centauri Dreams детално го опишува концептот на мисијата и дефинира кои технологиите што веќе постојат и кои допрва треба да се развиваат.

Наместо да лансира големо вселенско летало на кое би требало долго време да стигне до далечни региони на вселената, предложената мисија би лансирала неколку мали сателити кои сами ќе се соберат во едно компактно тело за време на 25-годишното патување до точката на Сончевата гравитациска (SGL).

SGL е всушност права линија помеѓу некоја ѕвезда околу која орбитира егзопланетата и некаде помеѓу 550 и 1000 астрономски единици (AU) од Сонцето. Ова е огромно растојание, многу поголемо од 156 AU за кои што на Војаџер 1 му требаа 44 години да ги помине, пишува Universe Today.

Астрономска единица е единица за должина што се користи во астрономијата. Тоа е приближно еднакво на просечното растојание на Земјата од Сонцето (околу 150 милиони километри).

Се поставува прашањето, како вселенското летало би можело да достигне три пати поголемо растојание, за речиси половина од времето? Едноставно - речиси ќе се нурне во Сонцето. Користењето на гравитацијата на сонцето е веќе докажан метод. Најбрзото вселенско летало досега, Соларната сонда Паркер, го користела токму овој метод.

Сепак, таквите брзини не се лесни за постигнување, особено ако имаме работа со повеќе предмети, а не само со еден. Првиот проблем е од техничка природа. Сончевите едра, главниот погон на оваа мисија, не функционираат толку добро кога се изложени на интензитетот на Сонцето што би било потребно за гравитациско движење.

Дополнително, електрониката во системот би требало да биде многу поотпорна на радијација од моментално постоечката технологија. Сепак, и двата од овие проблеми имаат потенцијални решенија на кои научниците моментално работат.

Друга тешкотија би била координирањето на минувањето на повеќе сателити низ овој тип на макотрпен гравитациски маневар, а истовремено да може координативно да се здружат за да формираат функционален телескоп.

Но, експертите кои работат на проектот веруваат дека сателитите ќе имаат повеќе од доволно време да се спојат во кохезивна целина за време на 25-годишното патување. По спојувањето, ќе ја имаме технологијата за да ги добиеме најдобрите снимки од егзопланетите.

Сè уште се дебатира која егзопланета би била најдобриот кандидат за лансирање на мисијата, бидејќи досега се најдени повеќе од 50 во населливите зони на нивните ѕвезди.

Засега е финансирана само изработката на третата фаза од проектот, а прашање е дали самата мисија ќе ги добие сите потребни средства. Но, многу проекти започнуваат токму на овој начин, со детално планирање, при што оваа мисија има поголем потенцијал од повеќето. Можеби во одреден момент во следните неколку децении ќе добиеме неверојатно јасна слика за потенцијално населлива егзопланета.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање на Кони Ајленд,осум ранети, едно лице во критична состојба

Осум лица се ранети во пукање на Кони Ајленд во Бруклин, а едно од нив е во критична состојба, соопшти денеска полицијата.

Пукање на Кони Ајленд,осум ранети, едно лице во критична состојба

Пукањето се случи синоќа околу 22:30 часот, објави ABC7NY. По пристигнувањето на местото на настанот, полициските службеници пронашле пет лица со прострелни рани, кои потоа биле пренесени во локалните болници.

Според полицијата, се очекува четворицата повредени да закрепнат.

Досега не се извршени апсења, а истрагата за околностите на пукањето е во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Конески: Студентите од август активно се вклучуваат во работата на општините, се прави се за младите да останат во Македонија

Владата предводена од ВМРО-ДПМНЕ го става младиот човек во центарот на своите политики и создава услови младите да ја гледаат својата иднина дома, во своите општини.

Конески: Студентите од август активно се вклучуваат во работата на општините, се прави се за младите да останат во Македонија

Наш приоритет е развојот на локалната самоуправа. Силни општини значат подобри услуги, побрз развој и повеќе можности за секој граѓанин затоа што локалниот развој не може да биде успешен без вклучување на младите, нивното знаење, идеи и енергија.

Токму затоа Министерството за локална самоуправа и Агенцијата за иновации, научно-технолошки развој и претприемништво -ИНОВА воспоставуваат стратешка соработка која ќе донесе нов пристап во развојот на општините преку активното учество на младите.

Ова партнерство ќе овозможи јакнење на капацитетите на општините, поголемо вклучување на младите во локалните процеси и примената на современите решенија кои ќе придонесат за поквалитетни услуги за граѓаните.

Програмата „Месеци на практикантство“, ќе се реализира во текот на август и септември во соработка со државните универзитети. Преку оваа програма, студентите ќе добијат можност своето академско знаење да го применат во пракса, работејќи директно во општините.

Агенцијата ќе го координира вклучувањето на студентите, додека Министерството за локална самоуправа, преку Ресурсниот центар за поддршка на општините и воспоставениот меморандум за соработка со државните универзитети, ќе ја организира и координира практична работа согласно реалните потреби на општинските администрации.

Ова не е само можност за стекнување работно искуство. Ова е можност младите директно да учествуваат во подобрувањето на функционирањето на општините. Нивните идеи, современи знаења и нови пристапи ќе помогнат во унапредување на административните процеси и услугите кои секојдневно ги користат граѓаните.

Наместо проекти кои остануваат само на хартија, локалните предизвици ќе бидат основа за конкретни повици, а ИНОВА преку своите грант-програми ќе обезбедува финансиска поддршка за стартап компаниите, иновативни бизниси и претприемачите кои ќе понудат практични и применливи решенија.

Сите програми, јавни повици и можности што ги нуди државата ќе бидат многу подостапни за граѓаните, за младите, за претприемачите и компаниите во сите региони, а не само во главниот град во земјата.

Со ова се создава врска меѓу локалната самоуправа, академската заедница, иновативниот сектор и приватниот бизнис.

Почитувани,

Ова е разликата помеѓу политиката што останува само на ветувања и политиката што носи резултати. Владата предводена од ВМРО-ДПМНЕ покажува дека младите се вистински партнери во градењето на иднината на Македонија.

Продолжуваме со политики кои ќе ги поврзуваат институциите, ќе ги отвораат можностите за младите и ќе создаваат модерни, развиени и функционални општини. Нашиот пристап е конкретна работа, реални проекти и видливи резултати за секој граѓанин.

Тодор Конески, претседател на УМС на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Костадинова: Центарци не смеат да бидат банкомат на Герасимовски и СДС

Продолжува легализираниот рекет на Центарци, спроведуван од Герасимовски и СДС.

Костадинова: Центарци не смеат да бидат банкомат на Герасимовски и СДС

Некомпетентните општински советници, избрани лично од Зоран Заев, цел месец бегаат од дебата и ја одложуваат иницијативата на ВМРО-ДПМНЕ и коалцијата за враќање на старите цени за паркинг маркици, за жителите на Општина Центар.

Герасимовски и СДС, очигледно се решени да удрат по џебот на центарци, само за да ги трошат нивните пари на тендери за фирми блиски до Венко Филипче.

Целта е јасна, Герасимовски очигледно сака да му се раздолжи на Филпче за партиските унапредувања и позиции, а притоа да ја вовлече Општина Центар во заедничка пропаст, заедно со нив.

Во меѓувреме, новите поскапувања на паркингот за жителите на Центар остануваат непроменети. Правилникот на ПОЦ кој вели дека, веќе не е важно колку автомобили поседува една личност, туку колку автомобили се регистрирани на иста адреса, е во полн ефект.

А центарци полека но сигурно, стануваме туѓинци во своите маала, за да не можеме да паркираме пред сопствените домови.

Почитувани,

СДС и Герасимовски мора да одговорат, зошто ја блокираат иницијативата на ВМРО-ДПМНЕ и коалцијата за подостапен паркинг на жителите на Општина Центар?

Герасимовски да каже, дали тој лично ќе оди од куќа до куќа, за да решава, за чие возило паркингот ќе е бесплатен, а кој ќе мора да остане без автомобил, поради изнудата која ја спроведува?!

Ги повикуваме советниците на Зоран Заев и Венко Филипче, веднаш да ја стават на дневен ред иницијативата за промени во ценовникот на ПОЦ, бидејќи центарци не смеаат да плаќаат фиктивни ќирии за тротоарот и сокаците пред сопствените домови.

Ви благодарам.

Катерина Костадинова, советник во Општина Центар од редовите на ВМРО-ДПМНЕ и коалицијата

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер