Надал наскоро се враќа на терените со порака сите да се вакцинираат - Канал 5

Тенис

Надал наскоро се враќа на терените со порака сите да се вакцинираат

Рафаел Надал се враќа на тениските терени од каде отсуствува извесно време.

Надал наскоро се враќа на терените со порака сите да се вакцинираат

Да потсетиме, по поразот во полуфиналето на Ролан Гарос од Новак Ѓоковиќ, леворакиот шпански тенисер одигра само уште еден турнир во Вашингтон, а по два меча таму беше опериран на стапалото, а оттогаш паузира.

Денеска Надал е шестиот тенисер во светот, а своето враќање во самиот врв на светскиот тенис ќе се обиде да го направи на 36 години. Кога зборувал за планот за враќање, тој го споменал турнирот во Абу Даби следниот месец, а потоа и подготовките за Австралија опен за каде што се надева дека ќе биде целосно подготвен.

Сеуште се чека конечната одлука за невакцинираните настапи на првиот Грен слем турнир во сезоната. Даниел Ендрјус, премиерот на австралиската држава Викторија, чиј главен град Мелбурн е домаќин на турнирот, кон крајот на минатиот месец рече дека тенисерите кои сакаат да настапат таму мора да добијат двојна доза вакцина против коронавирус.

Од друга страна, протече мејл испратен од ВТА до тенисерите, во кој се тврди дека на турнирот ќе учествуваат и невакцинирани играчи, но дека по пристигнувањето во Австралија ќе мора да бидат во изолација две недели. Оние кои примиле две дози од вакцината ќе можат нормално да тренираат и да се подготвуваат за натпревари.

Свое мислење за вакцината даде и Надал.

„Разбирам дека има луѓе кои не сакаат да се вакцинираат, но ми изгледа малку себично. Многу страдавме. Не знаеме дали вакцината има 100 процентен ефект, но мора да им веруваме на лекарите. Знаеме што прави вирусот ако не сме вакцинирани. Денеска сме држава која е најмалку погодена од вирусот, а мислам дека тоа е затоа што голем дел од популацијата е вакцинирана“, рече Надал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска пливачка собори два светски рекорда во ист ден

Американската пливачка Кејт Даглас собори два светски рекорда во ист ден на Првенството во пливање „Пан Пацифик“ во Ирвин, Калифорнија.

Американска пливачка собори два светски рекорда во ист ден

Во финалето на трката на 50 метри слободен стил, Даглас дополнително го подобри рекордот што го постави само неколку часа претходно во квалификациите.

Во финалето, Даглас ја заврши трката за 23,19 секунди, надминувајќи го сопствениот резултат од 23,49 секунди од утринските квалификации за дури 30 стотинки.

Со тоа, таа повторно го презеде светскиот рекорд во оваа дисциплина од својата сонародничка Гречен Волш.

Волш претходниот светски рекорд од 23,55 секунди го постави на 28 јуни на митингот „Сет Коли Трофи“ во Рим, но Даглас двапати го собори светскиот рекорд во текот на истиот ден.

Американката претходно учествуваше во соборувањето на светскиот рекорд во штафетата 4x100 метри мешано на првата вечер од натпреварувањето, заедно со Гречен Волш, Ван Матијас и Вил Модглин. Даглас е освојувач на пет олимписки медали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Поплави во Шпанија, загинаа две жени, седум региони се под предупредување.

Две постари жени загинаа, а две бебиња се повредени во поплави и одрони предизвикани од обилни врнежи во рурална област во северозападна Шпанија.

Видео: Поплави во Шпанија, загинаа две жени, седум региони се под предупредување.

Локалните власти ја потврдија информацијата.

Поради најавените невремиња и обилни врнежи, во недела е на сила жолто предупредување за временските услови во седум региони, пренесува Ројтерс.

Службите за итни интервенции во автономната заедница Кастиља и Леон соопштија дека загинатите жени имале приближно 60 и 80 години. Несреќата се случила доцна во саботата вечерта во селото Манзанедо де Валдуеза, недалеку од Понтеведра. Надлежните исто така објавија дека две доенчиња се здобиле со нагмечувања и им била укажана лекарска помош.

Шпанската агенција за цивилна заштита издаде предупредувања за невреме и обилни врнежи од дожд за недела, кои опфаќаат седум региони во централните и северните делови на земјата.

Овие поплави доаѓаат по повеќенеделен период на рекордно високи температури, за време на кој земјата беше погодена и од серија големи шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Подигнати авиони на НАТО – добиена дозвола за напад

Романското Министерство за одбрана денеска соопшти дека рано утринава во неделата, авион на НАТО соборил беспилотно летало што нелегално навлегло во романскиот воздушен простор.

Подигнати авиони на НАТО – добиена дозвола за напад

Беспилотното летало било уништено од пилотите на авионите Ф-18 на шпанското воено воздухопловство, распоредени во Романија, пренесува порталот Digi24.ro.

„Во текот на ноќта меѓу 15 и 16 август, во 4:44 часот наутро, системите за надзор на воздушниот простор на романското Министерство за одбрана регистрираа навлегување на воздушна цел во националниот воздушен простор од правец на Република Молдавија, на околу 24 километри северно од Галац“, се наведува во соопштението на романското Министерство за одбрана.

Авион Ф-18 на шпанското воено воздухопловство, кој извршуваше борбена задача во рамките на мисијата за воздушно патролирање од воздухопловната база „Михаил Когалничану“, успешно го собори дронот, а како можна локација за падот на неговите остатоци е идентификувана ненаселена област меѓу местата Балени и Кудалби, во округот Галац. Според соопштението, воздушната тревога за округот Галац заврши во 5:20 часот наутро.

Тагови: авиони дрон НАТО Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер