Во врска со изјавата на Претседателот на Синдикатот на работниците од управата, правосудните органи и здруженијата на граѓани - УПОЗ, за наводно вршење на притисок врз вработени во центрите за социјална работа, како и закани дека ќе бидат избркани од работа доколку излезат на протест ве известуваме дека од страна на Кабинетот на министерот и министерот Фатмир Лимани лично, такво нешто не се случило. Самиот чин е недозволив и не смее да се случи, реагираат денеска од Министерството за социјална политика, демографија и млади.

Правото на протест, додаваат оттаму, е едно од основните права на човекот и е загарантирано со многу меѓународни документи, како и во националните устави на бројни држави.

-Во Македонија правото на протест е уставно загарантирано право што подразбира дека граѓаните имаат право мирно да се соберат и да организираат протести, митинзи и демонстрации, се вели во реакцијата.

Министерството, нагласуваат, веќе излегло со соопштение во кое го осудува немилиот настан во Центарот за социјални работи во Прилеп и истовремено информирало дека постапката за физичко обезбедување на сите центри за социјални работи и јавни установи за социјална заштита е во завршна фаза и наскоро ќе се реализира.

Само на вработените од центрите за социјална работа во Скопје им било забрането да излезат и преку мирен собир да и дадат поддршка на поврдената колешка

Во меѓувреме, Mинистерството за социјална политика, демографија и млади го осуди настанот во Прилеп. Оттаму посочуваат дека пред воопшто да се случи ТОЈ настан, Министерството ја започнало постапката за физичко обезбедување на сите центри и јавни установи за социјална заштита во државата, имајќи ја предвид сензитивноста на работните задачи на социјалните работници кои се изложени на ризици по здравјето и животот.

-Оваа постапка е во завршна фаза, што значи дека наскоро ќе биде објавен и јавниот оглас за јавна набавка, велат од министерството. - МСПДМ

Немилиот настан се случи пред два дена кога 50 маж кој пред неколку дена избегал од психијатриската болница во Демир Хисар, пукал во 36 годишната социјална работничка. Директорот на Центарот за социјални работи Припел, Зоран Малкоски за немилиот настан го обвинува директорот на психијатриската болница од каде избегал насилникот. Смета дека ако биле известени дека сторителот е на слобода, ќе преземеле поолеми мерки за заштита на вработената.

Директорот на психијатриската болница, не одговори зошто Центарот за социјални работи во Прилеп каде и претходно правел проблеми, не бил известен за бегството.

Според пресметките минималната плата која работниците ќе ја добијат во месец април се зголемува за 1 812 денари и ќе изнесува 24 379 денари. Деаноски вели за прв пат од неговото воведување во 2012 година, за минималецот се одлучи без работниците. Најави дека како синдикат в петок ќе одлучуваат за следните чекори, кога според најавите, треба да се одржи и седница на Комисијата која треба да утврди репрезнатитивност на синдикатот.

„Се доенсе без ЕСС да се разговара таа минимална плата, без да се одлучат и работотдавачите и работниците и Владата. Прв пат се случува ова но имајќи предвид во каква држава живееме нема да биде ни последен пат..... Во петок е закажана и седница на претседателстовто на ССМ на која ќе се одлучува за следните чекори, дека сме задоволни од ова не сме задоволни. “-Трпе Деановски – УПОЗ

Со оглед на тоа што веќе течат роковите да поднесување на пресемтките за плата, владата вчера на седница донесе одлука за утврдување на минималната плата која ќе бележи зголемување од 2 685 денари брути или 1 812 денари нето износ. А заменик министерот за економија Марјан Ристески, денеска рече законот мора да се почитува, одлуката е донесена бидејќи ниту еден синдикат во моментов нема репрезентативност. И повтори дека се остава простор, доколку се постигне договор меѓу синдикатите и работодавачите за повисок минималец Владата ќе го почитува.

„Ние како влада имаме обврска да го почитуваме законот за минимална плата кој што трбеа да почне да се спрвоедува од следниот месец, има доволно време институциите да може да ја пресметаат, покачуувањето да го пресметаат на минималната која законски изнесува 2 200 денари.“- Марјан Ристески – заменик министер за економија

Минималецот се утврдува еднаш во годината во месец март, според законот се пресметува во висина од 50 % од просечната исплата плата и 50 % од порастот на трошоците за живот, од минатата година. Барањето на ССМ беше платата да се зголеми за дополнителни 6 илјади денари однсно да изнесува 500 евра со тоа што разликата на дел од придонесите во рок од 12 месеци да ги покрива државата.