Свет

Над три милиони заразени и над 200 илјади мртви во светот од корона вирусот

Над три милиони заразени и над двесте илјади мртви во светот од корона вирусот . 

Корона вирусот и натаму е главна тема во светот каде бројот на заболени на светско ниво се приближува до границата од 3 милиони заболени од кои еден милиони се затворени случаи со вкупно 840 илјади излекувани а близу 2 милиони се активни случаи , од кои 97 % или 1, 8 милиони се со лесни симптоми, додека 57 илчјади развиле потешка форма на болеста. Бројот на починати од корона вирусот според најновите податоци од Светската здравствена организација ја надмина границата од 200 илјади и најголем број на починати се бележи во соединетите американски држави каде бројот на заболени се приближува кон едем милион случаи и досега има над 54 илјади починати. На листата следуваат: Шпанија со 223 759 заболени и 22 902 починати, Италија со 195 351 заболени и 26 384 починати, Франција со 161 488 заболени и 22 614 починати и Германија со 156 513 заболени и 5 877 починати лица.

Белгија бележ најголема стапка на смртност од 177 лица за едно деноноќие .Со 56,8 смртни случаи на 100.000 жители, земјата има најголема стапка на смртност по глава на жител во светот – четири пати поголема од стапката во Соединетите држави.

Официјални лица во земјата велат дека причина за застрашувачките податоци не се пренатрупаните болници бидејќи 43% од креветите за интензивна нега се празни дури и во услови на криза, туку бирократска строгост во известувањето на податоците каде смртните случаи во старечките домовивлегуваат во оваа бројка иако не се потврдени на инфекцијата .

Во САД послдниве два дена расте бројот на труења по советот на Трамп за вбризгување на средства за дезинфекција како лек за корона вирусто. Според директорката на американскиот завоз за јавно здравје на Илиноис регистрирано се труења на луѓе што се обидувале да ги измијат синусите со детергенти, додека едно лице правело гаргара со мешавина од белило и вода за да го убие вирусот. Таа за да ги спречи новите труења нагласи дека Инјектирањето, голтањето и шмркањето средства за чистење е опасно. и може да биде смртоносно.. Експертите ги нарекоа советите на Трамп неодговорни и опасни.

Бразил станува ново светско жариште болниците се преполни а се прават и масовни гробници. Новите случаи на заразени со коронавирус вршат голем притисок врз болниците, Здравствените власти во Рио де Жанеиро и во најмалку четири други поголеми градови предупредуваа дека нивните болници се преполни или веќе се пренатрупани и не можат да примаат нови пациенти.. Бразилскиот претседател Жаир Болсонаро не посочува дека ќе се откаже од својот став дека КОВИД-19 е релативно незначајна болест и дека не се потребни мерки за социјална оддалеченост за да се победи.

Кинескиот град Вухан од каде почна појавата на ковид 19 во изминатото деноноќие нема ниту еден заразен што се толкува како конечна победа на д вирусот.

Живот

„Највалканиот човек на светот“ 60 години не користел вода и сапун (ВИДЕО)

Во октомври 2022 година, медиумите ја објавија смртта на Аму Хаџи, кој беше познат како „највалканиот човек на светот“, во Иран.

Оваа „титула“ ја заслужил затоа што не се капел шест децении, а за последен пат ги затворил очите на 96 години.

Аму секогаш бил покриен со прашина и пепел, живеел во колиба направена од чакал, но бил виден и како спие во дупки што ги ископал самиот.

Еден новинар опишува дека „изгледал како карпа“ и дека се вклопувал во околината поради тоа колку бил валкан и сив, пренесува LadBible.

Непосредно пред неговата смрт, мештаните успеале да го убедат конечно да се избања. Се разбира, двата настани не се причинско-последично поврзани, бидејќи Аму починал од старост.

Се поставуваат прашања зошто 60 години избегнувал вода и сапун. Се верува дека страдал од аблутофобија, односно „постојан неоправдан страв од капење или миење“.

Наводно се плашел дека ќе се разболи ако се исчисти, односно дека водата и сапунот предизвикуваат болести.

Зборувајќи за фобијата која е поизразена кај децата, па кај жените, па дури потоа кај мажите, д-р Сива Лечор од клиниката „Толедо“ рече:

„Аблутофобијата е исклучително ретка. Во моментов почесто го гледаме кај постарите лица. Обично кај луѓе кои имале трауматски искуства во минатото“, објасни д-р Лечор.

Локалните новинари со години се обидувале да добијат информации за неговото минато и што го навело Аму да води ваков начин на живот. Вистината никогаш не била откриена.

Живот

Мајка си го фрлила болниот шестгодишен син во река полна со крокодили, таткото барал да го убие

Мајка го фрлила својот болен шестгодишен син во река полна со крокодили кои го растргнале, откако сопругот и татко на момчето ѝ рекле да се ослободи од него бидејќи малото момче било родено со физички маани.

Овој страшен настан се случил во Индија.

Како што пренесува „Дејлимејл“, Савитри Кумар (26) се скарала со сопругот Рави Кумар (27) кој ѝ наредил да се ослободи од малото дете кое тешко зборувало.

Таа го земала својот син додека спиел и го фрлила во блискиот канал полн со крокодили. Случајот, како што пренесува „The New Indian Express“, се случил во Утара Канад, област на западната индиска држава Карнатака.

Полицијата навела дека сопругот ѝ се пожалил на сопругата зошто таа родила дете со неизлечива мана. Сведоците кои ја виделе мајката како го фрла синот во каналот веднаш повикале полиција која почнала да трага по момчето. Потрагата набрзо била завршена поради темнината, а неговото осакатено тело било пронајдено во реката во неделата наутро.

Малото момче се здобило со страшни повреди и му била одгризана едната рака. Полицијата верува дека телото го растргнале неколку крокодили. Наредена е обдукција за да се утврдат точните причини за смртта.

Полицијата за локалните медиуми потврдила дека е покрената истрага за убиството и дека двајцата родители се уапсени.

Свет

Расте бројот на жртви во катастрофалните поплави во Бразил, спасените гладуваат (ВИДЕО)

Спасувачите се обиделе да ги евакуираат луѓето затрупани од разорните поплави низ јужната бразилска држава Рио Гранде до Сул, при што 90 лица се мртви, а очајните преживеани се обидуваат да дојдат до храна и основни потреби.

На периферијата на градот Елдорадо до Сул, 17 километри од главниот град на државата Порто Алегре, многу луѓе кои ги напуштиле своите домови спиеле покрај патот и изјавиле за Ројтерс дека се гладни. Цели семејства заминале пеш, носејќи работи во ранци и колички за пазарење.

„Немавме храна три дена и само што го добивме ова ќебе. Јас сум со луѓе кои воопшто не ги познавам, не знам каде е моето семејство“, рече млад човек кој се претставил како Рикардо Јуниор.

Поплавите ги отежнале спасувачките напори, при што десетици луѓе се уште чекаат да бидат евакуирани со чамец или хеликоптер од погодените домови. Мали чамци ги преполнија поплавените улици во потрага по преживеани.

Агенцијата за цивилна заштита на земјата соопшти дека бројот на загинати се искачил на 90, додека уште четири смртни случаи се истражуваат, а 131 лице се водат како исчезнати, додека 155.000 луѓе останале без покрив над главата.

Обилните дождови кои почнаа минатата недела предизвикаа излевање на реките, потопувајќи цели градови и уништени се патишта и мостови.

Во Порто Алегре, град со 1,3 милиони жители на реката Гуаиба, улиците во центарот на градот се под вода.

Жителите на Порто Алегре се соочија со празни полици во супермаркетите и затворени бензински пумпи, додека продавниците ја ограничија продажбата на минерална вода. Градот користел камиони за доставување вода до болниците и засолништата.

Поплавите ги погодија и службите за водоснабдување и електрична енергија, со повеќе од 1,4 милиони погодени луѓе, според Цивилната заштита на Бразил.

Речиси половина милион луѓе останале без струја во Порто Алегре и околните градови бидејќи компаниите за електрична енергија го прекинале снабдувањето со поплавените населби од безбедносни причини. Националниот оператор ОНС соопшти дека поради обилните дождови се исклучени пет хидроцентрали и далноводи.

Бразилскиот претседател Луис Инасио Лула да Силва изјави дека степенот на штетата ќе се знае само кога водите ќе се повлечат. Тој вети федерална помош за државата за она што се смета за најлоша климатска катастрофа.

Економистите на JPMorgan предвидоа дека влијанието на поплавите врз бразилската економија ќе биде удар за растот на БДП и маргинален пораст на инфлацијата, главно поради повисоките цени на оризот, кој главно се произведува во Рио Гранде до Сул.

Покрај уништувањето на критичната инфраструктура, обилните дождови и поплавите ги потопија житните полиња и загина добиток, прекинувајќи ја жетвата на соја и стопирани се работите во неколку погони за месо.

Пристаништето Рио Гранде работи нормално. Главното пристаниште за извоз на жито не е погодено од порастот на нивото на Лагуна дос Патос, во која се влева надојдената река Гуаиба.

Сепак, главните пристапни патишта не се проодни, што ја отежнува испораката на жито до пристаништето бидејќи камионите мораа да направат голем заобиколување, велат извозниците.

притисни ентер