На еден атеист при несреќа му бил смачкан градниот кош - Канал 5

Шоу биз

На еден атеист при несреќа му бил смачкан градниот кош

Поради неговото искуство за време на смртта, почнал да верува во Бог

На еден атеист при несреќа му бил смачкан градниот кош

Хосе Хернандез лекарите го реанимирале и денес ја дели својата приказна со светот.

Хозе Хернадез бил електроинженер и атеист. Но, сè се променило откако доживеал тешка сообраќајна несреќа удирајќи со својот камион во далновод. Имал тешка скршеница на ребрата, поради што не можел да дише, и три минути бил клинички мртов. Тој бил сместен на интензивна нега во најблиската болница, а никој, па ни лекарите не знаеле дали ќе преживее.

- Имав неподносливи болки и во очај почнав да барам од Бога да ми помогне. Му реков дека ќе се променам ако ме спаси. Стравот од смртта беше страшен и почнав да се прашувам: „што ако постои Бог?“. За време на клиничката смрт имав чувство дека поминав низ некаков тунел и се најдов на место каде светлината и боите беа неверојатни – го опишал Хозе своето искуство, а пренесува Дејли мејл.

Иако клинички бил мртов само три минути, му се чинело дека со часови го гледа своето безживотно тело.

- Сè во што верував беше уништено кога умрев. Науката немаше одговор. Не. Постоело уште нешто што е создадено. Моето очекување кога умрев беше дека нема да наидам на ништо и ќе се претворам во ништо. Сега почнувам да гледам работи кои се зачудувачки – додал тој.

Додека лекарите се обидувале да го вратат во живот, со целосно згмечени гради, Хозе гледал сè од другиот дел од собата. И тогаш, наводно, забележал сенка.

- Едноставно стоеше таму. Тогаш почнав да размислувам како имав тежок живот и дека можеби е во ред да се откажам. Штом го помислив тоа, сенката се помести. Во мислите можев да ја видам неговата рака како посегнува по мене, и ми го допре ножниот прст. Тој допир ми донесе огромно чувство на олеснување, релаксација, мир и љубов и смиреност. Бев во блаженство – изјавил Хозе.

Сенката му упатила зборови со утеха додека преминувал на „другата страна“.

- Потоа гласот ми рече: „Во ред е, време е да продолжиме понатаму“. Откако почувствував како пропаѓам низ тунел или црна дупка, одеднаш се најдов во простор со светла, топла, шарена светлина. Светлината ми се чинеше како жива и ми даде неверојатно чувство на мир и спокој. Се поврзав дури и со мојот покоен татко – додал тој.

Како што раскажал, се чувствувал како да лета над прекрасен, зелен пејзаж сличен на Земјата, каде дознал дека ќе може да бдее над своите деца од ова небесно духовно царство. Таму се смирил и со неговиот починат татко.

- Со татко ми имавме тежок и комплициран однос. Имавме многу конфликти и не се сеќавам дека некогаш во животот сум му рекол „те сакам“, или тој мене. Но, сето тоа се промени кога повторно се сретнавме во ова небесно царство. Откако ме вратија во живот, никогаш повеќе не бев истата личност, станав верник – изјавил Хозе.

Говорејќи за тоа како станал атеист, Хозе признава дека тоа било компромис помеѓу уверувањата на татко му и тие на мајка му.

- Имав личен конфликт. Мајка ми беше католик, а татко ми Индијанец. Мајка ми велеше – оди, најди го Бога во црквата, а татко ми велеше - погледни низ прозорецот. Бог е насекаде, нели? Помеѓу сето тоа избрав да верувам во науката и станав атеист – додал тој.

Хозе признал дека повеќе не се плаши од смртта, која веќе ја доживеал, бидејќи знае што се случува откако ќе се почине.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја труе цела Македонија

Мицкоски ја труе цела Македонија - По седум градови, сега и Башино Село и изворите во Елшани и Велестово во Охрид.

СДСМ: Мицкоски ја труе цела Македонија

Гостивар. Крушево. Валандово. Булачани. Пласница. Лешок. Преглово. Маврово....

По седум градови со отровна вода, по Лепенец и Вардар, по Башино Село, сега и водата од изворите во Елшани и Велестово во Охрид не е за пиење.

Изгледа дека во Македонија веќе нема чисто место.

Мицкоски зборува за „нови бактерии“ во Гостивар.

Клековски ветува дека до крајот на неделата ќе може да се пие водата.

Секој си ја тера својата приказна.

Собирање политички поени наместо заштита на здравјето на луѓето.

Срам.

На ВМРО и на Мицкоски повеќе им е важен рејтингот отколку здравјето на граѓаните.

Ќе ја отрујат цела Македонија.

Кој знае колку уште општини и градови се загадени, а ние сè уште не знаеме?

Министерот за полиција Тошковски се занимава со хиперхлорирање како да работи во водовод.

Мицкоски ветува едно.

Клековски не презема одговорност.

Епидемија на жолтица е во тек. Сè уште нема одговорни.

Никој не ставил потпис.

Никој не ставил печат.

Никој не гарантира со своето име и презиме.

Не сакаат да кажат која институција и кое лице дало дозвола за користење на техничката вода во Гостивар.

Нема анализи.

Нема одговорно лице.

Нема име и презиме.

Само лаги, измами и префрлање одговорност.

Ова повеќе не е криза со вода. Ова е системско труење на државата.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Расте бројот на заболени од западнонилска треска, апел до граѓаните редовно да користат средства за заштита од комарци

Расте бројот на заболени со западнонилска треска.

Расте бројот на заболени од западнонилска треска, апел до граѓаните редовно да користат средства за заштита од комарци

Вчера беа потрдени три нови случаи, Светската здравствена организација предупредува дека јули и август се најризичните месеци за ширење на вирусот.

Во Македонија досега се регистрирани осум случаи, а најголемиот дел од заразените воопшто немаат симптоми.

Од СЗО препорачуваат: покривање на телото со облека, користење средство против комарци и отстранување на застојаната вода околу домот. Здравствените власти смируваат дека заразата не се пренесува од човек на човек

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер