Македонија

МВР: Постои јасна дистинкција меѓу „државјанство“ и „националност“

МВР тврди дека одлучило на поинков начин да ја потполнува графта за државјанство во пасошите, само поради услогласување со стандардите на ЕУ. Ова е едно од прашањето во преговорите за името, и во дел од јавноста се поврзува со идентитетот.

МВР ги направило измените во начинот на потполнување на графата за државјанство, односно nationality, со воведувањето на биометриските пасоши во 2007 година.Тврдат дека единствено поради стандардите на ЕУ, одлучиле наместо Република Македонија напишано на латиница, и без превод, да се пишува македонско на кирилица со превод на англиски.

-Посочената измена е направена исклучиво заради усогласување со стандардите за содржината и испишувањето на патните исправи во земјите на Европската Унија, каде што постои графа „nationality“, а за потребите на новите биометриски патни исправи воведени во 2007 година. – стои во одговорот на прашањето на Канал 5, кога и врз основа на кој акт е направена измената.

Но, примерите од земјите челнки на ЕУ унија покажуваат дека нема еден и единствен стандард за потполнувањето на пасошите.Така, во Бугарскиот пасош во графата nationality стои единствено името на државата, исто се потполнува и во Словенечкиот – стои само Словенија.

Прашањето за државјанството, односно nationality на англиски, е едно од прашањата во преговорите за името. Во дел од јавноста, ова се толкува како ознака за идентитетот, иако како објавивме, според Европската ковенција за националаноста од 1997 година, нема никаква дилема дека таа ја одразува правната врска меѓу лицето и државата, а никако не укажува на етничкото потекло на лицето..
Ова го потврдуваат и од МВР во одговорот.

-Јасна е правната дистинкција меѓу термините „државјанство“ и „националност“. Односно, согласно Европската конвенција за националности, но и според законот за државјанства на Република Македонија, којшто беше суштинска основа за промените на патните исправи, поимот „државјанство“ подразбира правна врска која се воспоставува помеѓу државата (Република Македонија) и поединецот. Додека, терминот „националност“ ја означува личната национална определба на припадност на секој граѓанин. – велат од МВР.

Забуната во јавноста се појави по промената на начинот на потполнување на графата, бидејќи терминот macedonian се преведува и како Македонец, што освен во смисла на државјанство, како што е во пасошите, се користи и во смисла за опишување на етничката припадност на Македонците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Тројца научници за откритија во оптогенетиката добија Нобелова награда за медицина

Нобелова награда за медицина попладнево добија тројца научници за откритија во оптогенетиката.

Нобеловата награда за физиологија или медицина за 2026 година им е доделена на научниците Карл Дајсерот, Питер Хегеман и Георг Најџел.

Нобеловата награда за медицина денес им беше доделена на Карл Дајсерот, Петер Хегеман и Георг Нагел за истражување на мозочната активност што опфаќа проучување на јонски канали контролирани со светлина и оптогенетика.

Добитниците на наградата беа објавени на Институтот „Каролинска“ во Стокхолм, со што започна неделата на доделување на Нобеловите награди, пренесува АП.

Паричниот износ на овогодишната награда изнесува 12 милиони шведски круни, што е околу 1,2 милиони долари.

Нобеловиот комитет ја пофали работата на тројца научници на откритија поврзани со оптогенетиката, која овозможува активирање или деактивирање на активноста на поединечни нервни клетки во живиот мозок.

„Овој метод сега се користи во лаборатории ширум светот за да се откријат тајните на мозокот“, напиша Комитетот на мрежата X.

Хегеман и Нагел открија протеин познат како каналродопсин, пред Дајсерот „да го претвори тој протеин во прекинувач за нервни клетки управуван со светлина“, објасни Нобеловиот комитет. Нивната работа ги постави темелите за нова ера во невролошките науки, додаде Комитетот.

Тагови: Нобелова награда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ.Филипче е против корупција само кога тоа политички му одговара и партиски се пресметува

Филипче е против корупција само кога тоа политички му одговара и партиски се пресметува, скандалот со Петровска е доказ за тоа.

Случајот со Славјанка Петровска, кој Венко Филипче го отвори во јавноста дури во моментот кога Петровска стана дел од Платформата „12.05“ и почна јавно да бара промени во СДС, е доказ за двојните стандарди на Филипче.

Платформата „12.05“ јавно побара Филипче да се повлече од лидерската позиција, а Филипче потоа директно ја прозва Петровска во врска со наводите околу набавката на хеликоптери и договор за кој, според Филипче постоела разлика од дури 37 милиони евра.

Ако Филипче со години располагал со информации за овој случај, тогаш зошто молчел досега?

Зошто Филипче не ги доставил информациите до надлежните институции порано?

И зошто токму сега, кога Петровска стана негов политички критичар, Филипче го обелоденува случајот?

Преку овој случај на површина излезе целата хипокризија и двојните стандарди на СДС и Филипче.

Од една страна, Филипче постојано зборува за Европската Унија, европските вредности, владеењето на правото и борбата против корупцијата како услов за европскиот пат на Македонија. Од друга страна, кога станува збор за наводи за сериозни злоупотреби во сопствените редови во СДС, Филипче знаел и молчел се до моментот додека тоа политички му одговарало.

Европа не е само декларативна определба. Европските стандарди подразбираат одговорност, транспарентност и нулта толеранција кон корупцијата и кога сомнежите се однесуваат на сопствените редови, а не само кога можат политички да се искористат против противник.

Ако Филипче навистина располагал со информации за наводниот случај од 37 милиони евра, тогаш зошто досега молчел?

Не може од една страна да се бараат европски стандарди и европско обвинителство, а од друга страна да нема јасен одговор и да се молчи.

Ако европскиот пат значи владеење на правото, тогаш истиот принцип мора да важи за сите, и за политичките противници, и за сопствените редови.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Убавата Емили блесна на филмска премиера

Една од најубавите жени на светот, манекенката Емили Ратајковски ги воодушеви сите со својот изглед во тесен црн фустан со длабоко деколте и му даде силна поддршка на својот партнер на грчката премиера на неговиот нов филм „Sacrifice“.

Позната по своите провокативни пози, разголени модни изданија, а сега и по врската со Гаврас, Емили ужива во вниманието што го привлекува.

Францускиот режисер Ромен Гаврас се појави во поопуштено издание, во широк црн капут и сина кошула, при што цело време ја прегрнуваше Емили.

Емили ја надополни својата смела комбинација со чантичка со златен синџир и високи чевли што се врзуваат околу ногата, додека заедно пристигнуваа во културниот центар „Онасис Стеги“, пренесува „Дејли мејл“.

Премиерата на неговиот најнов филм „Sacrifice“ се одржа на Меѓународниот филмски фестивал во Торонто во септември.

Ова остварување претставува и негово деби на англиски јазик, а во главната улога се појавува Ања Тејлор-Џој како религиозен фанатик кој планира да жртвува тројца важни луѓе за да го спаси светот од уништување.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.