Македонија

МВР: Постои јасна дистинкција меѓу „државјанство“ и „националност“

МВР тврди дека одлучило на поинков начин да ја потполнува графта за државјанство во пасошите, само поради услогласување со стандардите на ЕУ. Ова е едно од прашањето во преговорите за името, и во дел од јавноста се поврзува со идентитетот.

МВР ги направило измените во начинот на потполнување на графата за државјанство, односно nationality, со воведувањето на биометриските пасоши во 2007 година.Тврдат дека единствено поради стандардите на ЕУ, одлучиле наместо Република Македонија напишано на латиница, и без превод, да се пишува македонско на кирилица со превод на англиски.

-Посочената измена е направена исклучиво заради усогласување со стандардите за содржината и испишувањето на патните исправи во земјите на Европската Унија, каде што постои графа „nationality“, а за потребите на новите биометриски патни исправи воведени во 2007 година. – стои во одговорот на прашањето на Канал 5, кога и врз основа на кој акт е направена измената.

Но, примерите од земјите челнки на ЕУ унија покажуваат дека нема еден и единствен стандард за потполнувањето на пасошите.Така, во Бугарскиот пасош во графата nationality стои единствено името на државата, исто се потполнува и во Словенечкиот – стои само Словенија.

Прашањето за државјанството, односно nationality на англиски, е едно од прашањата во преговорите за името. Во дел од јавноста, ова се толкува како ознака за идентитетот, иако како објавивме, според Европската ковенција за националаноста од 1997 година, нема никаква дилема дека таа ја одразува правната врска меѓу лицето и државата, а никако не укажува на етничкото потекло на лицето..
Ова го потврдуваат и од МВР во одговорот.

-Јасна е правната дистинкција меѓу термините „државјанство“ и „националност“. Односно, согласно Европската конвенција за националности, но и според законот за државјанства на Република Македонија, којшто беше суштинска основа за промените на патните исправи, поимот „државјанство“ подразбира правна врска која се воспоставува помеѓу државата (Република Македонија) и поединецот. Додека, терминот „националност“ ја означува личната национална определба на припадност на секој граѓанин. – велат од МВР.

Забуната во јавноста се појави по промената на начинот на потполнување на графата, бидејќи терминот macedonian се преведува и како Македонец, што освен во смисла на државјанство, како што е во пасошите, се користи и во смисла за опишување на етничката припадност на Македонците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хорор во Египет: Девет деца загинаа кога минибус падна во канал (ВИДЕО)

Девет деца загинаа, а две беа повредени кога патнички минибус падна во канал во областа Абу Тиг во покраината Асиут во јужен Египет, соопштија денес локалните власти.

Возилото паднало во водата на локација околу 320 километри јужно од Каиро, во покраина позната по своите историски места, пренесува АП.

Локалните медиуми објавија дека дефект на управувачот предизвикал превртување на возилото во кое биле децата кои се враќале дома од работа на блиските фарми.

مصرع 9 أطفال إثر سقوط تروسيكل كان يقلهم في ترعة على طريق النخيلة- أبوتيج أثناء عودتهم من العمل بالأراضي الزراعية وفرق الإنقاذ تواصل جهودها للبحث في موقع الحادث pic.twitter.com/e4Hf6DJHP7
— الجزيرة مصر (@AJA_Egypt) June 30, 2026

Локалниот информативен канал Каиро 24 соопшти дека децата биле на возраст меѓу 10 и 17 години.

Фотографиите објавени од канцеларијата на гувернерот покажаа десетици луѓе собрани во близина на каналот и обучени нуркачи кои го пребаруваат каналот за тела.

Гувернерот на Асиут, Мохамед Елван, им нареди на властите да спроведат безбедносни мерки, вклучително и поставување бетонски бариери по бреговите на каналот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во близина на Солун, евакуирано населението

Пожарот избувнал околу пладне по локално време во ниска вегетација во Дервени, а потоа се проширил на шумската област, според „Катимерини“.

Телото на лице кое сè уште не е идентификувано е пронајдено денес во шумската област Дервени во близина на Солун, каде што се гаси голем пожар, додека една жена се здобила со изгореници, а на жителите на блиското село Лити им е наредено да се евакуираат, соопштија грчките власти.

Пожарот избувнал околу пладне по локално време во ниска вегетација во Дервени, а потоа се проширил на шумската област, според „Катимерини“.

Грчките служби за итни случаи испратиле две пораки до граѓаните преку системот за известување за итни случаи 112.

Првата ги предупредила за пожарот, додека втората наредила евакуација на жителите на селото Лити.

Пожарникарите евакуирале 40-годишна жена со изгореници од дворот на куќа, која потоа со брза помош била однесена во болница во Солун.

Според грчките медиуми, жената се здобила со изгореници главно на рацете, како и на бутот и вратот, а нејзината здравствена состојба е стабилна и не е опасна по живот.

Пожарникари, волонтери, припадници на грчката полиција и служби за итна медицинска помош се распоредени на местото на настанот, учествувајќи во гаснењето на пожарот и обезбедувањето на загрозеното подрачје.

Во гаснењето на пожарот учествуваат и воздушни противпожарни хеликоптери, додека на местото на настанот се испратени и цистерни со вода од регионалните служби.

Според дневната проценка на ризикот од пожар, областа моментално е во зона со висок ризик за појава и ширење на пожар.

Извор: Б92

Тагови: пожар солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Сиљановска-Давкова со генерал Алексус Грегори Гринкевич, врховен сојузнички командант за Европа

Претседателката и Врховна командантка на вооружените сили Гордана Сиљановска-Давкова денеска го прими генерал Алексус Грегори Гринкевич, врховен сојузнички командант за Европа.

За неа, неговата официјална посета на земјава е потврда за интересoт и посветеноста на НАТО кон зачувувањето на мирот, безбедноста, стабилноста и единството на регионот.

Елаборирајќи ја подготвеноста на македонските вооружени сили за справување со безбедносните предизвици, таа укажа на видливиот и ценет македонски придонес во рамките на НАТО одбранбениот систем.

Соговорниците ја истакнаа важноста на изградбата на Коридорот 8, не само за регионалната отпорност, туку и за колективната одбрана.

Генералот Алексус Грегори Гринкевич, како предводник на воените операции на НАТО, истакна дека SECEUR ја цени професионалноста и посветеноста на македонската Армија, потврдени преку учеството во бројните мировни мисии и сојузнички активности, оценувајќи дека македонската успешна приказна заслужува да биде претставена на претстојниот Самит на НАТО во Анкара.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.