Музички хит за коронавирусот предизвика различни реакции низ светот (ВИДЕО)

Африканските музичари Боби Вин и Нубијан Ли снимија генијална реге песна , која предупредува на опасноста од ширење на коронавирусот.

„Лошата вест е дека сите ние сме потенцијални жртви, но добрата вест е дека сите ние сме потенцијално решение“, велат музичарите во песната во која се говори за симптомите и начините за заштита од инфекција.

Боби Вино, чие вистинско име е Роберт Кигулани, потекнува од Уганда, која досега има 14 заразени, според „Гардијан“. Првиот случај е регистриран пред четири дена и веднаш беа воведени превентивни мерки како што се затворање на границата, забрана за јавно собирање и затворање на објектите.

Претседателот на Либерија, поранешен фудбалер, Џорџ Веј исто така објави песна за короната наречена Let's Stand Together и Fight Coronavirus, а тој објави слична песна и за време на кризата со ебола.

„Либерија е земја во која повеќето луѓе немаат пристап до Интернет и социјални мрежи, но сите слушаат радио. Песната ќе се емитува на радиостаниците низ целата земја за да се шири пораката“, рече неговиот портпарол Соло Калебе.

Короната ја опеа и Сенегалската хип-хоп група ,,Јен а Маре’.

притисни ентер