Македонија

Муцунски домаќин на литванскиот министер за надворешни работи – поддршка за македонските евроинтеграции

Моментот за проширување на Европската унија е сега, а Литванија останува силен поддржувач на европскиот пат на Македонија, порача литванскиот министер за надворешни работи Кестусис Будрис, кој престојува во официјална посета на земјава.

Будирис по неговата средба со шефот на македонската дипломатија Муцунски нагласи дека Литванија која од идната година ќе претседава со Советот на ЕУ ќе го постави проширувањето меѓу своите главни приоритети. Ја повика земјава да не троши драгоцено време на евроинтегративниот пат, и не заборави да ја спомене потребата од исполнување на преземените обврски.

-Секако политички сме сконцентрирани на овој регион и треба да се придвижите напред. Погледнете го напредокот што го исполнуваат другите земји од регионот. Затоа, треба да ја искористите оваа шанса да го искористите овој момент да бидете реалистични. Треба да има чекори и од страна на Македонија, може да изгубиме година, година и пол. Тоа значи заклучоците од 2022 се уште стојат за другите, но тоа за државите членки на ЕУ исто така значи дека мора да има политичка заложба од нивна страна,- Кестусис Будрис – министер за надворешни работи на Литванија.

Министерот Муцунски пак, повтори дека европската интеграција на Македонија мора да се темели на јасни правила и гаранции нема да има нови политички блокади истакнувајќи дека земјава останува посветена на членството во Унијата.

-Очигледно е и по однос на таканаречениот консензус од 2022 година, има различни толкувања што доаѓаат и од 26-те земји членки, европските институции и една земја членка. Пак ќе повторам, не дека ние како држава имаме отпор, свесни сме, и ние во сите наши изјави, не само од мене, туку и од претседателката на државата, од претседателот на Владата, велиме дека ќе учествуваме во овој процес. Посебно по самитот во Тиват се чувствува таа енергија за придвижување Нема никаква дилема кај нас. Но ние нема да дозволиме да се реализира тој ризик, ние да ги направиме тие потези, повторно да имаме ваков тип на разговори, ваков тип на прес-конференции, каде што ќе бидеме во ситуација една земја членка да не блокира,- Тимчо Муцунски – министер за надворешни работи и надворешни трговија..

Посетата на литванскиот министер на земјава доаѓа на покана на министерот Муцунски откако претходно беше најавено и дека Македонија за прв пат ќе отвори и амбасада во Вилнус, нешто што двајцата министри го оценија како чекор за зајакнување на добрите билатерални односи меѓу двете земји.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уставниот суд организираше тркалезна маса на генералните секретари на балканските уставни судови

Форумот беше посветен на организацијата и функционирањето на уставните судови, систематизацијата на работните места, како и на оценувањето и професионалниот развој на административната служба.

Во рамките на Форумот на балканските уставни судови, со кој претседава Уставниот суд на Република Македонија, од 24 до 26 јуни 2026 година во Охрид се одржа тркалезна маса на ниво на генералните секретари на уставните судови. Настанот беше организиран од Уставниот суд на Република Македонија, со поддршка на Делегацијата на Европската Унија, во рамки на проектот „Зајакнување на капацитетите на Уставниот суд за оценување на уставноста и законитоста и заштитата на човековите права“.

Форумот беше посветен на организацијата и функционирањето на уставните судови, систематизацијата на работните места, како и на оценувањето и професионалниот развој на административната служба.

Настанот го отворија претседателот на Уставниот суд д-р Дарко Костадиновски, генералниот секретар м-р Виолета Ѓорѓиевска и тим-лидерот на ЕУ-проектот Карстен Манке.

На Форумот учествуваа генерални секретари и претставници на уставните судови од Албанија, Бугарија, Косово, Турција, Хрватска и Република Македонија, кои ги презентираа искуствата на своите институции и разменија добри практики за организацијата на работата на уставните судови.

Во рамки на презентациите беше претставен новиот Правилник за внатрешна организација на Уставниот суд, донесен во октомври 2025 година, со кој е воспоставена организациска структура од 13 организациски единици што обезбедуваат стручна и административна поддршка на судот. Посебен акцент беше ставен на јасната поделба меѓу судиската и административната функција, улогата на генералниот секретар во координацијата на службата и дигиталното управување со предметите.

Учесниците беа запознаени и со систематизацијата на работните места во Стручната служба на Уставниот суд, која предвидува 71 работно место, од кои 54 се пополнети, како и со моделот за распределба на предметите и организацијата на работата на правните советници. Беше презентирано и дека во текот на 2025 година Уставниот суд работел на 520 предмети, од кои 229 биле завршени, додека останатите продолжиле во работа во текот на следната година.

На Форумот беше претставен и новиот систем за оценување на вработените во Стручната служба, кој се темели на континуирано следење на работата, месечни извештаи и оценување според три критериуми – навремено извршување на работните задачи, стручност и работен ангажман, како и професионално однесување. Во дискусијата беа разгледани и можностите за дополнително унапредување на системот преку воведување мерливи показатели за успешност, поголема транспарентност и развојни планови за вработените.

Во текот на тридневниот Форум се разговараше и за предизвиците со кои се соочуваат уставните судови во регионот, со посебен акцент на зајакнувањето на институционалните капацитети, модернизацијата на административното работење и размената на искуства меѓу уставните судови.

Форумот заврши со заклучок дека ваквите средби придонесуваат за поефикасна организација на работата, унапредување на професионалните стандарди и натамошно зајакнување на регионалната соработка меѓу уставните судови.

Тагови: Уставен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Официјална посета на Гаши на Грузија и учество на 67. Генерално Собрание на ПАБСЕК

Претседателот на Собранието на Република Македонија, Африм Гаши, на покана на претседателот на Парламентот на Грузија, Шалва Папуашвили, од 30 јуни до 1 јули 2026 година, ќе оствари официјална посета на Грузија.

Делегацијата што ќе ја предводи претседателот, ја сочинуваат и пратеничките: Дафина Стојаноска, Бисера Костадиновска-Стојчевска и Мимоза Муса, кои се членки на Пратеничката Група за соработка со Грузија во Собранието, како и заменик - генералниот секретар на Собранието, Ибуш Јусуфи.

Претседателот Гаши, покрај средбата со неговиот колега, претседателот Папуашвили, ќе има средба и со претседателот на Грузија, Микеил Кавелашвили, како и со премиерот Иракли Кобахидзе.

Претседателот Гаши ќе учествува и на пролетната сесија на 67. Генерално Собрание на Парламентарното Собрание на Црноморската економска соработка (ПАБСЕК), што се одржува во Грузија, каде меѓудругото, ќе има и свое обраќање.

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ССК го одржа годишното собрание

Сојузот на стопански комори попладнево го одржа годишното собрание на кое беа сумирани активностите и резултатите од работењето во изминатиот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.