Македонија

МП: Конститутивна седница за Развојната Секторска Стратегија за правосудство (2024 – 2028)

Советот се формираше заради обезбедување на континуитет на досегашната пракса за следење на реформите во правосудството.

На седницата ,на присутните им се обрати претседавачот на Советот, министерот за правда Кренар Лога .

,,Со оглед на тоа што како држава треба да испорачаме резултати во однос на реформските процеси во земјата, бидејќи се надеваме дека многу скоро ќе ги започнеме преговорите за полноправно членство во Европската унија, донесувањето на оваа Стратегија беше од исклучителна важност која во иднина ќе се цени и од аспект на усвојување на Реформската агенда на Македонија од страна на Советот на Европската Унија”,рече во своето обраќање министерот Лога.

Визијата на Развојната секторска стратегија за правосудството (2024 – 2028) година е независно, одговорно, транспарентно и достапно правосудство, отпорно на внатрешни и надворешни влијанија, кое ги штити човековите права и обезбедува владеење на правото на ефикасен начин.

Советот ќе се грижи за навремено спроведување на мерките и активностите согласно Акцискиот план, следење на приоритетите, временската рамка и роковите за имплементација и оценување на постигнатите резултати во спроведување на Акцискиот план.

Ова тело е поддржано од страна на експерти од Проектот на ЕУ за владеење на правото , а на денешната седница експертот Славен Лекиќ информираше за активностите кои што се преземени од нивна страна за успешно спроведување на Стратегијата.

Иако беа поканети и претставници од ВМРО ДПМНЕ со цел да дадат свои предлози и сугестии, тие не присуствуваа на седницата.

Советот заклучи дека во континуитет треба да се продолжи со активностите и следење на реформите во правосудството, соопшти Министерството за правда.

Живот

Во Вевчани пречекани иконите на македонските светители Спасе Вевчански и Спаса Вишенска

Како што посочуваат од храмот „Св. Никола“ од Вевчани, Св. Спасе Вевчански живеел и се подвизувал на Бога во манастирот „Св. Спас Горни“ во Вевчани, кој е посветен на Вознесението Христово - Спасовден. 

Во Вевчани денеска пред почетокот на светата литургија, со која началствуваа парохискиот свештен во Вевчани, отец Ромео Петрески и свештеникот од храмот „Св. Ѓорѓија“ од Струга, отец Христијан Костоски, беа дочекани иконите на сеправославниот македонски светител, Спасе Вевчански и неговата света сестра, Спаса Вишенска.

Како што посочуваат од храмот „Св. Никола“ од Вевчани, Св. Спасе Вевчански живеел и се подвизувал на Бога во манастирот „Св. Спас Горни“ во Вевчани, кој е посветен на Вознесението Христово - Спасовден.

– Голема е радоста денеска што го дочекавме овој голем светол и историски чин, се радувам на вашите солзи радосници со кои се поклонувате пред светава икона на нашиов Свети Спасе Вевчански и на Света Спаса Вишенска. Вакви моменти еднаш во животот човек може да ги доживее ако има среќа и затоа, радувајте се, посочил на проповедта парохискиот свештеник Отец Ромео Петрески.

Како што стои во соопштението, после светата литургија за сите верници во дворот на црквата била организирана закуска, која била донација од сите вевчански угостителски објекти.

Свет

Декларација: Територијалниот интегритет на Украина мора да биде основа на мирот

Со заедничката декларација заврши дводневната конференција на која не присуствуваше претставник на Русија.

Претставници на повеќе од 80 земји кои присуствуваа на мировната конференција за Украина во Швајцарија денеска потпишаа декларација во која се наведува дека „територијалниот интегритет“ на Украина е основа за секој мировен договор што ќе стави крај на војната.

Со заедничката декларација заврши дводневната конференција на која не присуствуваше претставник на Русија.

Според аналитичарите дводневната конференција најверојатно ќе има многу мало конкретно влијание врз завршувањето на војната.

Свет

Руските трупи ја презедоа контролата врз селото Загорноје во областа Запорожје

- Руските војници ја презедоа контролата врз селото Загорноје во областа Запорожје, соопшти прес-службата на руското Министерство за одбрана.

-Единиците на оперативната група „Исток“ го ослободија селото Загорноје во регионот Запорожје и зазедоа поповолни борбени позиции, се наведува во извештајот, додавајќи дека воената формација го уништила персоналот и опремата на 58-та моторизирана пешадиска бригада на вооружените сили на Украина, 123-та одбранбена бригада и 15-та бригада на Националната гарда на Украина во областите Новоселковка (Регион Запорожје), Урожин и Владимировка (ДПР), пренесуваат руските медиуми.

На овој дел од фронтот, 135 припадници на вооружените сили на Украина, едно оклопно борбено возило, два британски топа - самоодни артилериски пиштоли АС-90 Бравхарт и хаубица ФХ-70, како и две станици за електронско војување Буковел-АД биле исфрлени.

Загорноје е четвртата населба над која руските трупи ја презедоа контролата оваа недела.

притисни ентер