Македонија

Моторџиите со големо „не“ за плаќање паркинг за мотор

Моторџиите го наполнија паркингот пред канцелариите на Град Скопје. Најавата за плаќање паркинг за мотори ги донесе на протест пред градот со став „паркинг за мотори не се плаќа во ниту една европска земја, нема да се плаќа ниту овде“.

40 минути по најавениот протест пристигна и градоначалникот на Град Скопје Петре Шилегов.

Од пред паркингот дел од моторџиите завршија на состанок со градоначалникот. Шилегов предложи цена.

„Јас предлагам цена од 5 до 7 денари по саат. Еве во првата година наплата да нема да видиме како ќе биде“ вели Петре Шилегов градоначалник на Град Скопје.

Моторџиите велат не само цената, туку и самото обележување на паркинг место ќе значи големи казни, бидејќи не може да се остави моторот каде сакаат.

„Вие со ова ми навлегувате во приватниот живот. Зошто јас со мотор да одам некаде, притоа да го паркирам да не можам да го гледам моторот и да платам? Моторот не е кола, секој може да седне на него да го оштети. Тогаш ќе одиме со автомобили во град каде е хаос“, објаснија моторџиите на состанокот со градоначалникот.

По давањето објаснување за сите бенефити и за сообраќајот од возење мотор, градоначалникот не го поколебаа ниту за наплатата, ниту да стане моторџија.

Крајот на состанокот заврши со договор за утрешен нов старт на преговорите за или не плаќање на паркинг за мотори.

Тенис

Новак Ѓоковиќ бил на преглед во Ургентниот центар во Белград

Најдобриот светски тенисер Новак Ѓоковиќ претпладнето бил на лекарски прегледи во Белград.

Како што пренесува „Информер“, Ѓоковиќ денеска околу десет часот наутро бил во Ургентниот центар, каде му била извршено скенирање на главата.

Во таа прилика, според истиот извор, Новак тајно бил примен во споменатата болница, каде биле извршени прегледи на главата, но не се знае какви се резултатите од прегледот.

Истиот извор наведува дека Новак бил расположен, па излегол да ги пречека вработените кои сакале да ја овековечат средбата со него со сувенир фотографија.

За потсетување, Новак се здоби со повреда на главата по мечот против Корентано Муте во Рим, кога додека даваше автограми, од трибините падна метално шише и го удри во главата.

Македонија

Со такси лани превезени 14 341 000 патници

Минатата година со такси превезени се 14 341 000 патници, од кои

12 749 000 во градскиот превоз, а во меѓуградскиот 1 592 000 патници, објави денеска Државниот завод за статистика (ДЗС).

Со 1 556 патнички автомобили опфатени во истражувањето се изминати вкупно 55 793 000 километри, од кои 47 487 000 во градскиот превоз, додека во меѓуградскиот превоз се остварени 8 306 000 километри.

Податоците за такси-превозот се добиени од 227 извештајни единици.

ДЗС споделува податоци и за потрошувачката на гориво: 184 тони бензин, 2 752 тони дизел и на 2 239 тони автогас.

Свет

Атентарот испукал неколку куршуми во словачкиот премиер Фицо (ВИДЕО)

Полицијата веднаш го уапсила осомничениот за атентатот на словачкиот премиер Роберт Фицо.

Тој со неколку истрели е ранет во стомакот и градниот кош и моментално е во критична состојба.

На социјалните мрежи почна да кружи видео на кое се гледа како полицајците го соборуваат осомничениот на земја и го апсат.

Не е познат идентитетот на напаѓачот, но медиумите јавуваат дека се работи за постар маж.

Веднаш е евакуирана зградата на Центарот за култура пред која беше ранет Фицо.

притисни ентер