Ова откритие е дополнителен доказ за негативното влијание на диетата богата со масти и шеќер (HFHS) врз когнитивните способности, соопшти Универзитетот во Сиднеј.

Истражувањето, објавено во International Journal of Obesity, е првото кое ја тестира врската помеѓу диетата HFHS и просторната навигација, велат тие. Просторната навигација е способност да се научи и запомни патеката од една локација до друга, процес кој може да го одреди здравјето на хипокампусот.

Многу е веројатно, додаваат тие, дека овие ефекти се локализирани на хипокампусот, структура на мозокот важна за просторна навигација и формирање на меморијата, наместо да влијаат на целиот мозок.

- Добрата вест е што мислиме дека ова е ситуација која лесно може да се промени. Промените во исхраната можат да го подобрат здравјето на хипокампусот, а со тоа и нашата способност да се движиме во околината, особено кога истражуваме нов град или учиме нов пат до дома, рече д-р Тран.

Истражувачкиот тим регрутирал 55 студенти на возраст од 18 до 38 години. Секој од нив пополнил прашалник за внесот на масна и слатка храна. Била тестирана и нивната меморија, а бил забележан и индексот на телесна маса.

За време на тестирањето, учесниците морале да се движат низ лавиринт за виртуелна реалност и шест пати да најдат ковчег со богатство. Лавиринтот имал знаменитости што учесникот можел да ги искористи за да ја запомни патеката. Почетните и крајните точки останале исти во секое испитување.

Доколку учесниците го пронашле богатството за помалку од четири минути, тие оделе на следниот тест. Доколку не успеале да го пронајдат богатството, биле преместени на крајната локација и им биле дадени 10 секунди да се навикнат на локацијата пред да се обидат повторно. При седмиот обид, богатството ќе биде отстрането, но учесниците морале да ја најдат локацијата. Оние со помалку масти и шеќер во исхраната можеле да ја пронајдат локацијата со многу поголема точност од другите.

- Одамна ни е познато дека шеќерот и заситените масти го зголемуваат ризикот од дебелеење, метаболички и кардиоваскуларни болести, како и некои видови на рак. Откривме дека овие нездрави навики се поврзани со когнитивниот пад во средната возраст. Ова истражување ни дава докази дека исхраната е важна за функцијата на мозокот во раната зрелост“, вели д-р Доминик Тран од Универзитетот во Сиднеј.

Министерот за надворешни работи и надворешна трговија, Тимчо Муцунски, денеска на одвоени средби ги прими вршителот на должност во катарската амбасада во Скопје, Шеик Јасим бин Хамад Ал Тани, и амбасадорот на Република Казахстан во Скопје, Сатибалди Буршаков.

На средбата со вршителот на должност во амбасадата на Катар во Скопје, Шеик Јасим бин Хамад Ал Тани, беа потврдени традиционално добрите и пријателски односи меѓу двете земји, при што беше нагласена заедничката заложба за динамизирање на политичкиот дијалог и размена на посети на високо ниво. Во делот на билатералната соработка, соговорниците ја истакнаа потребата од продлабочување на економските и трговските односи, како и од зголемување на обемот на катарски гринфилд и браунфилд директни инвестиции во нашата земја.

На средбата со амбасадорот на Република Казахстан во Скопје, Сатибалди Буршаков, соговорниците констатираа дека билатералните односи помеѓу двете земји се добри, при што ја нагласија потребата од нивно понатамошно продлабочување, особено во економската сфера, како и зајакнување на севкупната билатерална соработка во иднина. Беше изразено и заедничко задоволство од досегашната одлична соработка на мултилатерален план и меѓусебната поддршка на кандидатури во рамки на меѓународните организации. Министерот Муцунски и амбасадорот Буршаков разменија мислења и за други актуелни прашања од заемен интерес, изразувајќи уверување дека добрата соработка меѓу двете земји ќе продолжи со засилен интензитет,с е наведува во соопштението.

Mercedes-Benz го претстави концептното возило Vision V, кое го поставува тонот за новата ера на луксузни MPV и дава поглед на идниот врвен премиум модел, кој ќе биде означен како Mercedes-Benz VLS.

Vision V ја отелотворува визијата на Mercedes-Benz за комбинирање на пространа внатрешност со максимална ексклузивност и импресивно дигитално искуство. Светската премиера на овој револуционерен концепт ќе се одржи во Шангај на 22 април 2025 година.

Најава за уште еден модел

Со проширување на премиум сегментот на својата палета на MPV, Mercedes-Benz дефинира единствена категорија на возила. Германскиот производител ја нагласува оваа нова ера со ново име, Mercedes-Benz VLS. Идната моделска палета на Гранд лимузини, која ќе се состои од Mercedes-Benz VLE и Mercedes-Benz VLS, ќе ги вклучува сите форми - од семејни возила до ексклузивни VIP шатл возила со исклучително пространа внатрешност.