МНТ со „Народен непријател“ и „Музичкиот времеплов“ со српски уметници вечер на „Охридско лето“ - Канал 5

МНТ со „Народен непријател“ и „Музичкиот времеплов“ со српски уметници вечер на „Охридско лето“

„Музичкиот времеплов“ на српските уметници Андрија Минчиќ, Тадија Минчиќ Никола Цветковиќ ќе се одржи во црквата „Света Софија“.

МНТ со „Народен непријател“ и „Музичкиот времеплов“ со српски уметници вечер на „Охридско лето“

Театарска претстава „Народен непријател“ од Хенрик Ибзен, во режија на Нина Николиќ, а во продукција на Македонски народен театар и концертот на српските уметници Андрија Минчиќ на кларинет, Тадија Минчиќ на фагот и Никола Цветковиќ на пијано, вечер се на програмата на 62. издание на фестивалот „Охридско лето“.

Во претстава „Народен непријател“ играат: д-р Томас Стокман, лекар во општинската бања – Никола Ристановски, Катарина, неговата сопруга – Звездана Ангеловска, Петра (нивната ќерка), наставничка – Дарја Ризова, Ејла, нивната средна ќерка – Јана Вељановска, Мортине, нивната најмала ќерка – Ана Арсовска, Петар Стокман (брат на лекарот), градоначалник и претседател на управниот одбор на бањата – Благој Веселинов, Мортен Кил (потатко на Катарина), кожар – Петре Арсовски, Ховстад, уредничка на „Народен гласник“ – Сашка Димитровска, Билинг, соработник на „Народен гласник“ – Александар Михајловски, Аслаксен, сопственик на печатница – Нино Леви и Капетан Хорстер – Мартин Ѓоргоски.

Сценографијата е на Вишња Вујовиќ, а костимографијата на Ивана Каранфиловска-Угуровска.

Драмата во пет чина „Народен непријател“ од Хенрик Ибзен, првпат е објавена на 28 ноември 1882 година со оригинален наслов „En folkefiende“. Напишана е како одговор по јавниот скандал за неговата претходна драма – „Духови“, која ја критикува хипокризијата и моралот во општеството. Имала над 1.880 премиери на различни сцени низ светот.

„Музичкиот времеплов“ на српските уметници Андрија Минчиќ, Тадија Минчиќ Никола Цветковиќ ќе се одржи во црквата „Света Софија“.

Андрија Минчиќ дипломирал во класата на професор Анте Гргин, а потоа специјализира камерна музика на Факултетот за уметности при Универзитетот во Ниш. Како солист настапува на преку 200 концерти во земјата и во странство. Во март 2013 година ја започнува педагошката кариера како доцент на одделот за дувачки инструменти на Факултетот за уметности во Ниш каде предава кларинет и други предмети. Како саксофонист свири: џез, фанк, поп, електронска музика, а член е на Нишкиот Биг Бенд оркестар и други ансамбли.

Тадија Минчиќ е роден во 1990 година во Ниш и започнува да учи фагот со професорот Мирко Исаески, а дипломира и магистрира во класата на професорот Еберхард Маршал на Универзитетот за музика и изведувачки уметности во Минхен. За време на студиите добитник е на 12 први награди на различни национални и интернационални натпревари и остварува солистички настапи со Симфонискиот оркестар од Ниш и со Камерниот оркестар од Солун. Од 2021 година е ангажиран како прв соло – фаготист на Симфонискиот оркестар на РТС во Србија, како и во Филхармонијата во Дортмунд.

Пијанистот Никола Цветковиќ дипломира и магистрира на Факултетот за уметности во Ниш во 2013 година. Како соло уметник и камерен музичар настапувал во земјата и странство. Во 2017 година со дозвола на шведскиот бенд „Кататонија“, го издал албумот „Цветковиќ свири Кататонија- колекција на песни за соло пијано“ по што добива одличен одзив од почитувачите на нивната музика од целиот свет./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дебата во Собранието за извештаите на ЕК за владеењето на правото

Во Брисел самит, а во Скопје дебата околу извештаите на ЕУ за владеењето на правото.. 

Дебата во Собранието за извештаите на ЕК за владеењето на правото

Корупцијата го кочи напредокот на земјата кон Унијата, затоа е потребно функционално владеење на правото и доследното спроведување на законите за враќање на довербата во правосудството, порача известувачот за Македонија во Европскиот парламент Томас Вајц. Тој во видео обраќање пред македонските пратенции во дебата посветена на владеењето на правото порача дека земјава ги спровела реформите и дека доколку го надмие спорот со Бугарија може да биде предводник во преговорите со ЕУ. Дека е потребно усвоените реформи во правосуството да не останат на хартија, туку да се спроведат и на дело од дебатата порачаа и швајцарскиот и шведскиот амбасадор во земјава.

За последните оценки во Извештајот за напредокот на земјава во однос на влАдеењето на правото и борбата против правосуството ставовите ги вкрСтија и власта и опозицијата.

На собраниската дебата беа презентирани забалешките за владењето на правото кои се повтруваат во псоледните три извештаи од Европската Комисија, а кои пред се се однесуваат на борбата против корупцијата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонското друштво за патишта се зачлени во Европската асоцијација за асфалтни коловози – ЕАПА

Македонското друштво за патишта се зачлени во Европската асоцијација за асфалтни коловози – ЕАПА..

Македонското друштво за патишта се зачлени во Европската асоцијација за асфалтни коловози – ЕАПА

Со ова членство се овозможува поголема вклученост на македонските стручни кадри во европските професионални мрежи како и можност за следење на новите технологии и стандарди во областа на асфалтните коловози.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Спејс Икс прв пат „улови“ Старшип по враќање од орбитата- истото летало повторно може да полета за неколку недели (ВИДЕО)

SpaceX успешно го слета својот вселенски брод Starship за прв пат по враќањето од орбитата на Земјата, користејќи ги џиновските механички краци на кулата за лансирање во Starbase во Тексас. 

Спејс Икс прв пат „улови“ Старшип по враќање од орбитата- истото летало повторно може да полета за неколку недели (ВИДЕО)

Историскиот маневар беше изведен на 14 ноември, по 22,5 часа лет и 14 орбити околу Земјата. Основачот на компанијата, Елон Маск, рече дека истиот вселенски брод би можел повторно да лета по само неколку недели подготовка.

Старшип, означен како Ship 42, беше лансиран на 13 ноември како дел од 15-тиот тест лет на ракетниот систем. За време на престојот во орбитата, распореди 26 сателити Starlink V3, а потоа започна контролирано повторно влегување низ атмосферата на Земјата.

Во последните фази од неговото спуштање, три мотори Raptor го забавија вселенскиот брод и го доведоа во вертикална положба. Starship потоа беше прецизно воден помеѓу два механички крака на кулата за лансирање, позната како Mechazilla, кои го фатија и го држеа над лансирната рампа.

Маневрот беше успешно завршен околу 22:20 часот по средноевропско време, речиси 23 часа по лансирањето.

Спејс Икс претходно го користеше овој систем за да ја прифати првата фаза од Супер Тешкиот брод, но ова е прв пат успешно да се обнови горна фаза која претходно достигна орбитална брзина и помина низ атмосферата при враќањето на Земјата.

Маск: Топлинскиот штит и моторите изгледаат одлично

По враќањето, Маск го прегледа бродот 42 и на 15 ноември, на социјалната мрежа X, процени дека вселенското летало можеби нема да бара обемна работа пред следното лансирање.

„Го прегледав целиот топлински штит на Старшип. Генерално, изгледа одлично. И моторите изгледаат одлично. Бродот 42 веројатно би можел повторно да лета по неколку недели подготовка“, напиша Маск.

Сепак, тој призна дека SpaceX сè уште треба да имплементира голем број технички подобрувања за да ја постигне целта Старшип да биде повторно употреблив без големи интервенции, слично на комерцијалните авиони кои бараат само закажано одржување помеѓу летовите.

Компанијата сè уште не објави датум за следниот лет на бродот 42, ниту потврди дека ова конкретно вселенско летало ќе се користи на следната мисија.

Успешното враќање им овозможува на инженерите темелно да го прегледаат топлинскиот штит, моторите и структурата по целосен орбитален лет. Од особена важност е состојбата на илјадниците заштитни плочи кои мора да издржат екстремна топлина при враќање од орбитата со голема брзина.

Супер Хеви не успеа да се врати на лансирната рампа

И покрај успешното враќање на Старшип, SpaceX не ги постигна сите планирани цели на 15-тиот тест лет.

Првата фаза од ракетата, Супер Хеви, опремена со 33 мотори Раптор, требаше да се врати на лансирната рампа по одвојувањето, каде што ќе биде подигната од истиот механички систем на рачки.

Сепак, за време на маневрот за враќање, работата на моторот беше прекината порано од планираното поради проблеми со преостанатата количина гориво.

Потоа, системот за автоматска контрола го напушти пристапот до лансирниот комплекс и ја насочи првата фаза кон однапред одредена безбедна зона над Мексиканскиот Залив.

Супер Хеви изврши конечно согорување на својот мотор за спуштање, по што беше активиран системот за негово уништување. Првата фаза беше изгубена, а SpaceX истражува зошто маневрот за повторно влегување не помина според планот.

Компанијата досега не успеа да се опорави и да ги прифати обете фази од ракетниот систем за време на една мисија.

Следниот предизвик е повторно лансирање на истото возило

Успешното прифаќање на Starship е важен чекор кон развој на целосно повеќекратно употреблив ракетен систем, но само по себе сè уште не докажува дека возилото може брзо и економично да се употреби повторно.

SpaceX со години успешно ги обновува и повторно ги користи првите фази од ракетата Falcon 9, додека нејзината горна фаза се отфрла по мисијата. Starship е дизајниран така што обете фази можат да се обноват и да се користат повеќе пати, што би ги намалило трошоците за лансирање и би овозможило пократки интервали помеѓу мисиите.

Системот е важен и за американската вселенска агенција НАСА, која избра модифицирана верзија на Starship за слетување на астронаути на Месечината како дел од програмата Artemis. Дополнителни технологии, вклучително и пренос на големи количини криогено гориво помеѓу вселенските летала во орбитата, треба да се демонстрираат пред да можат да се извршат вакви мисии.

Повторното лансирање на Ship 42 би бил следниот важен чекор во докажувањето на повторната употребливост на горната фаза на Starship. Сепак, за да се докаже економската одржливост на концептот, ќе биде потребно да се покаже дека истото вселенско летало може да извршува повеќе мисии со кратки интервали на летови и ограничени трошоци за подготовка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер