Младите Европејци се повеќе се определуваат за „Федерална Европа“ - Канал 5

Живот

Младите Европејци се повеќе се определуваат за „Федерална Европа“

Изборите покажаа тренд дека младите во Западна Европа се повеќе даваат поддршка на партиите кои се залагаат за „Федерална Европа“, односно за трансформација на Европската Унија во „Соединетите европски држави“.

Младите Европејци се повеќе се определуваат за „Федерална Европа“

Паневропската федералистичка социјал-либерална и прогресивна партија Волт на последните Европски избори го зголеми контото на своите гласови за дури петпати, што, според анализите на изборните резултати, првенствено се должи на поддршката од младите гласачи.

Изборите покажаа тренд дека младите во Западна Европа се повеќе даваат поддршка на партиите кои се залагаат за „Федерална Европа“, односно за трансформација на Европската Унија во „Соединетите европски држави“, концепт на кој се противат десничарските партии.

Така, партијата Волт во Германија освои еден милион гласови или 2,6 проценти. Но, процентот на младите на возраст од 16 до 24 години кои гласале за оваа партија достигна околу девет отсто од вкупниот број гласови.

Во Холандија, Волт постигна уште подобар резултат освојувајќи 5,1 проценти од гласовите, на Кипар 2,9 отсто, а во Луксембург 1,04 проценти. Во неколку членки на ЕУ, Волт настапи во коалиција со центристички или зелени партии. Вкупно, Волт во новиот Европски парламент има петмина европратеници, за според од само едниот мандат во претходниот парламентарен состав.

Подобри резултати постигнаа и другите профедералистички партии. Па така, австриската либералната партија НЕОС освои 10,14 отсто од гласовите, при што процентот на младите на возраст под 29 години што го дадоа гласот за оваа партија изнесува околу 17 отсто.

Аналитичарите посочуваат различни причини за растот на популарноста на федералистичките партии. Некои тоа го припишуваат на разочараноста на гласачите од зелените партии, па решија да дадат поддршка на некоја друга прогресивна партија со нагласена климатска политика, како што е Волт. Други, подемот на Волт го припишуваат на нивната програма во која имаше нагласен дел за положбата на младите.

Зголемената поддршка за федералистичките партии меѓу младите, не се отслика и меѓу повозрасните гласачи, што се смета за показател на генерацискиот јаз. Всушност оние кои во голем дел решија да гласаат за федералистичките партии се избирачите кои се родени и израснати во Европската Унија во онаа форма во која е препознатлива денес.

Тие можеби и не се „европски федералисти“ во традиционална смисла на зборот, но сепак поддржуваат партии кои се залагаат за зајакнати надлежности на Брисел и поголема интеграција на ЕУ.

Сепак, традиционалните федералисти стравуваат дека подемот на федералистичките партии може да доведе до поларизација и идејата за федерализација на Европа, по примерот на зелената платформа, да прерасне во политичка играчка наместо да претставува јавно добро.

Генералниот секретар на невладината организација Унијата на Европа - Германија (ЕУД), Кристијан Мус, смета дека „федерализмот нуди позитивна визија за иднината“ за разлика од понудата германската екстремно десничарска Алтернатива за Германија (АФД).

Според него, ова укажува дека некои млади гласачи избрале да веруваат во иднината на обединета Европа.

Во сличен контекст размислува и претседателката на Младите европски федералисти, Кристел Савал, која посочува дека во време на дебата за проширувањето на Унијата и промени во основачките договори, на агендата се враќа и прашањето за федерализмот.

- Резултатите од 9 јуни се ран показател за оно што ќе следи, смета Савал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косел трева, па запалил пожар во с. Брезница- уапсен е

Лишен од слобода маж од Македонски Брод, предизвикал пожар во село Брезница.

Косел трева, па запалил пожар во с. Брезница- уапсен е

На 05.09.2026 полициски службеници од ОВР Македонски Брод го лишија од слобода М.Т.(38) од Македонски Брод, постапувајќи по пријава дека на 05.09.2026 околу 10:00 часот предизвикал пожар во с.Брезница, Македонски Брод, така што од искрење на бензински тример за косење, во близина на неговата куќа во с.Брезница, настанал пожар кој се проширил кон соседните имоти.

Повредени лица нема, а пожарот е изгаснат од екипа од ЈП „Национални шуми“ и локалното население. По документирање на настанот ќе следува соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Инцидент во Англија: Навивач му удри шлаканица на фудбалер (ВИДЕО)

Натпреварот помеѓу Портсмут и Кардиф, кој се одигра вчера во рамките на 5-тото коло од Чемпионшип, беше нарушен со инцидент во кој гостинскиот играч Кристијан Биелик влезе во физичка пресметка со млад навивач. 

Инцидент во Англија: Навивач му удри шлаканица на фудбалер (ВИДЕО)

Сето тоа се случи во 70-тата минута на стадионот Фратон Парк, при што Портсмут водеше со 2-0. Натпреварот заврши со тој резултат.

Поранешниот ученик на фудбалската академија на Арсенал се обиде да ја добие топката што заврши на трибините. Снимките од инцидентот покажуваат како навивачот ја фрла топката од него, на што Биелик реагираше фаќајќи го навивачот за вратот и туркајќи го подалеку. Младиот навивач потоа стана и се обиде да возврати.

Натпреварот беше накратко прекинат, а навивачот кој беше зграбен за вратот од фудбалерот беше отстранет од стадионот. Биелик не беше санкциониран.

Изјави по натпреварот

Тренерот на Кардиф, Брајан Бери-Мерфи, рече дека навивачот го удрил Биелик и ја пофали реакцијата на судијата.

„Сакав да проверам дали е заштитен и дали е добро, и беше. Судијата и неговите помошници се справија со ситуацијата беспрекорно, според мене. Тој рече дека јасно видел што се случило, ги смирил сите и ја спровел правилната постапка. Играчите постојано се изложени на неприфатливи ситуации“, рече тој.

Менаџерот на Портсмут, Џон Мусињо, им се извини на Кардиф и нивните играчи.

„Судијата објасни дека имало врева кога Кристијан тргнал по топката и еден навивач го удрил. Не беше убаво да се види. Само го видов и е добро, но тоа не е важно, вакви работи не треба да се случуваат. Сакаме да создадеме вжештена атмосфера на Фратон Парк, во што успеавме во последните години. Понекогаш се преминува границата, го разбирам тоа, но не мислам дека има потреба од вакви сцени. Им се извинуваме на играчите и на Кардиф и ќе направиме сѐ што можеме за да се осигураме дека ова нема да се повтори.“

Тагови: навивач фудбалер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници .

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници стационирани во дел од регионот што го прогласи за безбедносна зона. Израелската војска издаде предупредување за евакуација за област во близина на зграда во јужниот либански град Араб Салим, велејќи дека ќе ја нападне бидејќи ја користи Хезболах.

„Вие сте во близина на објект што ѝ припаѓа на терористичката организација Хезболах, против која израелската армија ќе спроведе операции“, соопшти војската во порака на арапски јазик на Телеграм, која вклучуваше и мапа на зоната за евакуација. Немаше коментар од групата поддржана од Иран.

Израелската војска во вторник соопшти дека нападнала складишта за оружје во јужен Либан кои биле наменети за Хезболах. Борбите во Либан се намалија од јуни, по рамковниот договор меѓу САД и Иран.

Но, Израел продолжува со спорадични воени операции на југ, каде што одржува присуство по должината на граничниот појас широк околу десет километри.

Како знак на поддршка за Техеран, Хезболах почна да извршува напади врз Израел од почетокот на март, што го вовлече Либан во регионална војна. Израелските напади досега одзедоа повеќе од 4.300 животи, според либанските власти.

Тагови: израелски напад Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер