Мицкоски ги соопшти имињата на министрите на ВМРО-ДПМНЕ во новата влада

ВМРО ДПМНЕ вечерва ги потврди кадровските решенија во идната влада.

Лидерот на ВМРО-ДПМНЕ и мандатар за состав на идната влада Христијан Мицкоски вечерва по седниците на Извршниот и Централниот комитет на ВМРО-ДПМНЕ ги соопшти имињата на министрите во новата влада.

Гласањето за новата влада очекувам да биде во текот на следниот викенд 22-23 јуни, рече мандатарот Христијан Мицкоски, откако вечерва ги соопшти кандидатите за членови во новата влада од коалицијата „Твоја Македонија“ на ВМРО-ДПМНЕ за кои доби едногласна поддршка од Извршниот и Централниот комитет на партијата. Мицкоски објави имиња на 15 кандидати за членови на владата чиј генерален секретар најави дека ќе биде од редовите на ВМРО-ДПМНЕ, а како што рече, привршуваат преговорите за другите ешалони со коалициските партнери коалицијата „Вреди“ и партијата ЗНАМ.

-Од партиските тела добив мандат за преговори и за состав на новата влада и тие успешно завршија. Новата влада ќе биде составена од партиите кои се дел од коалицијата Твоја Македонија, коалицијата Вреди и политичката партија ЗНАМ, влада која има широка поддршка од електоратот повеќе од 600.000 гласа освоени на изборите кои што завршија на 8-ми мај, и сигурен сум во 2/3 поддршка за определени законски решенија, реформски законски решенија кои што во периодот кој што следи ќе бидат донесени во македонското Собрание, наведе Мицкоски на прес-конференција.

Мандатарот го предлага досегашниот технички министер за внатрешни работи Панче Тошковски за министер во овој ресор, за надворешни работи и надворешна трговија актуелниот градоначалик на Општина Аеродром Тимчо Муцуски, а за финансии потпретседателката на ВМРО-ДПМНЕ Гордана Кочоска Димитриеска. За заменик претседател на Владата и министер за транспорт партискиот потпретседател е предложен партискиот потпретседател и пратеник во повеќе мандати Александар Николовски, во ресоротот одбрана Владо Мисајловски, пратеник и поранешен министер за транспорт, а за информатичко општество и дигитална трансформација досегашниот дополнителен заменик министер во овој ресор Стефан Андоновски. Министер за локална самоуправа ќе биде поранешниот директор на ЈП „Водовод и канализација“ Златко Пирински кој во изминатиот период го водеше и кабинетот на Мицкоски.

Во новоформираното Министерство за енергетика, рударство и минерални суровини е предложена Сања Божиновска, актуелен член на ИК и експерт во енергетиката, Цветан Трипуновски во земјоделство, шумарство и водостопанство како кадар со долгогодишно искуство во ресорот, професорката Весна Јаневска во образование и наука, во Министерството за култура и туризам актерот Зоран Љутков, а во Министерството за спорт ракометарот Борко Ристовски.

Вицепремиерски мета ќе имаат коалициските партнери Социјалистичката партија и Демократската партија на Србите. Љупчо Димовски, претседателот на СП ќе биде вицепреиер и министер за политички систем, Иван Стоиљковиќ, претседателот на ДПС, за вицепреиер задолжен за односи со заедниците, а Шабан Салиу за интеграција и имплементација на декадата на Ромите.

-При изборот на кадровскиот потенцијал и решенија за состав на новата влада се водев од принципите за чесност, и посветеност, да бидат луѓе кои ќе дадат голема енергија во процесите и целосно ќе се вложат за реализација на амбициозните зацртани цели. Го немаме луксузот да не се успее, ниту пак да се прават репризи на минати владеења каде ќе се загуби врската со единствениот суверен народот. Во овие луѓе кои ги предлагам имам голема надеж и заедно не чека многу работа, мора да ги засукаме ракавите од првиот ден. Состојбите се очајни и потребни се најпрвин стабилизирање на состојбата, а потоа и брзи резултати, рече Мицкоски.

Претставувајќи ги одделно кандидатите за министри за Тошковски наведе дека во изминатите речиси четири месеци ја извршуваше сосема успешно функцијата технички министер во ова министерство и оти верува во неговиот потенцијал и капацитет за остварување на резултати во борбата против корупцијата и криминалот и обезбедувањето на ред и поредок, а за потенцијалниот министер за одбрана Мисајловски дека е со искуство како поранешен државен секретар во МНР и оти активно работел за исполнување на високите критериуми за членство во НАТО од таа позиција.

Според Мицкоски, потенцијалниот шеф на дипломатијата Муцунски има богато искуство во меѓународните односи бидејќи бил меѓународен секретар на ВМРО-ДПМНЕ, а негова задача рече дека ќе биде промоција на стратешките цели на Македонија на меѓународен план, како и привлекување на инвестиции и поврзување на македонските компании со потенцијални партнери и зголемување на надворешната трговија.

Николоски кој ќе раководи со Министерството за транспорт, според Мицкоски, е човек со долгогодишно политичко искуство, а на оваа позиција доаѓа со голема амбициозна задача за реализација на многу проекти од стратешко значење за државата, патно и инфраструктурно поврзување.

Димитриеска Кочоска, пак, истакна мандатарот, е човек со големо искуство од областа на финансиите, макроекономското работење која е мој соработник уште во периодот кога заедно работевме во ЕЛЕМ и која сум убеден дека ќе работи чесно и посветено, со многу енергија и голем професионализам.

Стефан Андоновски кој е предложен за министер за информатичко општество и дигитална трансформација, според Мицкоски, ќе има пред себе важни и суштински проекти со кои, како што реле, ќе имаме за цел нулта толеранција на криминалот и корупцијата, зголемување на транспарентноста и нешто што ќе биде мој фокус во годините кои следат да не ни се случува како до сега за неколку стотина денари да не се вади за стотина денари извод од матична книга на родени. За Јаневска, пак, дека има богата научна кариера, политички ангажмани и оти досега успешно ја водеше Комисијата за образование на ВМРО-ДПМНЕ.

За Ристовски како иден министер з аспорт мандатарот посочи дека е познат ракометар, со домашни и меѓународни успеси, кој гордо и достоинствено ја преставува државата како на репрезентативен така и на клубски план и оти сега ќе има можност лично да придонесува за развојот на македонскиот спорт. Сања Божиновска, предлогот за министер за енергетика, рударство и минерални суровини, посочи, има огромно работно искуство во најголемите компании од пазарот на енергетиката и економските системи, а Цветан Трипуновски пак е со огромно искуство и речиси целиот свој работен век го посвети на земјоделието.

Претставуивајќи го предлогот за министер за култура, наведе дека Зоран Љутков, има блескава актерска кариера и врвни достигнувања во светот културата и се надевам на сериозен ангажман за промоција на културните вредности и поддршка за развој на туризмот.

- Ова се 15-те предлози плус претседателот на владата се уште ги немам официјално добиено предлозите од коалиционите партнери кои се потенцијалните имиња, претпоставувам дека тоа ќе се случи во текот на утрешниот ден бидејќи веќе во вторник заедно со програмата за работа на идната македонска влада предлогот ќе дојде во Парламент и очекувам успешна реализација односно гласање на истата да заврши во текот на следниот викенд 22-23 јуни, рече Мицкоски.

Истакна дека имаат амбициозен план за реформи и проекти чија реализација ќе почне од првиот ден. - Веќе неколку работи уште непочнати што беа наша главна и основна цел и ветување во време на кампањата ги испорачавме но сега треба да испорачаме и проекти и решенија и да го направиме она што е најважно а тоа е да ја вратиме Македонија на народот. Ова ќе биде влада за тебе, работа за сите вас, наведе мандатарот Мицкоски.

Кадровското решение за генералниот секретар на владата што ќе биде од редовите на ВМРО-ДПМНЕ како што најави ќе се знае многу скоро и ќе биде на дневен ред на првата седица на владата.

Предлог составот и програмата на владата Мицксоки ќе ги достави до Собранието задутре, по што треба да биде закажана собраниска седница за избор на новиот владин кабинет.

Какви ефекти ќе донесе буџетската дупка и јавниот долг од 68% од БДП?

Зголемувањето на дефицитот на 720 милиони евра е загрижувачка вест, стигнаа првите оценки од економските експерти по вчерашното презентирање на ребалансот на буџетот.

Со прекројувањето на државната каса се обезбедија повеќе пари за плати, околу 66 милиони и за пензии 80 милиони евра. Домашните експерти сугерираат дека со ова може да се доведе во ризик развојната компонента на буџетот.

-Понатамошното преземање на двете обврски и на двете категории, плати и пензии, дополнително ја става во ризик развојната компонента на буџетот и доколку не се преземат ригорозни чекори во следниот процес на планирање на буџетот, ние имаме сериозни притисоци по основ на развојната компонента,- Благица Петрески – „Фајнанс тинк“ .

Петрески има забелешки и за проекциите на капиталните инвестиции. Очекува за следното планирање на годишниот буџет да да има посериозен план и да се води сметка за намалување на задолжувањата, за кои вели дека сега се неопходни за бизнисот и отплата на старите долгови.

-Ние и од претходната анализа на 8 годишен тренд на буџетот, забележавме сериозни слабости во процесот на планирање, особено во капиталните расходи кадешто имаме хронична подреализација што упатува на потенцијална можност на нереално надувување на капиталните расходи во процесот на планирање и нивно понатамошно кратење со ребаланс.

Клучните препораки за следниот период е да имаме посериозно планирање во делот на буџетот, но и да се преземат поригорозни чекори во делот на фискалната консолидација,- Благица Петрески – „Фајнанс тинк“ .

Денеска на домашниот пазар пак имаме ново задолжување со државни обврзници од речиси 48 милиони евра за тековните реализации на буџетот, прво по формирање на новата влада. Според информациите од берзата, овие хартии од вредност се без девизна клаузула, со единечна номинална вредност од 10 илјади денари и каматна стапка од 5,6 отсто.

Инаку освен договорениот заем од Унгарија од пола милијарда, Владата најави дека на почеток на следната година ќе бара нов заем оттаму за да отплати еврообврзница од претходната власт, а министерката Димитриеска Кочоска рече дека во спротивно ќе треба да се земе нова еврообврзница која би била со повисоки камати.

Со ребалансот јавниот долг ќе достигне 68 посто од БДП. Корекции има и кај растот - од првично проектираните 3,4 отсто на 2,1 отсто.

Скандал: Пратеникот на ДУИ Дураку одби на одговори на македонски

Пратеникот на ДУИ од „Европскиот фронт“, Садула Дураку, спротивно на Устав и закон од собраниска говорница во прес-центарот на Парламентот одби да одговори на новинарско прашање на македонски јазик.

На новинарите им порача да си најдат превод бидејќи албанскиот јазик, според него, бил службен во земјава. Одговорајќи на прашање само на албански за апсењето на поранешниот припадник на ОВК, од страна на македонската полиција, иако беше замолен истиот став да го повтори и на македонски, во интерес на јавното информирање, тоа не го направи, иако прес-конференцијата беше свикана токму од „Европскиот фронт“, а превод не беше обезбеден.

- Дали може ова истотво да ни го кажете и на македонски?, праша Канал 5.

Одговори Дураку на албански- Имате превод, преведете, албанскиот јазик е службен јазик..., им порача Дураку на новинарите.

За разлика од Дураку, кој е екс вицепремиер и министер, во јавноста познат и како „Командант Вентили“ како учесник во конфликтот од 2001, дел од неговите колеги од ДУИ беа расположени да зборуваат на македонски јазик. Координаторот на пратеничката група, Блерим Беџети потврди дека ДУИ преку законски и уставни решенија ќе бара автентично толкување на Рамковниот договор и како што велат почитување на волјата на гласачите. Беџети потврди и дека еден од авторите на Охридскиот рамковен договор е Пол Вилијамс е дел од меѓународен експертски тим кој го ангажирале за да им скрои ваква платформа.

Од коалицијата „Вреди“, ваквите најави на ДУИ ги сметаат за неосновани. Според нив нема потреба од автентично толкување на Охридскиот договор, бидејќи тој на никаков начин не е загрозен.

Лидерот на ДУИ Али Ахмети викендов на состанокот во Гостивар најави дека ДУИ подготвуваат закон за формирање влада, бидејќи како што рекол, ВМРО-ДПМНЕ „не го прочитале или не знаат да го читаат Охридскиот договор“. Покрај платформата која ја подготвуваат, лидерот на партијата Ахмети соопштил и дека од септември ќе излезат на протести пред Влада и Собрание...

Активни 15 пожари, најкритично на планината Серта, армијата испраќа дополнителен број војници

15-ина пожари и натаму ја пустошат Македонија.Најкритично е на планината Серта, состојбата е непредвидилива и со пожарите околу Росоман, а добра вест е што пожарот кај Радовиш е ставен под контрола.

Oд денеска дополнително се активира и армијата.

Во живо во овие вести ја вклучуваме Елизабета Дамјаноска Спасеновска. Бети, ти си над селото Пепелиште.

Каква е попладнево состојбата на Серта и уште колку војници тргнуваат на помош?

Целиот извештај погледнете го во видеото.

притисни ентер