Листа на автомобили кои најдолго може да возат на резерва

Колку долго трае резервата за гориво откако ќе се вклучи познатото светло на контролната табла? Тоа е прашање кое може да биде од пресудно значење во одредени моменти.

Особено во денешно време, кога цените на горивото продолжуваат да растат и се почесто возачите го полнат резервоарот само откако ќе се вклучи резервата.

Возење на резерва, растојанието што може да се помине пред да запре моторот поради недостаток на гориво е обично доволно за да се стигне до најблиската бензинска пумпа. Сепак, не е препорачливо да се достигне оваа екстремна ситуација и да се ризикува најлошото.

Сепак возењето на резерва е нешто што секогаш може да се случи поради лоша прогноза или некои други околности.

Британскиот „Compare The Market“ ја анализираше автономијата на расположливата резерва на популарни автомобили кои редовно можат да се видат во сообраќајот со бензински и хибридни мотори и припаѓаат на различни категории.

Ова се растојанија што може да ги помине секој модел откако ќе се запали индикаторот за резерва.

Автомобили кои најдолго може да возат која ќе светне сијаличката за резерва:

Volkswagen Passat (120 километри)

Volvo V40 (113 километри)

Форд Мондео (112 километри)

BMW Серија 5 (109 километри)

Тојота Приус (107 километри)

Мерцедес Е-класа (103 километри)

Audi Q5 (102 километри)

Range Rover Sport (101 километар)

Дечанскиот манастир предупредува на дезинформации: Во манастирот Бањска не е пронајдено оружје

„Во самиот манастир Бањска и неговите простории не е пронајдено оружје. Црквата нема никаква врска со овој трагичен настан, а монасите и верниците се фатени во вкрстен оган“

Стои во соопштението на Дечанскиот манастир во врска со вчерашната вооружена пресметка во манастирот Бањска, јави дописникот на МИА од Белград.

„Вчера и денеска имаше низа дезинформации и лажни вести кои се проширија за трагичните настани вчера на Косово и Метохија. Меѓународните претставници потврдија дека косовската полиција по претресот вчера попладне открила оружје само во напуштените возила на непознати вооружени лица во близина на манастирот. Како што се наведува во вчерашното соопштение на Епархијата, вооружени лица со маски ја пробиле заклучената порта на манастирот и размениле оган со полицијата“, се наведува во соопштението од Дечанскиот манастир, предмалку објавено на Фејсбук.

„Според меѓународни извори во Косово, при претресот во манастирот и неговите објекти, не е најдено оружје. Црквата немаше никаква врска со овие трагични настани, а монасите и верниците се најдоа само во вкрстен оган. Фала му на Бога што никој во манастирот не беше повреден. Верниците од Нови Сад се очекува денеска да се вратат дома“, се наведува во соопштенеито.

Во него се додава дека злонамерните напади и ширењето лажни информации на некои социјални мрежи на Косово, кои се насочени кон СПЦ, нашите монаси и поклоници во манастирот Бањска, кои претрпеа голем стрес и поминаа низ тешка ситуација, не придонесуваат за мир, туку само ги зголемуваат меѓуетничките тензии во Косово.

СПЦ на Косово беше меѓу првите што вчера го осуди насилството на северот на Косово, повика на мир и изрази сочувство за сите што ги загубија животите.

-Нашите монаси и верници во манастирот Бањска, каде вооружена група влезе насилно бегајќи од полицијата и даваше отпор, беа изложени на директна опасност за нивната безбедност и заслужуваат солидарност и почит, наведуваат од Дечанскиот манастир, во кое се потенцира дека СПЦ останува цврсто ангажирана во решавањето на сите проблеми на Косово по мирен пат и преку дијалог.

Пациентите со дијабет се жалат на дискриминација

За дел од дијабетичарите има ленти и глукометри во инсулинските аптеки, за други нема. 

По десет месеци чекање, никако да стигнеме до нив иако државата има обврска да ни ги даде на сите, оти ние ѝ плаќаме данок, ама надлежните не испорачуваат, вели Бојан Киров. Тој 46 години живее со дијабет тип 1, а појаснува дека е гневен и разочаран и нема веќе каде да се жали, поради тоа, решил правдата да ја бара на суд. Ќе ја тужи државата, оти смета дека за дискриминацијата и прекршувањето на основните човекови права за здравствена заштита, некој мора да одговара.

Додека дел од пациентите воопшто не добиле, оние посреќните за кои во аптека имало глукометри и ленти се сомневаат во нивниот квалитет, бидејќи на нив немало ниту бар кодови, ниту декларации, а некои лентите ги добиле завиткани во ќесички, наместо во кутии. Ова го пријавиле во својот Сојуз на здруженија на дијабетичари.

Инаку, од околу 135.700 пациенти со дијабет, 45.500 се на инсулинска терапија од кои повеќе од 600 деца. Овие пациенти речиси од почетокот на годинава немаат ленти и глукометри, а кој и како ќе ја надомести материјална штета, стравот, нервозите и неизвеснота во тој период засега нема одговори од надлежните, туку само ветување од Министерот Меџити дека ова нема да се повторува.

САД острo ги осудија насилните напади врз полицијата на Косово

Повикаа на воздржаност од Белград и Приштина.

САД најостро ги осудуваат вчерашните „координирани“ насилни напади врз полицијата на Косово во близина на манастирот Бањска и изразуваат длабоко сочувство до семејството на косовскиот полицаец убиен за време на служба.

Како што изјави државниот секретар Ентоно Блинкен денеска, „сторителите на ова злосторство мора да бидат повикани на одговорност преку транспарентет процес“.

-Ги повикуваме властите на Косово и Србја да се воздржат од секакви акции и реторика кои можат и понатаму да ги разгорат тензиите и веднаш да пристапат кон координација со меѓународните партнери да се деескалира ситуацијата, да се обезбеди сигурност и владеење на правото и да се вратат на дијалогот со посредство на ЕУ, изјави тој.

Од САД укажуваат дека косовската полција е целосно одговорна за спроведување на законот во Република Косово.

Оттаму високо ја оценуваат тесната координација на косовската полиција со мисијата на ЕУ за владеење на правото и со силите на НАТО, посебно во обезбедување сигурност за цивилите.

САД продлжуваат да го следат текот на настаните и се координираат со сите вклучени страни, се посочува во соопштението.

притисни ентер