Лекари и медицински сестри од Армијата од утре на помош во клиниките, најави Шекеринска

Ангажманот на Армијата и поддршката на нашите созјузници покажа колку е важно, кога е мака да не си сам и колку ни беше важно членството во НАТО, вели Шекеринска. 

Министерството за одбрана чека насоки од Кризниот штаб и од Министерството за здравство за поставување на припадници на АРМ пред болницата во Штип, кај дел од болниците почна од петокот, а за останатите болници согласно гужвите и притисокот очекува да стратува во текот на наредната недела, соопшти денеска од Штип, министерката за одбрана, Радмила Шекеринска. Посочи дека како армија ги имаат капацитетите, луѓето и искуството.

-Ние сме подготвени во секој момент за помалку од 24 часа да се поставиме на бараните локации. Во понеделник веќе одреден број на доктори и медицински сестри, коишто работеле исклучиво во полза на војската сега целосно ќе бидат отстапени на кацитетите на јавното здравство и ќе бидат распоредени во различни клиники. Веќе обезбедивме санитетски возила, коишто се на располагање на Министерството за здравство и на здравствените установи, рече Шекеринска.

Таа додаде дека во петокот голема количина на брзи тестови, кои како армија ги имаат добиено по пат на донација од Министерството за одбрана на Кралството Норвешка се дадени на јавните здравствени установи.

-Ангажманот на Армијата и поддршката на нашите созјузници покажа колку е важно, кога е мака да не си сам и колку ни беше важно членството во НАТО, вели Шекеринска.

Болтон: Трамп нема идеја како да стави крај на војната во Украина

 Републиканскиот претседателски кандидат Доналд Трамп нема идеја како да стави крај на војната во Украина, изјави неговиот поранешен советник за национална безбедност Џон Болтон во интервју за Си-ен-ен.

Болтон алудираше на изјавата на Трамп, дадена за време на неодамнешниот разговор со претседателот Володимир Зеленски, дека ќе донесе мир и ќе стави крај на руско-украинската војна.

- Тоа е лудост. Тој нема поим како ќе преговара и како ќе стави крај на таа војна, наведе Болтон.

Поранешниот советник за национална безбедност нагласи дека блискоста на Трамп со рускиот претседател Владимир Путин ќе доведе до отстапки во корист на Москва што би биле погубни за Украина.

Дарманен: Над 4.350 лица се идентификувани како можна закана по ОИ во Париз

 Францускиот министер за внатрешни работи Жералд Дарманен синоќа изјави дека неколку дена пред почетокот на Олимписките игри во Париз спроведени се еден милион административни истраги и утврдено е оти 4.355 лица би можеле да претставуваат закан

Безбедносните истражување се спроведени за сите лица кои на каков било начин ќе учествуваат во ОИ од 26 јули до 11 август и на Параолимписките игри од 28 август до 8 септември.

Проверени се спортисти, тренери, новинари, волонтери, приватно обезбедување, дури и граѓаните кои живеат во близина на одржувањето на церемонијата на отворање на ОИ.

Истрагата покажала дека 4.355 луѓе претставуваат закана и тие се исклучени. Осумстотини луѓе се исклучени поради сомневање за странско мешање, 360 поради „обврската да заминат од француска територија, додека за 142 било оценето дека се закана по државната безбедност. Меѓу исклучените 260 лица се регистрирани како радикални исламисти, 186 како ултралевичари и 96 како ултрадесничари.

Околу 35.000 полицајци и жандарми и 18.000 француски војници ќе ги обезбедуваат Олимписките игри секој ден.

Надал: Олимпијадата е најважниот спортски настан, се надевам ќе ја најдам потребната енергија

 Олимпијадата е најважниот спортски настан, се надевам дека ќе ја најдам потребната енергија.

Шпанскиот тенисер Рафаел Надал проговори за претстојното учество на Олимпијадата во Париз каде ќе игра во двојки со Карлос Алкараз.

-Среќен сум што сум дел од тимот на олимписки спортисти и што ја претставувам Шпанија. Ова е најважниот настан во спортот, се надевам дека ќе ја најдам потребната енергија и ќе одработам добри тренинзи, изјави Надал за шпанските медиуми.

Тениските натпревари на Олимписките игри во Париз (Франција) ќе се одржат од 27 јули до 4 август.

Дваесет и двократниот победник на Грен слем во својата богата кариера има освоено 92 титули на АТП турнири.

притисни ентер