Лејди Гага ќе ја пее химната на САД на инаугурацијата на Бајден

Голем број славни личности беа против Доналд Трамп за време на неговото претседателствување. Тие одбија да настапуваат во Белата куќа, а некои пејачи одбија да му дадат дозвола да ја свири нивната музика на изборните митинзи.

Со Џо Бајден на чело на САД, тоа се менува. Лејди Гага е најавена како пејачка на националната химна за денот на инаугурацијата на Бајден на 20 јануари.

„Чест ми е што ќе се придружам на инаугурацијата на Бајден на 20 јануари, каде што ќе ја отпеам националната химна и ќе ја прославам историската инаугурација на Џо Бајден и Камала Харис“, напиша пејачката на својот Твитер.

Корисниците на Твитер потсетија дека Гага последен пат ја изведе американската химна пред пет години како дел од Суперболот, како и дека до тогаш освоила вкупно шест номинации за Греми и една награда Оскар. Оттогаш има освоено еден Оскар и 11 Греми.

Дополнување на инаугурацијата е специјално шоу во траење од 90 минути каде како домаќин ќе биде Том Хенкс, а покрај Гага и Џеј Ло, на инаугурацијата ќе настапат и Џастин Тимберлејк, Џон Бон Џови, Деми Ловато и Ант Клемонс.

Акциска контрола на полицијата во Кавадарци и Неготино, изречени 93 мерки

Сообраќајната полиција изрекла 93 мерки за време на вчерашната акциска контрола во Кавадарци и Неготино. 

Затекнати се 11 нерегистрирани возила, десет возачи без довола, а 52 од контролираните возеле над дозволената брзина.

Портпаролот на МВР, Тони Ангеловски информира дека акциската контрола се спровела вчера, во времето од 10 до 15 часот, од страна на мобилната единица за БПС

Облачно и врнежливо

Времето денеска ќе биде претежно облачно, од пладневните часови на запад, а потоа и во останатите делови од земјата ќе има врнежи од дожд, кои на места ќе бидат пообилни. 

На планините на запад ќе врне снег. Ќе дува умерен до засилен ветер од јужен правец, особено вдолж Повардарието.

Минималната температура ќе биде во интервал од 1 до 6, а максималната ќе достигне од 6 до 12 степени.

Во Скопје ќебиде претежно облачно. Попладне ќе има врнежи од дожд и ќе дува умерен до краткотрајно засилен јужен ветер. Минималната температура ќе се спушти до 3, а максималната ќе достигне 10 степени Целзиусови.

В недела, претежно во попладневните часови, врнежи ќе има во поголем дел од земјава, ќе бидат со умерен интензитет и на места особено на запад ќе бидат пообилни (понекаде над 25 литри на квадратен метар). На планините во западните делови ќе врне снег кој од вечерните часови ќе паѓа повремено и на повисоките места. Ќе има умерен до засилен јужен ветер, а во понеделник западен ветер.

Поради продор на студена воздушна маса од понеделник кон крајот на денот ќе настапи заладување со врнежи кои ќе преминат во снег и на повисоките места. Во ноќта кон вторник на патиштата ќе има појава на замрзнат дожд и ќе започне да дува умерен до силен северен ветер. Во вторник ќе е ветровито и до крајот на денот врнежите ќе преминат во снег во поголемиот дел од земјата.

Утрински температури над нулата, најмногу снег на Попова Шапка

Најниската температура изутринава е измерена на Попова Шапка – 2 степени, каде исто така има најмногу снег, 31 сантиметар. 

Температурите во другите делови од земјата се над нулата и тоа во Гевгелија, Струмица и Берово се измерени нула степени, во Скопје – Петровец еден, во Тетово два, во Крушево, Лазарополе и Маврово три степени, во Скопје-Зајчев Рид и Прилеп четири степени, во Куманово и Претор пет степени, во Битола шест, во Охрид седум, во Крива Паланка и Дојран девет, во Штип и Демир Капија десет степени.

Во текот на ноќта и утрово времето беше умерено до значително облачно. Само во западните делови облачност се намали. Дуваше слаб до умерен ветер претежно од југоисточен правец. Ветерот беше најинтензивен во Штипско.

Времето денеска претежно облачно, од пладневните часови на запад, а потоа и во останатите делови од земјата ќе има врнежи од дожд, кои на места ќе бидат пообилни. На планините на запад ќе врне снег. Ќе дува умерен до засилен ветер од јужен правец, особено вдолж Повардарието. Максималната температура ќе биде во интервал од 7 до 14 степени.

Во Скопје времето ќе биде променливо облачно. Од пладневните часови ќе има повремен дожд

проследен со умерен до краткотрајно засилен јужен ветер. Максималната температура ќе достигне 10 степени.

притисни ентер