Курти: Косовската полиција ги обиколи напаѓачите, ги повикувам да се предадат - Канал 5

Балкан

Курти: Косовската полиција ги обиколи напаѓачите, ги повикувам да се предадат

Премиерот на Косово, Албин Курти во говорот по инцидентот на влезот во селото Бањска рече дека еден полицаец го загубил животот, а друг е ранет и дека е надвор од животна опасност.

Курти: Косовската полиција ги обиколи напаѓачите, ги повикувам да се предадат

Тој рече дека косовската полиција ги опколила напаѓачите и ги повика да се предадат.

Убиен е полицаецот Африм Буњаку, водник, а Албан Рашити е ранет, рече Курти.

„Нападите на вооружените групи продолжуваат. Има најмалку 30 тешко вооружени луѓе кои се опколени од нашите сили и ги повикувам да се предадат. Тие се оние кои ја напаѓаат нашата полиција. Сторителите и нивните наредбодавачи ќе бидат фатени и казнети “, рече Курти по седницата на Советот за безбедност што се одржа во Приштина.

Тој тврди дека напаѓачите се под опсада на косовската полиција.

„Ние сме на вистинската страна и ангажирани сме за одржување на редот и законот“, рече Курти.

Курти покажа и слики од џипови без регистарски таблички, велејќи дека тие припаѓаат на луѓето кои учествувале во нападот во Бањска. Курти тврди „дека лицата во униформи без ознаки претставуваат организирана формација која дошла да се бори на Косово“.

YouTube video

На медиумската конференција присуствуваше и заменик генералниот директор на косовската полиција, Фехми Хоти, кој на прашањето дали има повредени, рече дека засега нема информации за тоа, но дека се уште има размена на оган.

Косовската полиција соопшти дека ноќеска во 2 часот и 34 минути единицата за брза интервенција на граничната полиција забележала дека на влезот во селото Бањска на мостот се поставени два камиони без регистарски таблички и дека влезот во ова село преку мостот е блокиран. Кога на ова место пристигнале единиците од станицата Звечан, како што навеле, „наишле на отпор“, биле застрелани двајца полицајци, а еден им подлегнал на повредите.

Курти и косовската претседателка Вјоса Османи ги обвинија „српските криминални банди“ за нападот врз полицајците.

На северот на Косово ситуацијата е тензична, а од терен стигнуваат вести дека специјалните сили на косовската полиција со долги цевки се и во Северна Митровица.

Управниот премин Јариње од утрово е затворен од правец Рашка кон Лепосавиќ, на главниот пат се вооружени полицајци и оклопни возила.

Рашко-призренската епархија се огласи со соопштение во кое наведува дека најостро го осудува последниот напад што се случи утринава на северот на Косово и соопшти дека „група вооружени, маскирани лица со оклопно возило влегле во самиот манастир, при што упаднале преку заклучената порта на манастирот“.

Според информациите на приштинските медиуми, на Косово дошол и специјалниот пратеник на ЕУ за дијалог меѓу Србија и Косово, Мирослав Лајчак, објави српски Телеграф.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пожар во породилиште во Исламабад: Изгореле 15 бебиња (ВИДЕО)

Најмалку 15 бебиња загинаа во пожар што избувна во болница во Исламабад, објави денес локалната телевизија „Geo TV“.

Пожар во породилиште во Исламабад: Изгореле 15 бебиња (ВИДЕО)

Пожарот избувна во болницата на Пакистанскиот институт за медицински науки (PIMS), а според телевизијата, тој бил предизвикан од дефект во системите за климатизација, објави Ројтерс.

Во времето на пожарот имало 16 новороденчиња во гинеколошкиот оддел, од кои едно било спасено.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Стратешкото партнерство со САД оди заедно со членството во ЕУ

Мицкоски се обидува да објасни дека токму нему лично не му оди во процесот на преговори со ЕУ - бидејќи, како што самиот рече, тој „разговара“, а не  „преговара“, што не е ни чудо што не му оди.

СДСМ: Стратешкото партнерство со САД оди заедно со членството во ЕУ

Второ, по сите лажни ветувања, овој тендер-патриот, лидер на промакедонска партија (бидејќи не може да биде лидер на македонска партија каде со бугарско државјанство се речиси цело раководство), шеф на организираната криминална група, сега не може да им каже на своите гласачи дека сè било лага.

Не може да им каже дека нема подобри услови, дека нема гаранции, дека нема „половични"- членства со Вучиќ, дека нема ништо од тоа.

Не може да им го каже тоа, но веќе и не мора - денес тоа им е јасно на сите.

Сега се обидува да протурка нова теза.

Нема ЕУ – вели Мицкоски, премногу им дадовме, а не добивме ништо.

Воопшто не спомнува дека не ги завршил реформите што ги вети уште во јуни, со пролонгирањето од една година што го доби минатата година.

Што вели Мицкоски?

Вели дека би бил пресреќен за воведување уште построги визи за македонските граѓани - затоа што не очекува укинување на сегашните, каде што сме на листата на трети земји… туку вели дека ќе има уште поцврсти врски и соработка.

Но што сака всушност да објасни? Дека ѝ врти грб на ЕУ, ја оддалечува земјата и го блокира европскиот пат.

Мицкоски сака да каже дека Македонија, наместо во ЕУ, треба да биде во релација само со САД, нашиот најважен стратешки партнер.

Некој треба да му објасни на Мицкоски дека оваа приказна за спинување на блокирањето на ЕУ-патот и целосна изолација на земјата не поминува со оваа теза.

Членството во ЕУ и стратешкото партнерство со Америка меѓусебно не се условуваат, напротив, се надополнуваат и создаваат синергија во интерес на Македонија, регионот и пошироката европска безбедност.

Стратешките партнерства се компатибилни. Ако го напушташ европскиот пат тоа значи и напуштање и стратешкото партнерство со САД.

На Македонија ѝ е местото во ЕУ, со стратешко партнерство со Соединетите Американски Држави и така треба да остане.

На сите денес им е јасно дека стравот од независното европско обвинителство кај Мицкоски е голем колку Америка.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожари во близина на Атина, наредена е евакуација на неколку населби

Пожари беснеат во регионот. 

Пожари во близина на Атина, наредена е евакуација на неколку населби

Властите за цивилна заштита на Грција наредиле евакуација на пет населби во близина на Атина поради големи пожари што беснеат југоисточно од главниот град и во близина на најголемата поморска база во земјата на островот Саламина, пишува грчки „Катимерини“. Освен на овие пожари, пожарникарите интервенирале и на повеќе огнени стихии северозападно од градот и во северна Грција. Поради сушата, ризикот од пожари останува висок во поголемиот дел од Грција, според грчката агенција за цивилна заштита. Земјата, кон крајот на летото, се соочува со топлотен бран со температури до 40 целзиусови степени, а се предвидува дека тој ќе трае до почетокот на следната недела. Активни пожари има и во 5 општини во Црна Гора. Како што соопшти црногорското министерство за внатрешни работи пожари беснеат во Херцег Нови, Даниловград, Колашин, Цетиње и Никшиќ. Во некој области побарана била помош и од воздухоплови за гасење на пожарите.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер