Куп пари, скандали, врски со славни личности, брзо возење:

Како децата на познатите ги фрлија во сенка своите успешни одговори

Наследниците на јавните личности сè повеќе ги полнат колумните во весниците. Некои се познати по успешната кариера, добрите песни, додека на некои најдобро им оди позирањето во скапа гардероба, скандалите и арогантното однесување.

Анастасија Ражнатовиќ, ќерка на фолк дивата Цеца, е најпопуларна на социјалната мрежа Инстаграм. Ја следат повеќе од милион луѓе, додека со својот глас и песни успеа да се избори за одлична позиција на естрадата. Како што истакна неколку пати во интервјуата, таа сака да заработува сама и токму тоа добро и оди.

-Веќе 4 години се издржувам сама, воопшто не барав пари од мајка ми. Многу сум среќна, горда сум на тоа. Најмногу заработувам од Инстаграм и годишни договори - изјави во една прилика младата пејачка.

Ќерката на Миле Китиќ и Марта Савиќ, Елена, го наследи својот талент од нејзините родители. Зад себе има неколку хитови, но никогаш не дава интервјуа и изјави во јавноста. На својот Инстаграм се фали со луксузот што го поседува. Често можеме да ја видиме со чанти „луј витон“ во вредност од 5.000 евра, а не í се туѓи ни луксузните автомобили.

Она за што најмногу се шпекулира се бројните естетски интервенции што наводно ги правела.

Софија Шашиќ, ќерката на Жељко Шашиќ и Соња Вуксановиќ, е позната по бројните скандали и арогантното однесување. Едно од нив е секако кога пред неколку години се откажа од својот татко во јавноста. Она што најмногу го погоди пејачот во тоа време беше одрекувањето на Софија и преземањето на презимето на тогашниот очув Аца Лукас. Сепак, овој проблем беше надминат со тек на време. Покрај тоа, таа неодамна беше уловена како вози брзо во „Папарацо лов“. Имено, Софија го позајмила скапиот автомобил на Лукас, а потоа неколку пати помина на црвено додека брзаше низ градот.

Ќерката на Милан Топаловиќ, Хелена, е препознатлива по нејзиниот бурен љубовен живот. Уште попозната од тоа е изјавата на Топалко за нејзините бројни афери: „Гордост на тато“! „Само да беше машко“. Одвреме-навреме, ја гледаме со некое ново момче. Последна во низата е аферата со наводно оженетиот Душан Алексиќ, сопруг на водителката Јелена Димитријевиќ од телевизијата „Хепи“, После тоа, Хелена ги негираше бројните шпекулации истакнувајќи дека тој е среќно разведен човек.

-Муабетите дека сум љубовница се чиста измислица. Нема потреба да се пишува за неговата и за мојата врска, јас својата приватност ја чувам, - рече Хелена.

Но, не беше само тој во фокусот на вниманието кога станува збор за момчињата на Хелена. Списокот е малку подолг, а сè започнува во 2012 година, кога „гордоста на Топалко“ влезе во емотивна врска со негов колега, Јоцо Стефановиќ. Потоа следеа турбулентни односи со тогашниот водител Владимир Станојевиќ, пејачот Слоба Васиќ, учесник во „Парови“ Александар Пожгај, со кого наводно разменувала љубовни пораки. Хелена не го заобиколи ни сегашниот зет на Зорица Брунцлик, пејачот Милош Вујановиќ, како и тенисерот Дамир Џумхур.

Ќерката на Здравко Чолиќ, Уна, израсна во вистинска убавица, и со своите модни комбинации и изглед секојдневно го привлекува вниманието на јавноста. На неа секогаш може да видите нешта по најнова мода, а многу се зборуваше за торбата на Уна од позната француска марка, која чини околу 1.900 долари. Чантата не би била толку посебна доколку за неа нема список за чекање. Српската блогерка Зорана Јовановиќ, тогаш се пожали дека ова парче и пристигнало по шест месеци откако го нарачала, бидејќи претходно не можела никаде да го најде.

Синот на Лепа Брена и Бобо Живојиновиќ, Виктор, го сврте вниманието на јавноста со слабеењето. Покрај слабеењето, Виктор одлично се снаоѓа и во приватниот бизнис. Тој има ресторани и фирми со кои раководи, иако претходно беше прилично немирен.

Ќерката на Харис Џиновиќ, Џина, неодамна стана мета на медиумите. Очигледно, таа ја наследи својата убавина од нејзината мајка Мелина и израсна во вистинска убавица. Ја следат 25.000 луѓе на Инстаграм, па не крие дека се забавува со фудбалерот на Црвена Звезда Андреј Ѓуриќ. Покрај ќерката Џaина, Харис и Мелина го имаат и синот Кан.

Над 30 интервенции на ТППЕ Кичево оваа година

Вработените во територијалната против-пожарна единица (ТППЕ) од Кичево во текот на оваа календарска година имале над 30 интервенции на пожари, претежно на отворен простор. 

Последниот и најголем пожар што избувна вчера кај селото Колари е целосно изгаснат, по интервенција за кичевските пожарникари со едно возило.

-Во текот на оваа календарска година сме интервенирале над 30 пати и тоа претежно на пожари на отворен простор, од опожарени контејнери, диви депонии, ниви, до куќи и сообраќајни средства. Последната наша интервенција беше на пожарот што избувна вчера во атарот на село Колибари, каде што беше опжарена површина со ситно стеблеста и дегадирана шума.На овој пожар интервенираме со едно возило и пожарот е целосно изгаснат. Причините за истиот допрва ќе се утврдуваат, бидејќи на самото место беа присутни и полициски службеници, информира Горан Соколески, командир на ТППЕ Кичево.

Тој потсети дека често контактираат и со земјоделците и апелираат да не се палат стрништа и други остатоци на нивите, затоа што може огнот да се прошири и предизвика штета од пошироки размери.

И покрај овие апели, често може да се забележи чад од нивите, каде се палат остатоците од ланската вегетација за да ги оспособат овие површини за пролетна сеидба.

Митреска: Монетарната политика и натаму ќе биде олабавена

Монетарната политика и натаму ќе биде олабавена, како поддршка во процесот на закрепнување на економијата и одржување на кредитниот циклус.

Вицегувернерката Ана Митреска на панел-дискусијата на „Вуд и компанија" за монетарната политика во 2021 година

Вицегувернерката на Народната банка, Ана Митреска, учествуваше на панел-дискусијата нa тема „Монетарната политика во 2021 година", организирана од реномираната инвестициска банка „Вуд и компанија". На панел-дискусијата се разговараше за прашања поврзани со последиците од корона-кризата врз економскиот раст во изминатата година и економските изгледи за оваа година, а особено се разгледаа досегашните монетарни мерки и очекувањата за монетарната поставеност во следниот период.

Во своето излагање, Митреска истакна дека имајќи ја предвид силината и исклучителноста на корона-кризата, македонската економија ја поминува релативно подобро во однос на дел од земјите во регионот.

„Со олабавувањето на мерките за спречување на ширењето на вирусот и повторното активирање на глобалните синџири на производство, падот на економијата во втората половина од годината значително забави. Со оглед на вклученоста во глобалните синџири на производство и со помалото учество на услугите во вкупните текови, економијата на кус рок полесно го издржа товарот на кризата." – посочи вицегувернерката.

Во однос на изгледите за оваа година, на панел-дискусијата беа посочени очекувањата за закрепнување, при глобални очекувања за подобра епидемиолошка состојба, задржување на поволните финансиски услови и натамошно зајакнување на довербата, што ќе има позитивни преносни ефекти и врз домашната економија.

„Слично како и другите централни банки, Народната банка во 2020 година обезбеди монетарен стимул и регулаторна флексибилност, со што ѝ даде важна поддршка на економијата преку олабавување на финансиските услови и обезбедување дополнителна ликвидност во банкарскиот систем." – истакна Митреска во поглед на прашањето за монетарната политика.

Во однос на идната монетарна поставеност, вицегувернерката посочи дека монетарната политика и натаму ќе биде олабавена како поддршка во процесот на закрепнување на економијата и одржување на кредитниот циклус, а во услови на комфорно ниво на девизните резерви. Притоа, таа истакна дека задржувањето на кредитниот циклус е одраз и на поволната ликвидносна и капитална позиција на банкарскиот систем, заради чиешто понатамошно дополнително зајакнување е и одлуката на Народната банка за привремено ограничување на распределувањето и исплатата на дивиденда на акционерите на банките.

Почна реконструкцијата на 110-киловолтниот делекувод Штип-Овче Поле

 АД МЕПСО денеска започна со реконструкција на основниот 110 киловолтен далекувод од Штип до Овче Поле во дложина од 17,88 километри, вреден 1,41 милион евра што треба да биде готов до крајот на октомври годинава.

Официјалниот почеток на изградбата на далекуводот денеска го означија премиерот Зоран Заев и министерот за транспорт и врски Благој Бочварски заедно со генералниот директор на МЕПСО Куштрим Рамадани и претставникот на Европската банка за обнова и развој (ЕБОР) Анди Аранитаси.

-Всушност станува збор за изградба на нов далекувод на постојната траса од стариот далекувод што е во функција од 1960 година кој ги поврзува трафостаниците Штип и Овче Поле во должина од 17,88 километри, поставен на 71 столб од кои 55 се бетонски, а 16 се челично-решеткасти. Изградбата на новиот далекувод опфаќа отстранување на старите бетонски столбови и изградба на нови челично-решеткасти столбови, како и замена на опремата на постојните 16 челично-решеткасти столбови, односно замена на старите со нови проводници, заштитно јаже и изолатори, рече директорот Рамадани.

Станува збор, за како што рече, капитален проект во кој АД МЕПСО вложува 1,41 милион евра што е поддржан со средствата од заемот од ЕБОР.

-Со реконструкцијата на овој далекувод значително ќе се зголеми доверливоста и капацитетот на преносната мрежа во источниот дел од државата и на минимум ќе се сведат трошоците за одржување и ќе се намалат загубите во преносната мрежа. Со инвестицијата се поддржува зелената транзиција на производството на електрична енергија од јаглен кој обновливи извори на енергија (ОИЕ), бидејќи на овој далекувод во иднина ќе биде приклучена ветерната централа Богословец со моќност од 36 мегавати, рече Рамадани.

Аранитаси од ЕБОР посочи дека средствата за реконструкција на далекуводот се дел од заемот на банката до МЕПСО од 25 милиони евра со кои се предвидува рехабилитација на четири трафостаници и седум 110-киловолтни далекуводи низ државата.

-Заедно овие проекти ќе придонесат за намалување на техничките загуби, оптимизација на преносните системи во регионот со цел да се обезбеди доверливост на мрежата и сигурност во напојувањето, како и натамошна интеграција на ОИЕ, создавајќи можности за тргување, пренос на резервни капацитети, поддршка на системот, зголемување на прекуграничната размена на електричната енергија и развој на регионалниот пазар, рече Аранитаси.

Тој посочи дека ја поздравуваат посветеноста на Владата кон зеленото сценарио на Енергетската стратегија и постепеното затворање на термоелектраните во Осломеј и Битола и целосното исфрлање на јагленот од употреба за производство на електрична енергија.

Министерот Бочварски рече дека станува збор за значајна инвестиција за регионот која ќе придонесе за економски раст и развој.

-Со реконструкцијата испраќаме јасна порака до сите инвеститори дека е јакнеме преносната мрежа и создаваме поволен инфраструктурен амбиент за сите потенцијални инвеститори што сакаат да го искористат економскиот потенцијал на овој регион. Изградбата на овој далекувод е од огромно значење за стабилноста на електричната енергија во целиот регион каде има многу компании кои имаат потреба од сигурна и стабилна енергија, рече Бочварски.

Додаде дека реконструкцијата на далекуводот е дел од изнвестицискиот циклус од 100 милиони евра на МЕПСО за модернизација на преносната мрежа.

Потсети дека се инвестира во реконструкција и модернизација на шест далекуводи во должина од 130 километри, минатата година целосно се завршија, како што рече, и обемните реконструкции на трафостаниците во Валандово, Осломеј, Дуброво и Прилеп, а во тек е реконструкција на трафостаниците во Битола, Струмица, Вруток и Скопје 4.

-Круна на оваа голема инвестициска активност на МЕПСО е проектот за изградба на нов 400-киловолтен далекувод од Битола до Елбасан и нова трансформаторска станица во Охрид, вредни над 35 милиони евра за кои веќе се склучени договори и течат подготвителните работи, нагласи Бочварски и додаде дека Министерството за транспорт и врски дава континуирана поддршка на сите овие проекти.

Премиерот Заев истакна дека денешното отпочнување на реконструкцијата на далeкуводот е неопходно за енергетската транзиција и замена на јагленот со ОИЕ, особено во штипско-светиниколското подрачје кое нуди одлични можности за производство на електрична енергија од сонце и ветер.

-Со реализацијата на предвиденото ја јакнеме преносната мрежа и создаваме погоден инфраструктурен амбиент за сите потенцијални инвеститори кои можат и знаат како да ги искористат економските потенцијали во нашата земја. Инвестицијата ќе донесе придобивки за населението и за реалниот сектор. Новата и модернизирана преносна мрежа значи инвестиција во подобро утре и олеснување на животот и работата на населението, рече Заев и додаде дека низ цела земја се одвиваат активности за реализација на големи проекти за реконструкција на преносниот систем и за изградба на нови интерконектори со соседните земји со кои ќе се овозможи пренос на енергија од Бугарија до Албанија и Италија.

Врските со соседите, како што нагласи, значат електроенергетска стабилност што е основа за секоја просперитетна економија.

Посочи дека годинава ќе се заврши и реконструкцијата на трансформаторската станица Скопје 4, која како што кажа, е многу важен енергетски јазол од каде се напојуваат со електрична енергија потрошувачите во Скопје и oколината, а во завршна фаза е и проектот за релејна заштита на хидроцентралите Вруток, Тиквеш, Глобочица и Шпилје.

Владата, потенцира, ги поддржува заложбите за осовременување на нашата татковина во сите полиња, најголем фокус во овој период покрај здравството е создавање услови за економски развој на долг рок, а токму ваквите инвестиции како денешната, како што рече, се трајни добра и за идните генерации.

притисни ентер