Критичари и новинари од целиот свет гласаа за најдобар филм за годинава - Канал 5

Шоу биз

Критичари и новинари од целиот свет гласаа за најдобар филм за годинава

Реномирани 177 критичари и новинари од целиот свет и годинава гласаа во анкетата на „Индивајр“ (IndieWire) за најдобри филмови, глумци и режисери за 2024 година, и се чини, овојпат има разлики околу заедничкиот фаворит. 

Критичари и новинари од целиот свет гласаа за најдобар филм за годинава

Имено, за разлика од лани, кога „Убијци на цветната месечина“ беше на врвот на топ-листите за најдобар филм и режисер, оваа година филмот „Анора“ на Шон Бејкер е на првото место за најдобар филм, додека пак, најдобар режисер е Брејди Корбет за „Бруталист“, според испитаниците.

„Анора“ се појави на 89 од 177-те гласачки ливчиња, со 18 гласови за прво место. За споредба, „Бруталист“ е на место бр. 2, со вкупно 73 гласачки ливчиња, и 18 гласови за најдобар филм.

Гласањето, инаку, оди така што, на листот испитаникот избира од 10 филмови, и ги нумерира според личниот ранг. Филмот означен со 1 добива 10 поени, со 2 добива девет, со 3 - осум поени итн. Ливчето за најдобар режисер беше одреден со рангиран избор од 10 лица, но со еден, два и три поена за три режисери.

YouTube video

„Анора“ (Anora) е американска драма во режија и сценарио на Бејкер, којашто раскажува за класните разлики и односот на општеството кон сексуалните работници. „Бруталист“ (The Brutalist) е 3,5-часовна драма со Адриен Броди во улога на Ласло Тот - еврејски архитект роден во Унгарија, кој се иселил во САД по Втората светска војна. Филмот ја следи неговата 13-годишна борба за повторно воспоставување на неговата кариера, исполнета со експлоатација и лични предизвици, како одраз на сложеноста на американскиот сон.

YouTube video

„Момците од Никел“ (Nickel Boys) - во режија на Рамело Рос, е филмска адаптација на истоимениот роман на Колсон Вајтхед, добитник на Пулицерова награда. Приказната ги следи двете момчиња Елвуд и Тарнер, кои се испратени во училиштето „Никел академија“ во 1960-тите на Флорида, и нивните предизвици како Афроамериканци.

YouTube video

Освен филмаџии од САД, учество во гласањето зедоа и лица од Аргентина, Чиле, Колумбија, Египет, Германија, Индија, Јапонија, Полска, Србија, Јужна Кореја и Турција.

Од место бр. 4 до бр. 10, се најдоа филмовите „Сè што замислуваме како светлина“, „Предизвикувачи“, „Го видов ТВ-сјајот“, „Супстанција“, „Дина: Втор дел“, „Не очекувај премногу од крајот на светот“ и „Тешки вистини“. Најдобар глумец или глумица, според соодветната листа, е Мариен Жан-Баптист која глуми во „Тешки вистини“. /МИА

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер