Кои проблеми се јавуваат ако не го возите автомобилот? - Канал 5

Автомобилизам

Кои проблеми се јавуваат ако не го возите автомобилот?

Пред повторно да го стартувате автомобилот, проверете ги гумите, бензинот, течноста за сопирачки.

Кои проблеми се јавуваат ако не го возите автомобилот?

Имате одличен автомобил, но ретко го возите? Се плашите да не ве удри некој, немате каде да паркирате или едноставно, го „штедите“ вашиот убавец на четири тркала.

Оставањето на автомобилот без да се користи подолг временски период може да доведе до голем број проблеми кои со тек на време може сериозно да го оштетат возилото. Кога не се вози, автомобилот сè уште функционира, исто како лаптопот или мобилниот телефон, но колку подолго седи во гаражата, толку е полошо.

Како што објаснува автомобилскиот стручњак и директор на „Нисан“ во Вирџинија, Џо Акерс, кај автомобил што не се вози, може да се појават голем број проблеми. Еве дел од нив.

Гумите

Токму како што спиењето на една страна може да ви ја сплеска косата, истото се случува со гумите на вашето возило. Постојаното оптоварување на истиот дел од гумите создава рамни делови, а тоа доведува до нивно нерамномерно абење.

Непожелни гости

Оставањето на лименки од храна, слатки или пијалаци во вашиот автомобил може да ги привлече мравките, кои ќе најдат начин да влезат. Исто така, препорачливо е да ги извадите патиките и спортската облека од багажникот.

Гориво

Оставањето речиси празен резервоар за гориво, може да доведе до собирање на влага, што може да предизвика проблеми. Од друга страна, ако го наполните резервоарот до врв, а автомобилот стои долго време паркиран, тоа може да доведе до прелевање на горивото, бидејќи тоа се шири на потопло време. Исто така, со стоење бензинот има полош квалитет, па се препорачува полнење на свежо гориво пред повторно да го возите или да додадете стабилизатор за гориво.

Влијанието на природата

Ако немате гаража, а вашиот автомобил е паркиран на улица долго време, не треба да заборавите на влијанието на временските прилики. Ако сте го паркирале под дрво, на хаубата може да се појави леплива маса од дрвото, која тешко се отстранува и ја оштетува бојата на автомобилот. Уште полош е птичјиот измет кој го кородира лимот, па најдобро е да го исчеткате од автомобилот веднаш штом ќе го забележите.

Пред повторно да го стартувате автомобилот по долго време, задолжително проверете ја состојбата на течноста за сопирачки, бидејќи и таа ги менува нејзините својства и кај автомобилите што не се возат.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Панче Тошковски на „Кавга со Иван“

Утре, во оригиналното шоу „На кавга со Иван“ ќе гостува Панче Тошковски

Панче Тошковски на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: „Путин, дали прифаќаш?“

Зеленски изјави дека сега е ред на Русија да одговори на предлогот.

Зеленски: „Путин, дали прифаќаш?“

Украина е подготвена да учествува во технички трилатерални преговори со САД и Русија – кои би можеле да се одржат до крајот на октомври во Обединетите Арапски Емирати или во друга земја предложена од Вашингтон – изјави украинскиот претседател Володимир Зеленски.

Обраќајќи им се на новинарите во Киев заедно со германскиот канцелар Фридрих Мерц, Зеленски – како што пренесува „Укринформ“ – изјави дека сега е ред на Русија да одговори на предлогот.

„Американската страна стапи во контакт со Украина и Русија, предлагајќи да се одржи средба во некаква форма на техничко ниво, во трилатерален формат, до крајот на октомври. Вчера им потврдив дека сме отворени за учество во Емиратите или во друга земја предложена од американската страна“, рече Зеленски.

Според него, Вашингтон сега го пренел овој предлог на Москва, која треба да го изнесе својот став.

„Позитивно одговараме на преговорите“, рече Зеленски.

Зеленски претходно објави дека Соединетите Држави предложиле подготовка на трилатерална средба со учество на Украина, САД и Русија на техничко ниво.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер