Македонија

Клековски: Заразата во Гостивар се смирува, анализите и истрагата продолжуваат

Епидемијата на стомачни заболувања во гостиварскиот регион влегува во фаза на смирување, вели министерот за здравство Сашо Клековски.

Бројот на новозаболени се намалува, но институциите продолжуваат со анализите за да утврдат како дошло до појавата на заразата и дали имало пропусти во системот за контрола на водата и хигиенските услови.

Последните податоци покажуваат намалување на бројот на нови пациенти. Од почетокот на епидемијата се регистрирани околу 4 илјади заболени, а здравствените власти оценуваат дека состојбата постепено се стабилизира. Сепак, паралелно со здравствената состојба, продолжуваат епидемиолошките анализи за да се утврди хронологијата на настаните – кога започнале првите случаи, како се ширела заразата и кој бил изворот.

Според надлежните, треба да се направи разлика меѓу случаите поврзани со епидемијата и вообичаените летни гастроентерити кои секоја година се појавуваат во овој период. Клековски, кој денеска ја посети специјализираната болница за белодробни заболувања и туберкулоза во тетовско село Лешок вели дека контролата на водите е обврска на јавните комунални претпријатија, а едно од нив ја контролира токму водата во Лешок, каде што е утврдена бактериолошка неисправност.

„Не е тајна дека во поголем дел од руралните подрачја водата е бактериолошки неисправна, особено во летниот период…“

во Лешок и во здравствената установа водата се обезбедува преку диспензери, додека со локалната заедница се бара трајно решение за проблемот. Според здравствените власти, состојбата со водоснабдувањето во дел од руралните средини не е нов проблем, туку проблем кој постои со години и е поврзан со надлежностите на локалната самоуправа.

Епидемиолозите сега прават анализа на случаите од 25 јуни наваму, а се проверуваат и инкубациските периоди на бактериите и вирусите пронајдени во примероците, и не се очекува појава на други болести, освен во случај на нехигиена за што во соработка со Центарот за јавно здравје Гостивар се обезбедуваат дополнителни тестови за откривање на можни вирусни причинители а за тоа се алармирани и матичните доктори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата од водоводот во Демир Капија се забранува за пиење и подготвување на храна!

По добиените резултати од анализите на примероците земени во понеделник и вторник, од истото мерно место, добиени се различни резултати.

Анализата на примерокот земен во понеделник од страна на Институтот за јавно здравје – Скопје покажува дека водата не ги исполнува условите пропишани со правилникот за вода за пиење.

Од друга страна, анализата на примерокот земен во вторник од страна на Центарот за јавно здравје – Велес покажува дека водата ги исполнува условите согласно правилникот за вода за пиење.

Поради различните резултати, во понеделник ќе биде извршена супер анализа.

Затоа, водата од водоводот во Демир Капија се забранува за пиење и подготвување на храна!

Забраната ќе важи до добивањето на конечните резултати од супер анализата.

ЈКП „Бошава“ – Демир Капија

Тагови: Демир Капија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ бара јавно да се објави извештајот за водата во Гостивар – кој потпишал и кој гарантира дека е безбедна?

Владата треба веднаш јавно да го објави целосниот извештај и анализите за водата во Гостивар.

Несериозно и неодговорно е, по сè што се случуваше во Гостивар, од граѓаните повторно да се бара да веруваат само на изјави.

Особено затоа што власта постојано даваше различни информации а изјавите на владините функционери во изминатите пет недели беа различни и контрадикторни.

Прашање е и зошто досега ниту еднаш јавно не е објавена целосна анализа на водата за Гостивар?

Нема документ. Нема извештај.

Затоа СДСМ бара Владата денеска да овјави целосен извештај за водата во Гостивар.

Кои се резултатите од анализите и која институција ги извршила?

Кој го потпишал извештајот?

Кој одобрил користење на водата и кој со својот потпис гарантира дека таа е безбедна за граѓаните?

По 5.000 илјади граѓани со здравствени проблеми и по сите контрадикторни информации од институциите, повеќе нема простор за усни уверувања.

За здравјето на граѓаните мора да постои документ, стручна анализа, институционална одговорност и потпис.

Граѓаните бараат една едноставна работа: чиста и безбедна вода и имаат право да ја знаат целата вистина.

Бидете барем еднаш сериозни и одговорни - објавете документ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

72 санкции за возачи на лесни електрични возила на територија на цела држава

За време на контролата санкционирани се и 260 други видови на прекршоци.

Во текот на вчерашниот ден (13.08.2026) во периодот од 17:00 до 22:00 часот Секторот за сообраќајни работи при Министерството за внатрешни работи спроведе акциска контрола за санкционирање на прекршоци кои ги прават возачите на лесни електрични возила на територијата на целата држава, при што санкционирани се 72 возачи.

Од нив, по 11 на територијата на СВР Тетово и СВР Битола, осум на територија на СВР Велес, седум на територија на СВР Куманово... Од страна на Мобилната единица за безбедност на сообраќајот на патиштата санкционирани се 20 возачи на лесни електрични возила. За време на контролата санкционирани се и 260 други видови на прекршоци. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.