Автомобилизам

Кинезите го враќаат ударот: Пронајдоа оружје за борба против царините на ЕУ

Долго време европските производители бараат од ЕУ посебни мерки за заштита од големата инвазија на електричните автомобили од Кина.

Сега, кога Брисел најави дополнителни царини за кинеските електрични возила, Кина најде ново оружје - возвраќајќи го со „plug-in“ хибриди кои би можеле да ја освојат Европа.

Со зголемување на тарифите, новите електрични автомобили кои доаѓаат од исток ќе бидат поскапи во Европа од летото, а единствената причина зошто тоа не се случи порано е можната „одмазда“ што ќе влијае на трговските односи меѓу Европа и Кина.

Само силните кинески брендови, како што се „BYD“, „Geely“, „MG“, „Chery“, „Nio“ или „Xpeng“, ќе можат да ја поднесат цената на присуството во Европа. Повеќето од нив, од 140 регистрирани брендови, тешко дека ќе опстанат во вакви услови.

Силните кинески брендови и нивната влада одат рака под рака насекаде, но бидејќи ЕУ објави данок за електричните автомобили, има ново оружје како одговор на овој потег.

Кинезите веќе имаат стратегија против европската одлука, а еден од одговорите е, на пример, најавениот „plug-in“ хибрид на „BYD“ со 2.000 километри автономија, односно со технологија која е во подем во Кина.

Исто така, благодарение на големите инвестиции во автомобилската индустрија, развојниот циклус на нов модел во Кина е намален на максимум две години, во споредба со три до пет години во Европа.

Ако европските марки не можеа да се натпреваруваат со кинеските електрични возила, нема да можат да се натпреваруваат ниту со „plug-in“ хибридите - денес најдоброто може да помине и до 1.000 километри без да остане без енергија, но нема ниту една марка способна на подигање на автономија надвор од тоа, а камоли да се удвои, како што вети „BYD“.

Ако се земе предвид дека европските клиенти почнаа да им веруваат на кинеските електрични автомобили, ценејќи ја нивната технологија и прифаќајќи го дизајнот и пониската цена, тогаш уште повеќе ќе им веруваат на новите „plug-in“ хибриди.

Мала пречка или предност, која европскиот законодавец можеби ја насетил порано, може да биде тоа што Европа прва ги отпиша „plug-in“ хибридите од листата на субвенции.

Сепак, додека Европа е зафатена со регулативи, кинеската влада ги субвенционира домашните марки, поради што кинеските автомобили имаат ниска цена - околу 25% пониска во просек по возило во сегментот Ц во споредба со европските ривали.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Илинден започна со реконструкција на спортската сала „Гоце Делчев“

Општина Илинден започна со реализација на проектот за реконструкција на спортската сала „Гоце Делчев“ во населеното место Илинден.

Општина Илинден започна со реализација на проектот за реконструкција на спортската сала „Гоце Делчев“ во населеното место Илинден, како дел од континуираните активности за унапредување на спортската инфраструктура и создавање подобри услови за спорт и рекреација.

Оваа реконструкција се врши по речиси дво децениско користење на салата, при што се предвидени повеќе градежни и технички зафати насочени кон подобрување на функционалноста, безбедноста и енергетската ефикасност на објектот. Проектот опфаќа санација на таркетот со стругање и нанесување три слоја специјален заштитен лак отпорен на гребење и пролизгување, како и целосно ново бележење на теренот за повеќе спортски дисциплини.

Во рамки на реконструкцијата ќе бидат извршени и молерисување на ѕидовите и таваните, бојадисување на трибините, замена на заштитната ограда и поставување нови седишта на трибинскиот простор. Предвидена е и замена на гумираниот под, целосна реконструкција на соблекувалните, како и бетонирање стопи и поставување метални елементи за монтажа на мобилни столбови за одбојка.

Дополнително, како дел од претходно реализираните активности за модернизација на салата, извршена е замена на дотраените металхалогени рефлектори со современи ЛЕД светилки, со што значително е подобрена енергетската ефикасност и квалитетот на осветлувањето на просторот.

На почетокот на градежните активности увид изврши градоначалникот на Општина Илинден, Александар Георгиевски, кој истакна дека локалната самоуправа останува посветена на континуирани инвестиции во спортската инфраструктура.

„Со реконструкцијата на спортската сала создаваме современи и функционални услови за спортистите, младите и сите рекреативци. Истовремено, ќе се зголемат можностите за организирање домашни и меѓународни спортски натпревари, како и други мултифункционални настани“, изјави градоначалникот Георгиевски.

Општина Илинден и во наредниот период ќе продолжи со реализација на капитални проекти кои придонесуваат за развојот на спортот, унапредување на јавната инфраструктура и подобрување на квалитетот на живот на сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Срамен потег на Белата куќа: Трамп се јавил во ФИФА три пати за четири дена за да поништи црвен картон!

Американскиот претседател ја искористил врската со Џани Инфантино, првиот човек на ФИФА, според информациите од Гардијан и од него побарал помош за поништување на доделен црвен картон.

Трамп се јавил во ФИФА три пати за четири дена за да го поништи црвениот картон на Фоларин Балогун!

Според информациите од британските медиуми, Доналд Трамп, претседателот на САД, направил сè што можел за да ја спречи суспензијата на Фоларин Балогун.

Гардијан добил информации дека Доналд Трамп ја искористил својата врска со Џани Инфантино, првиот човек на ФИФА.

Тој ја повикал организацијата-три пати за четири дена, инсистирајќи одлуката да се промени, напорот на американскиот претседател вродил со плод и дошло до промена на одлуката сега таа се води како вродило со плод како „условен црвен картон “. - Ви благодарам ФИФА, го направивте она што беше исправно и ја поништивте големата неправда - напиша Трамп преку социјалните мрежи.

Тагови: Доналд Трамп ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО бара мерки на претпазливост за тројцата насилници 15 дена по крвавиот напад врз детето во Ченто

Скопското обвинителство соопшти дека побарало мерки на претпазливост за тројцата осомничени за нападот врз 14-годишното момче во скопската населба Ченто.

Според првичните сознанија, како што соопштија, на 22 јуни осомничените учествувале во насилничките дејствија кон малолетникот, го удирале со тупаници и клоци и му нанеле расекотини со нож по телото. Со предложените мерки им се забранува да го напуштат живеалиштето, да не се доближуваат до местото на настанот, ниту да контактираат со детото и неговите родители...

-Во меѓувреме, продолжуваат да се вршат вештачења на пронајдени траги и се преземаат други дејствија за прибирање докази, велат од основно јавно обвинителство Скопје.

Иако настанот се случил на 22 јуни, МВР поднесе кривични пријави за против тројцата осомничени дури по 11 дена, откако мајката на детето јавно реагираше дека случајот се води како насилство, а не како потешко дело обид за убиство, и покрај седумте убоди од нож што му биле нанесени. Мотивите за нападот, се уште не се познати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.