Шоу биз

Кидман: Кјубрик ми го саботираше бракот со Том Круз

Холивудската актерска ѕвезда Никол Кидман за 25-годишнината на „Очи широко затворени“, проговоре за бракот со Том Круз и работата со славниот режисер Кјубрик.

Никол Кидман во интервју за „Лос Анџелес тајмс“ се присети на снимањето на „Очи широко затворени“ којшто излезе во јули 1999 година. Таа пред повеќе од 25 години го сними тој филм со нејзиниот поранешен сопруг Том Круз, па го откри своето мнение дека режисерот Стенли Кјубрик можеби „го саботирал“ нивниот брак поради подигрувањето со нивните ликови.

- Претпоставувам дека го саботираше. Поставуваше многу прашања. Но, имаше силно чувство за приказната што ја раскажуваше. Се сеќавам, еднаш рече: „Триаголниците се тешки. Мора да бидете внимателни кога се работи за љубовен триаголник". Затоа што еден човек може да се чувствува нападнат од друг, но тој беше свесен за тоа и знаеше како „да управува“ со нас, рече глумицата која се движи кон залезот на шестото десетлетие од својот живот.

Таа исто така открива оти со Том живееле во приколка за време на снимањето, иако нивниот дом бил на 10 минути од местото.

- Престојувавме во приколка бидејќи Стенли ни рече: „Не може секој да има свој дом. Не може да си го дозволиме тоа“, раскажува Кидман.

„Очи широко затворени“ е психолошка драма за угледниот американски лекар Вилијам (Круз), кој живее во Њујорк со сопругата Алис (Кидман) и ќерка им Хелена. Откако неговата жена му открива дека некогаш размислувала за прељуба, Вилијам влегува во таен секс-култ... Снимањето на филмот траело петнаесет месеци бидејќи Кјубрик бил перфекционист и сакал сите сцени да бидат совршени. Според „ЛАД бајбл“ (LADbible), Кидман и Круз морале да повторат некои сцени и по 50 пати.

Тие двајца се венчаа на Божиќ, 1990 година, откако се запознаа на снимањето на „Денови на громот“ една година порано. Беа в брак над 10 години и имаат две посвоени деца - Изабела Џејн и Конор Ентони. Се разведоа во 2001 година, а потоа Кидман, во 2006. се омажи за Кит Урбан. Истата година, Том се ожени со Кејти Холмс, со која беше в брак до 2012 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Уапсен вооружен маж во голф-клубот на Трамп; „Спречена опасна ситуација“

Маж вооружен со пиштол е уапсен откако за време на викендот фотографирал и снимал видеа на теренот на голф-клубот „Трамп Нешнал“ (Trump National Golf Club) на американскиот претседател Доналд Трамп

Маж вооружен со пиштол е уапсен откако за време на викендот фотографирал и снимал видеа на теренот на голф-клубот „Трамп Нешнал“ (Trump National Golf Club) на американскиот претседател Доналд Трамп, во округот Лос Анџелес, соопшти Канцеларијата на шерифот на округот Лос Анџелес.

Како што беше објавено, полицијата го пронашла возилото на осомничениот Џенин Џон Теил (38) на паркингот на голф-клубот, а во џебот од неговите панталони била пронајдена кутија со 16 куршуми со шуплив врв (hollow-point), додека во возилото биле пронајдени наполнето огнено оружје со куршум во цевката и уште една наполнета кутија со муниција со шуплив врв, пренесува ABC.

Теил е уапсен поради носење скриено огнено оружје и поседување муниција за пробивање оклоп, односно забранета муниција, соопшти канцеларијата на шерифот.

По апсењето, детективите пронашле дополнително огнено оружје и „повеќе тетратки што содржеле вознемирувачки записи“ во домот на мажот. Осомничениот, идентификуван како 38-годишниот Џенин Џон Теил од Дауни, Калифорнија, е задржан во притвор со одредена кауција од 250.000 долари, а неговото појавување пред судот се очекува на 26 август.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Голема грижа за граѓаните на Гостивар - бизнис зделка од 100.000 евра на Мицкоски и ВМРО-ОКГ со вода

Владата на Мицкоски преку Службата за општи и заеднички работи склучила договор за набавка на вода за пиење во вредност од 100.000 евра.

Додека граѓаните на Гостивар со недели пиеја загадена вода и илјадници луѓе се соочуваа со здравствени последици, Владата на Мицкоски преку Службата за општи и заеднички работи склучила договор за набавка на вода за пиење во вредност од 100.000 евра.

Договорот, поради кризата, е склучен со директно договарање, без јавен оглас.

Бизнис зделка од 100.000 евра без тендер.

Според достапните информации, договорот е склучен со „Кожувчанка“, компанија која е сопственост на градоначалникот на Општина Кавадарци, а постапката ја спровел директорот на СОЗР, Ивица Томовски.

Голема грижа на тендер патриотите Мицкоски и ВМРО-ОКГ, бизнис зделка од 100.000 евра без тендер.

Така замислуваат и со криминалниот Закон за Скопје 2028, без тендери, само свои компании.

Поради тендер патриотите отруена е цела Македонија а одговорни нема. Ниту еден.

Граѓаните се трујат и одат по болници, институциите молчат и доцнат со реакција.

Ништо не функционира освен бизнис зделките на тендер патриотите.

Дури и во овие моменти кога народот се труе, они тераат бизнис и профитрираат.

Профитираат на грбот на народот и на здравјето на луѓето.

Скопје, 05.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Алкараз се повлече и од Мастерс турнирот во Синсинати

Карлос Алкараз повторно се откажа од еден турнир, младиот Шпанец со месеци се надвор од терените поради повреда, сега јавноста со право се прашува ќе настапи ли тој на следниот грен слем во Њујорк УС Опен?

Вториот тенисер во светот, Карлос Алкараз, се повлече од Мастерс турнирот во Синсинати поради повреда на зглобот, па така нема да ја брани титулата освоена минатата година.

Карлос Алкараз нема да настапи на турнирот „Мастерс“ во Синсинати, бидејќи одлучи да го продолжи закрепнувањето од повредата на зглобот. Шпанскиот тенисер последен пат настапи во април на турнирот во Барселона, кратко откако играше во финалето на „Мастерс“ турнирот во Монте Карло. Алкараз има учинок од 22 победи и три порази оваа сезона и моментално е второрангиран на АТП-листата.

Тој ја започна сезоната на најдобар можен начин со освојување на „Австралија опен“, со што го комплетираше својот „Гренд слем“ во кариерата. Титулата во Мелбурн беше единствениот голем трофеј што му недостигаше во колекцијата.

Тагови: Карлос Алкараз тенис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.