Камерон вели дека го фатила паника , откако во анкетите видел дека водат оние кои сакаат отцепување на Шкотска од Британија, па затоа побарал помош од кралицата. Од Бакингамската палата не сакаа да ја коментираат ваквата интервенција , туку само кусо соопштија дека наводите на Камерон биле непримерени и дека не било потребно да ги изнесува во јавност.
Неколку дена пред референдумот во септември 2014 година Елизабета II рече дека се надева оти „луѓето ќе размислат многу внимателно за иднината“, што беше протолкувано како порака на кралицата за зачувување на единството на земјата.
„Иако е многу куса, (пораката) во голема мерка даде поинаква перспектива за нештата“, рече Камерон за Би-Би-Си.
Шкотска последователно одлучи да остане во Велика Британија со 55 проценти од гласовите.
Признанието на Камерон предизвика остра реакција на Шкотската национална партија (СНП), која е на власт во Шкотска и се залага за независност.
Ова е „не само што е целосно несоодветно, туку исто така покажува колку бил очаен премиерот на крајот на шкотската кампања за референдум“, објави поранешниот шкотски премиер (2007-2014) и поранешниот претседател на СНП, Алекс Салмонд на Твитер.