Камениот мост во село Зовиќ туристичка атракција во Мариово - Канал 5

Живот

Камениот мост во село Зовиќ туристичка атракција во Мариово

Камениот или „филмски мост“ во мариовското село Зовиќ е вистинска туристичка атракција во секој период од годината, но се чини најголемата посетеност ја регистрира во сезоната пролет-лето.

Камениот мост во село Зовиќ туристичка атракција во Мариово

Локалните жители најчесто велат дека во овој период природата во Зовиќ се „преслекува“ и е поприфатлива за посетители кои доаѓаат од секаде, а некои првпат.

Камениот мост во селото Зовиќ е изграден пред точно 70 години, во 1955 година кога дотогашниот дрвен мост бил срушен, но не од забот на времето или од невреме, туку од голем товар што го пренесувал Велко Трајковски, жител на селото Зовиќ. Според сведоштвата на локалното население, во тоа време, Велко се обидел со воловска кола да премине преку дрвениот мост, кој од тежината се преполовил. Велко заедно со колата и воловите паднале во реката и иако се стекнал со тешки телесни повреди, тој преживеал и со одреден степен на инвалидитет, доживеал длабока старост. На местото на срушениот дрвен мост, селаните изградиле камен мост, од делкани камени блокови кои и ден денес сведочат за мајсторството на извесен мајстор Џуладин кој во Зовиќ пристигнал од струшкото село Лабуништа. Камениот мост се градел две години, исто толку време, жителите на Зовиќ имале обврска да бидат добри домаќини на Џуладин и неговите работници кои биле сместени во селото и снабдени со вода и храна.

- Мостот во селото Зовиќ е препознатлив и „славен“ по филмовите кои македонскиот режисер Милчо Манчевски ги снимаше во Мариово. Поради тоа често се сретнува и по името „филмски мост“. Со оглед на тоа дека никогаш не беше довршен, беше тешко оштетен и небезбеден за посетителите, во 2014 година доби нов лик, благодарение на реставрацијата помогната низ проект финансиран од Европската унија, ни рече нашиот домаќин и водич, редовен промотор на историските знаменитости на Мариово, Јове Парговски.

Тој нагласува дека туристите од земјава и странство не пропуштаат веднаш пред мостот на висока карпа да го видат живописот со приказ на Свети Ѓорги.

- Овој живопис е тука точно еден век. Според истражувањата, живописот со приказ на Свети Ѓорги датира од 1925 година. На живописот централно е поставена фигурата на Свети Ѓорги на бел коњ, со развиорена црвена наметка. Свети Ѓорги го убива ѕверот. Живописот е реставриран пред 20 години од НУ Завод и музеј Битола и исто како Камениот мост претставува одлична локација за фотографирање од страна на секој посетител, посочи Парговски.

Нашите домаќини потсетија дека мариовското село Зовиќ првобитно го носело името Бзовиќ, пред се поради растението бозел кое тука го има во изобилство. Се претпоставува дека селото постои на ова место од XVI век и е формирано или поточно поместено од месноста викана Лениште каде претходно било населено.

- Селото е ридско-планинско, најголем дел од куќите се изградени од камен, кал и дрво. Пред 60 години имало точно 388 жители и училиште во кое децата учеле до четврто одделение, но, за жал, денеска во селото има помалку од 10 постојани жители. Она што може да се каже и дека го одржува во живот ова село е етно куќата „Кај Мостот“ и домаќините Наташа и Митко Крстевски, кои заедно со своите деца се вратија во село Зовиќ и создадоа бренд кој е надалеку познат по добрата храна. Тука е и Вила Димитрија, а сакам да ги споменам и пчеларство Стојановски, кои веќе со години се познати како производители на квалитетен Мариовски мед, вели Парговски.

За богатата историја на Зовиќ денеска сведочат куќите, дел обновени, дел се уште разрушени од бомбардирањата пред се во Првата светска војна, бидејќи, како што е познато, селото беше на самата фронтовска линија.

- Бомбите не поштедиле ниту една куќа, а најголем дел биле целосно разрушени. Бомби и гранати тешко ја оштетиле и селската црква „Св. Никола“ која по завршување на војната е обновена, а денес е збирно место на зовичани кои доаѓаат за летен и зимски Свети Никола, Митровден, кога е и слава на селото, а особено интересни се обичаите кои ова село ги практикува за верскиот празник Водици. Црквата „Св. Никола“ во село Зовиќ е изградена во 1862 година, а интересен за оваа црква е податокот дека при нејзината обнова по Првата светска војна, ктиторите кои ја помогнале обновата, се поставиле себеси како светци, на камени плочи над влезовите на црквата.

Во непосредна близина на црквата „Св. Никола“ е и манастирот посветен на „Свети Атанасиј“, со црквичето изградено во XVII век, кое се наоѓа на блискиот рид „Марта“. Сакам да кажам, вели Парговски, дека село Зовиќ ги има сите предуслови да стане успешна туристичка приказна. Пред некоја година преку проект на Швајцарската агенција за развој и соработка беа „дигитално обележани“ неколку локации низ Мариово кои се интересни за посетителите и беа изработени само-водечки тури, кои им овозможуваат на посетителите подобро да го истражат Мариово. Така, на пример, на само еден час пешачење од село Зовиќ се наоѓа надалеку познатиот манастир „Чебрен“ со храмовите посветени на Св. Димитриј (XVIII в) и Св. Спас (XVI в). Истиот манастир е идеална еднодневна прошетка и за посетители со планински велосипед или 4x4 возило. Тука се и локациите како Кајмакчалан, Добро Поле, Бела Река, селото Манастир..., кои овозможуваат квалитетно повеќедневно искуство за посетителите.

Престојот во Мариово го завршивме со посета на споменикот „Победа – 100 години потоа“ што се наоѓа во селото Градешница, посветен на сите жртви од Првата светска војна. Споменикот е донација на уметникот и скулптор Златко Бојковски, роден во Градешница, и е еден од ретките споменици кој е посветен на сите жртви од Првата светска војна. До неодамна по фронтовата линија можеа да се сретнат само споменици посветени на различните војски кои од преку 30 различни земји се бореле на двете страни на фронтот. Цивилното население најчесто беше запоставено, а токму тоа во Мариово и најмногу страдало со смртност од 50 до 80 отсто од вкупното население, поради војната и последиците од неа.

Скулптурата е тешка околу два тона и е создадена од шрапнели, бомби, шлемови и други остатоци од Првата светска војна кои скулпторот Бојковски лично ги собирал по линијата на фронтот. Употребата на некогаш убиствените експлозивни средства за споменик на кој е претставен коњ со дигната нога ја симболизира победата на животот над смртта. Овој македонски споменик како еден од ретките во земјава е дополнителна туристичка атракција за посетителите на Мариово./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху го отфрла планот на Трамп за Газа

Израелскиот премиер Бенјамин Нетанјаху изјави дека Израел го отфрла најновиот мировен план за Газа, поддржан од САД. Нетанјаху бара целосно разоружување на Хамас пред какво било повлекување на израелските сили.

Нетанјаху го отфрла планот на Трамп за Газа

Неговата изјава доаѓа една недела откако американскиот претседател Доналд Трамп објави значителен напредок во разговорите. Одборот за мир (BoP) на Трамп потоа презентираше нов план од 15 точки, кој треба да воспостави траен мир во регионот.

Отфрлањето на Нетанјаху

Во своето прво директно обраќање за планот, Нетанјаху беше недвосмислен: „Сакам да бидам прецизен - Израел го отфрла документот од 15 точки“. Тој додаде дека израелската војска „воопшто нема да се повлече додека Хамас навистина не се разоружа и ќе продолжи да ги спречува заканите против нашите сили и граѓани“.

„Моментално разговараме за ова со Американците“, продолжи тој. „Тие имаат свои идеи, од кои некои се прифатливи за нас, некои не. Знаеме како да се позиционираме во такви ситуации и да ги заштитиме нашите интереси“. „Додека сум премиер, нема да се воспостави палестинска држава - ниту во Газа, ниту на Западниот Брег“, рече тој.

Ставови за операциите и изборите

Нетанјаху се осврна и на воените операции во Газа и Либан и нападите во Иран претходно оваа година. „Спротивно на сите оние што ни држат лекции, ние правиме она што е потребно за безбедноста на Израел. Можеме и ќе стоиме на нашата позиција, дури и пред нашите најдобри пријатели кога е потребно“, додаде тој.

Неговата десничарска коалиција излегува на избори кон крајот на октомври, а според сегашните анкети, ја губи поддршката кај гласачите.

Планот на САД и реакцијата на Хамас

Кон крајот на јули, американскиот претседател Доналд Трамп објави договор за разоружување на Хамас и сите други вооружени групи во Газа, кој го нарече историски. Ова се случи неколку месеци по првото објавување на договор за прекин на огнот меѓу Хамас и Израел, посредуван од САД.

Хамас изјави дека ќе се согласи со договорот само ако Израел ги запре нападите во Газа и ги повлече трупите на „жолтата линија“, како што е дефинирано со договорот за прекин на огнот од октомври.

Висок функционер на Хамас изјави во неделата дека групата останува посветена на планот изготвен од мировниот комитет на Трамп. Басем Наим, член на политичкото биро на Хамас, напиша на мрежата X: „Очекуваме медијаторите и американскиот гарант да извршат притисок врз Нетанјаху и неговата влада да се придржуваат до планот. Тие не смеат да дозволат тоа да го попречи процесот од внатрешни политички и изборни причини.“

Израелските сили моментално контролираат повеќе од половина од Газа, поточно источните и јужните делови од територијата, а високи министри посочија дека сакаат да ја прошират таа контрола. Десничарските членови на кабинетот на Нетанјаху ги поздравија неговите изјави. „Израелските одбранбени сили не смеат да се повлечат ниту еден милиметар во Појасот Газа“, рече министерот за финансии Безалел Смотрих.

Извор: Индекс.хр

Тагови: Бенјамин Нетанјаху

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфунот Делфин ја погоди Кина: Милион евакуирани, откажани летови

Тајфунот Делфин денес ја погоди источна Кина, што предизвика откажување на повеќе од 1.000 летови, евакуација на милион луѓе и прогласување на највисоко ниво на опасност, објавија метеоролошките служби, пишува „Euronews“.

Тајфунот Делфин ја погоди Кина: Милион евакуирани, откажани летови

Ценитарот на тајфунот се пристигна во близина на градот Јухуан во источната кинеска покраина Џеџијанг околу 17:30 часот по локално време, соопшти Националниот метеоролошки центар (NMC) на Кина. Во моментот на ударот, максималната брзина на ветерот во близина на центарот била повеќе од 150 километри на час, според „NMC“.

Властите евакуирале повеќе од 900.000 жители од крајбрежниот град Венџоу во покраината Џеџијанг во источна Кина и отвориле повеќе од 1.000 приемни центри. Речиси 1.400 летови беа откажани на двата главни аеродроми во Шангај денес, објави државниот радиодифузер „CCTV“.

Силни дождови и силни ветрови

Последиците се почувствуваа и во Хонг Конг на јужниот брег на Кина. Таму беше измерена рекордна максимална температура од 36,9 степени Целзиусови, а високата температура е резултат на топлиот воздух што го туркаше тајфунот Делфин кон градот. „Бурата се движи кон Жеџијанг и понатаму во внатрешноста, а нејзините надворешни струења ќе донесат екстремно топло време во областа од денес до вторник“, соопшти опсерваторијата во Хонг Конг.

Пред да стигне до Кина, тајфунот Делфин донесе обилни дождови и силни ветрови во Окинава, Јапонија. Седум лица во Окинава беа полесно повредени, вклучувајќи и маж над 100 години кој падна и ја удри главата откако беше соборен од налетот на ветерот, соопштија локалните власти.

До денес попладне, 5.290 домаќинства во Окинава беа без струја, соопшти регионалната енергетска компанија „Окинава Електрик Пауер“. Во Тајван, десетици фериботски линии беа суспендирани денес, а повеќе од 180 летови беа откажани бидејќи бурата донесе поројни дождови и силни ветрови во северниот дел од островот.

Поради тајфунот беше издаден црвен аларм

Утрово, кинескиот „NMC“ издаде црвен аларм за тајфун, или неговото најстрого предупредување. „NMC“ предвиде „исклучително обилни врнежи од дожд“ во делови од централен и источен Жеџијанг. Обилни врнежи од дожд се очекуваат и во Шангај и делови од провинциите Фуџијан, Анхуи и Џангсу до утре попладне.

Се очекува тајфунот Делфин да ослабне по приближувањето на копното додека се движи кон северозапад над источна Кина. Во провинцијата Фуџијан, речиси 99.000 луѓе беа евакуирани од загрозените подрачја синоќа, јавува новинската агенција Синхуа.

Делфин пристигна во Кина две недели по тајфунот Ноул, кој властите потоа го прогласија за најсилна бура во Кина оваа година. Тајфунот Ноул уби три лица и оштети стотици домови на Филипините пред да стигне до Кина.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Париз: Постара жена влегла во црква со бомби

Постара Парижанка денес донела во својата црква две гранати што ги пронашла во зградата каде што живее, што предизвика итна евакуација на околу стотина верници од црквата и повик за полицијата, објавија француските медиуми.

Драма во Париз: Постара жена влегла во црква со бомби

Утрово, една жена отишла во црквата Нотр Дам де ла Гар во 13-от арондисман во Париз за да му го покаже своето откритие на парохискиот свештеник, објави Ле Фигаро, повикувајќи се на исказите на очевидци.

Свештеникот веднаш ги отстранил двете експлозивни направи, а потоа ги известил властите.

Полицијата брзо реагирала, евакуирала околу стотина луѓе и поставила безбедносен периметар околу црквата.

Во 11:20 часот пристигнале експерти за деактивирање бомби, ги идентификувале предметите како „маневрска и чадна бомба“, кои не претставуваат закана за човечкиот живот и ги укинале безбедносните мерки за да може да продолжи црковната служба.

Исто така, бил извршен претрес во домот на една постара жена, но не биле пронајдени други бомби, а свештеникот рекол дека не сака да поднесе формална тужба.

Извор: Б92

Тагови: Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер